انا و نور و سحايب في سماح

السلام عليكم ^^

وش اخباركم ياجماعه ؟؟
ان شاء الله تمام كلكم ^^

هذا الله يطول اعماركم طلعت قبل يومين مع الغاليه نور الدنيا << انا مشغلتها عنكم ^^"
و اخذنا معنا الراقيه سحايب << من جنبه ^^
المهم رحنا لـ سماح سنتر نحتفل بنهاية العطله << خير ان شاء الله ؟؟؟؟
و قررنا نطلعكم معنا بالصور اللي اخذناها من هناك ^^

بسم الله نبدا << الافتتاح الكبير ^^


اول ما دخلنا مع البوابه واجهتنا لوحه اكبر من راسي ^^



استانسنا و قررنا نبسط هناك تخبرون ما حولنا رواتب ^^"
المهم و نفتتح الزياره بسنتر بوينت << سيتي بلازا سابقاً
و يا ان عندهم اشياء توووحف ^^
ما ودي طلعت << للبنوتات الحلوات بث



و كدت ان اشتري من عندهم هذي ^^"



لكن جاني كف من نور الدنيا و قالت عيب بناتنا ما يلبسون كذا
بغيت اقلبها مناحه عندهم بس سحبوني لقسم التحف و سكت ^^



وهنا ايضا





بعدها رحنا ع قسم الشوز و ما ادراك ما الشوز ^^
<< يعني الجزم وانتم بكرامه ^^"
بس فقدنا نور الدنيا ما ندري وينه ؟؟؟!!
و بعد بحث و تحري وجدناها ^^
هــــنــــــا





كانت تراقبها معجبها شكلها ^^
لكن سحبناها و دخلناها على قسم الجزم
و الهيناها بهذي
و الحمد لله اعجبتها ^^



انا احترت بين هالثنتين ^^
ما ادري ايهم اخذ << ما يذكرونكم بالتون ؟؟؟!!!!




****


الموهم غيرنا المكان و رحنا لـ feel free
و طاحت سحايب مغمى عليها عندهم
عجزت تحمل المناظر الرووووعه ^^
نور الدنيا انشغلت فيها و انا رحت اتفرج << لا تعليق ^^"
و لقيت ذيك الشنطه بتطير العئل << اعصابك خخخخ
و جا ببالي اخذها مع الشوز الاسود السابق
وش رايكن بنات يمشون مع بعض ؟؟؟؟



اكيد لابد نمر مكياجي عالاقل نلقي نظره ^^







****


و على طول على مانجو mango
و نفس الحكايه طاحت سحايب و اشغلت نور
و كانت ناويه تسرق هالفستان الله لا يبلانا << اعوذ بالله ^^"



و الشنط ايضاً




****

طبعا كل هالجوله عالسرييييييع
عشان نلحق نتعشى فوق بالمطاعم ^^

المهم طلبنا عشانا و جلسنا بالكبينه و فرشنا السفره ^^
شوفوا جوال نور الدنيا بالزاويه فوق
اهلها يدقون عليها و هي شاطفتهم خخخخخخخ





و هنا بعد ما خلصنا الحمد لله
ما كثرنا من الشيبس يقولون ما ينفع للريجيم ^^"




و نقوم نتلفت نتفحص الجدران <<مو انا
و الله سحايب اللي نقشت هذا



اعوذ بالله صليب و بحايل ؟؟!!!


و قبل ما نطلع تركنا البخشيش << اعرف اسمه tip ما ادري وش غيره ^^"





****

و سبحان الله ربي عاقبنا على هالفسق ^^
و اول ما ركبنا المصعد
قفل علينا << يا ويل واحد يضحك ترى اشوفكم انا ^^"
ما تركنا زر ما ضغطناه << حنا البلا خخخخخخ
الله لا يوريكم انهيارات عصبيه و حالات تشنج
و سحايب راحت فيها << من قال امل ؟؟؟
و بعد مرور دقيقتين من فيلم الرعب
فتحوا الباب الهنود و انقذونا
مو لله يبون بخشيش << ما اداني هالكلمه ^^"
و نزلنا بلا تطور بلا هم ^^




****

و قبل نطلع ما رضينا نجي
بدون هديه لهيود
بمناسبه ذكرى ميلادها
<< طبعا من نور الدنيا بس انا رزيت وجهي معها ^^"



وصوره ختاميه





وش رايكم بالطلعه ؟؟

و المره الجايه كل صبايا بعد حيي معزومين ^^
<< على حساب نور خخخخخخخخ

الله ونااااااااااااسه
عساكم أنبسطتم


ماشاءالله عليكم ما اكلتوا الوجبه<<<<<<مابقى شيء
ههههههههه<<<<بالعافيه عليكم


اما البخشيش صراحه شيء<<<أقول ماتبخششوني



امل

الله يعطيكِ العافيه
على هالنزهة الخفيفة والظريفة

وناااااسه بس لوصورتي محل كامل ونزلتيه عندي بالقسم

<<<< مصلحجيه حيل

أمولهـ

يسعدك دووم وإن شاء الله مايفرقكم عن بعض

جــــود

بالعافيه على قلوبكم آحلى سحالي خخخخخخخخخخ

والله صادقه مناهي ماتبخششوني ^_^

ياحبك للماكولات انتي ونور الدنيا

هذولي انتن ياسحالي بعد حيي اي موضوع لازم فيه طرف سفره هههههه

ليش مامريتي على عالم يابلاش الي بشارع عفنان والله نه احسن من تحفهم مية مره


شكل نور الدنيا للحين وهي جالسه تهضم بعد طلعتكم ههههههه

تشكرات كتيرات

بعذرها نور لو راحت لدبدوب شكله يدنن

والله طلعتكن تونس ربي يونسكن با الخير والعافيه

.. امل ..

ربي يسعدك خوووووش طلعه

مناهي ^^

الله يسعدك يا غاليه ..
اما الوجبه
من قال انها لنا هذي لناس غيرنا بس صورناها ^.*
اما البخشيش انتي تامرين بس ^^

مشكوره حبيبتي على اروع طله ^^

*****

جود ^^

هلا بالغاليه ^^
آمين يا رب يسمع منك ..
و لا توصين مو وعدناكم ناخذكم معنا
المره الجايه على حساب نور الدنيا ^^
نصور كل المحلات و نملا القسم ^^

تسلمين حبيبتي ^^

*****

غريبة الروح ^^

هلا وينك قلبي ؟؟؟
و الله لك وحشه يا الغاليه
و كم تبين بخشيش << من شاور ما كرم خخخخخخخخ

يعافيك روحي ..

*****

قناص الشمال ..

هلا اخوي ^^
ما عليك ..
انت عليك العزيمه و حنا نجي ..
بس استقبلونا بالبخور و العود ^^
ان شاء الله نجيكم اخوي

تسلم على المرور ^^

*****

انوار الشمال ^^

تسلمين يا الغاليه ^^
اشوى جبرتي بخاطر نور ..
لانها زعلت يوم دريت اني شمتت فيها خخخخخ

مشكوره حبيبتي ^^

يا ملا العافية امووووووله لو اني زعلانه علييييك

وشو الراقية << من جنبه ؟؟؟؟

هين اوريك ان شاء الله الطلعه الجاية نور معزومة بس انتي لا


والله ياهي طلعه ذيك الليلة وناااااسه بس اني ما اغمي علي عند ماانجو ههههههه

يسلمووو اموله

ماشاء الله خوش طلعه --------->> لاياشيخ ههههههههه

الله يونسكم بالعافيه

ماشاء الله

والله ونااااااااااااااااااسه

ليتكم اخذيني معكم

امووله كيفك حبيبتي مااتمصلح ابد خخخخخخ

وش هالكرم ياصبايا بعد حيي

يحليلكم الله يونس صدوركم بالعافيه

الله وناسه ليش ما أخذتونا معاكم بس من جد كريمين مره في البقشيش أما الفستان رحت أنا وحنين أمس بعد ماخلصنا أختبارنا لسماح نبي نفطر سوينا جوله فيه وشفنا الفستان روعه أنهبلنا عليه بس خساره ماكان معنا الا حق الفطور بس من جد فليتوها

تسلمي أمل ع الجوله

دمتي في حفظ الرحمن

اقتباس: و سبحان الله ربي عاقبنا على هالفسق ^^ و اول ما ركبنا المصعد قفل علينا << يا ويل واحد يضحك ترى اشوفكم انا ^^" ما تركنا زر ما ضغطناه << حنا البلا خخخخخخ الله لا يوريكم انهيارات عصبيه و حالات تشنج

[align=center]
ههههههههههههههه
الله يرجكن اول مرة تصير معي بسماح تقفيلة المصعد
كله من الوجيه الغبراء هههههههههههه
امزح وربي انبسطت معكن ربي يونسكن

أمل
مشكورة يافضيحة انتي
[/align]

[align=left]ماشاء الله وناااسه

ليه ماقلتو لنا نروح معم

ولا هي طلعه مخصوص ؟؟؟

تتونسون بالعافيه

والمره الجايه علموني اروح معكم :58ar:[/align]

هلا سحايب ..

متى صحيتي خخخخخخخخ
لا و الله الا راقيه و نص بس لا تزعلين ..
<< تبي تعزم مره ثانيه ^^"
نورتي قلبي ..

***

احس ..

يعافيك اخوي ..
مشكور على التشريف ^^
<< تفشلت خخخخخخ

***

اميره ..

هلا بك قلبي ..
الجايات اكثر ان شاء الله ..
و انا الحمد لله تمام << تسوي غبيه ^^
نورتي حبيبتي ..

***

شباصه ..

هلا بالغايبه الحاضره ^^
وش اخبارك قلبي ؟؟
و الله لك وحشه ^^
اما الفستان الحمد لله اللي شفتوه ^^
حنا منعونا من دخول مانجو بعد ذيك الليله ^^"
نورتي روحي ^^

***

نور ^^

الغبراء وحده هنا << مو انا
بس و الله انا استانست اكثر منكن ^^
الا ابي اسالك ..
للحين تشوفين كوابيس بالمصعد ^^"
ربي يسعدك حياتي ^^

***

نوض ..

وينك يا القطوع ؟؟
و الله من زمان عنك ^^"
لا و الله مو مخصوص ..
بس نشيك عالستنتر قبل نعزمكم ^^"
<< لا تنسون الحساب على نور ^^
نورتي يا الغاليه ^^

ما شاء الله ..
والله شكلها طلعة حلووووه ..
لو إني معاكم بحايل كان دحشت نفسي بينكم حتى لو مو معزومة


ليه ما أخدتي الطقم بصراحة رووووعة .. ما عليكِ من كلام نور
<< تدور حرش

بس ما شاء الله بخشيشكم شي .. يحطم كل أبو البخاشيش << أحلى جمع


<< ما تضحك على تقفيلة المصعد ..
ربي حفظكم .. والحمد لله ع سلامتكم ..


نور يسعدك ربي عل هدية أحلى هدية والله
.. والله كأنها وصلت .. كونك تذكرتيني ..
الله لا يحرمني طيبتك ..
أمل ..شطورة أسمعي كلام نور ..
التنورة ما بتناسب ..
<< الهدية غيرت الحال خخخخخ


تذكرت ..
هلا سحايب .. وينك ترا كفشتك هناك ..
<< مفضوحة ..

ربي يسعدكم ويديمكم لبعض ..


بصراحة الصور رووووعة .. وتصويرك أروووع ..
بنقل الموضوع لقسم كاميرا الأعضاء
مناسب أكتر .. وياخد حقه أكترار << الجمع عامل عمايل ..