بعد انقطاعي جبت هذي القصيدة=وانا أطلبك ياللي قريت السموحة
العبد ما تأتي على ما يريده=حتى ولو كان التواصل طموحه
والعمري اللي حب ينشر جديده=رغم انقاطاعاته جروحه بروحه
يا مشاكس تراك أزعجتني وش بلاك=وش يفيدك عنادك جعل بقعا تجيك
كم نصحتك وكم قلت أبغي أكسب رضاك=وأنت لا زلت في طغيانك الله عليك
أنت ما فيك شيمة وأنت بايع حياك=تشتكي ظلم غيرك والزمن يشتكيك
كم تحاول تخلص بس حظك رماك=والشقاء صار صفك والبلاء من يديك
ما عرفنا طباعك ما عرفنا هواك=كل عيب في ارض الله موجود فيك
غرك الكبر يا مغرور وش ذا دهاك=وأنت صدقت من قال أنت فعلا مليك
أنت في مجتمعنا طايح مستواك=سمعتك طايحة والهاوية تحتر يك
الحماقة فراشك والنذالة رداك=طول عمرك تقلب بين هذي وذيك
سولت نفسك امرا لين ذقت الهلاك=يا شقا دنيتك حتى هلك ما تبيك
كلها الموبقات السبع تجري وراك=ما بقى غير تجعل في إلهك شريك
اتق الله في نفسك وعدل خطاك=والحذر من ظروف الوقت لا تحتويك
وسلامة الجميع