((ديوان الشاعر فهد الرشيد))

[align=center]

بسم الله الرحمن الرحيم

((ديوان الشاعر فهد الرشيد))


[/align]
[align=center]

لـ كل كتاب عنوان ..!
يشرح كل تفاصيله ..
بـ إختصار شديد ..
و لـ كل منبر اسم ..
يحمل معنى السمو ..
و يعلي صاحبه ..
لـ يناطح النجوم ..
و لـ الإبداع هنا ..
في | بعد حيي | ..
كتاب ..
عنوانه ..
ديوان قصائد ذلك الفذ ..!
فـ لنستمتع ..
بـ كل حرف ..
يحمل في طياته قصة عشق ..
لـ الشعر و القوافي ..!
هنا ..
لـ نقرأ ..
و نحن متيقنين ..!
أننا سـ نجد ما يروق لنا ..
في ديوان ..
فهد الرشيد ..

[/align]

[poem=font="Andalus,6,black,bold,normal" bkcolor="transparent" bkimage="" border="ridge,4,black" type=2 line=0 align=center use=ex num="0,black""]
لا تشوف حالك.. مايفيـدك غـرورك = حسبـي عليهـا .. غيّرتـك المرايـا
ماني بشايـف فيـك زود بحضـورك =وماخصّـك الله بشـي دون البـرايـا
لا فلسفة سقراط .. لا الشمس نـورك = يعني علـى قـدّك .. فقيـر المزايـا
لا تحسب إن الفكـر دايـم يـزورك=تـراك بعـدك .. ماسكنـت الحنايـا
ولا تحسب إني غارق ٍ فـي بحـورك=أبحـرت فيـك واكتشفـت الخفـايـا
ماني من اللي يجبروا فـي كسـورك = دامك كسيـر الـروح .. وش البقايـا
وماني ضعيف الذات ..أرضى بجورك = مروّض العسـرات .. نسـل الطنايـا
خلّ الخيال الهـش يبنـي قصـورك=واسكـن فـراغ .. وإبتسـم للزوايـا
مـادام لـك وافـي وهـذا شعـورك = ومايحتويـك الحـب بذيـك النـوايـا
بنهي حكايتنـا .. واقطـع جسـورك = دام الـوصـل يقتـادنـي للخطـايـا
ياصاحبـي الأيـام تسـرق شهـورك = والوقـت خايـن .. ياخـذك للمنايـا
مهما علا شانك .. وأحكمت سـورك = الموت جاهـل .. مايعـرف المزايـا[/poem]
http://www.b3b7.com/vb/showthread.php?t=4535

[poem=font="Andalus,6,darkred,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/13.gif" border="ridge,4,darkred" type=2 line=0 align=center use=ex num="0,black""]
إرتدت ذيك الملابس والنقاب = واحتوت لون الظلام عيونها
وارخت الرمش وتثنت من تهاب = خاينه والزوج صار يخونها
عطرها حاضر ولو بعد الغياب= رمز باقي في سما مفتونها
تزرع جذور الهوى في كل باب = ضايعه والضعف هو مكنونها
مامنعها دين والعزه هباب = والوفا والصدق مايعنونها
جننت شيّاب وحبوها الشباب = ويابخت منهو بقى في كونها
كانت بسعر الذهب وأمست تراب = أرخصت غالي وهم يشرونها
كانت بطهر الندى ولون السحاب = والعفاف الخوف واقف دونها
لين خانت واستلذت بالعذاب = وصار عشّاق الهوى يطرونها
ظنها خايب وظن الزوج خاب= ماصدق ظنه ولا مظنونها
لا حنين الشوق ولا لذة عتاب= ولا دقايق ضايعه يبكونها
خايبه والزوج أغراه السراب= خاينه والزوج صار يخونها[/poem]

http://www.b3b7.com/vb/showthread.php?t=14387

[poem=font="Andalus,6,teal,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/17.gif" border="ridge,4,teal" type=2 line=0 align=center use=ex num="0,black""]

القايده لاقت عليها القياده= ياحي طعم التوت .. ياحي قده
شفايفه سكّر وسكّر زياده= يالعن ابوها ولعن حيه وجده
الثوب يلبسها ولو كان ساده= مشدود .. مرخي .. ثم ردفه يشده
صياد صوّب خافقي ثم صاده =واصبحت ضايع بين جزره ومده
أحيان اضمى واتحيّن مداده= ويروي ضماي ومن شعوري أمده
واحيان انا الطفل الغرير بمهاده=وحضنه سكن واطهر أيادي تهده
ياجعل ربي مايقدّر بعاده = وإذا ابتعد ياجعل شوقه يرده
الزايد اللي ماكفته الزياده = لو زدت مهما زدت ماطلت حده
ألغى بحسنه علم فن الإشاده = وتوحّدت فيه العقول الأضده
لا طل كل السوق يعلن كساده= ولا فل من يملا الفراغ ويسده
ذروة حلا مازينته القلاده= يوم القلايد زينت من تكده
الله يفكه من نواظر عباده=والله يزيده من غلاي ويمده
والله يعين اللي مخاوي سهاده =وفكره رحل يمّ الثريا مشدّه
الشِعر حر ويم خلي هداده= وطابت غنايم حرفي اللي اهده
الكل يطلب من جنابه وداده=وانا الذي فزت بتعابير وده
يشفع لي إني لا بديت العباده= يزورني وإذا تقفى اشده
ويشفع لي إني بارع(ن) باصطياده=قناص .. لكن ماحمل أي عده
ماغير صدق شعور وعشق السياده =وعشق الثمين اللي من النور خده [/poem]

http://www.b3b7.com/vb/showthread.php?t=29549

[poem=font="Andalus,6,darkblue,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/14.gif" border="ridge,4,darkblue" type=2 line=0 align=center use=ex num="0,black""]
صباحك بروعة خدودك=‏ مليان خيرات ومنوّر
‏‏‏والجو كنه على مودك=لا قارس البرد ولا مفوّر
ياويل حالي على عودك=لا اهتز واصبحت متضوّر
وياعويذة الله من سودك=لا سلهمن صرت متهوّر
ويازين ثورتك وصدودك=لا جيتني ضايق مثوّر
كل شي يزداد من زودك=ياقدرة اللي لك مصوّر
آمر على قليب فهودك=بس بأوامرك لا تبوّر
الكون ملكك وانا زنودك=كوّر ترى الكون متكوّر
الكون حده من حدودك=وانا لك اليوم بسوّر
والجود ماهو من جدودك=دوّر على مصدره دوّر
الجود منك نبع جودك=واجدادك لجودك تزوّر
تعال غرّد على مودك=نوّر على ليلتي نوّر[/poem]
http://www.b3b7.com/vb/showthread.php?t=33665

[poem=font="Andalus,6,indigo,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/30.gif" border="ridge,4,indigo" type=2 line=0 align=center use=ex num="0,black""]
يفج ليل الذيب صوته لا عوا=و يميزه فعله عن المتآكله
و مايقرب العاجز ولو بطنه خوا=وإذا فرس ماياكل إلا الشاكله
يشبه كثير الشمري لامن زوا=وتجشم الصعبات هو دكاك له
أبصم له بعشر الأنامل لانوا=حاجه .. أبد ماتقول إلا ذاك له
العلم هذا صار واقع واستوا=وكم طامعه بالصيت ترجع ناكله
وكم ليل حالك من صوارمنا ضوا=تدعي اخوك ومايرد دعاك له
من يستفز سلومنا ياكل هوا=والظاهر إنه مايلحق ياكله
شمر براد ونار تلقاهم سوا=شمر لهم تاريخ صعب بناك له
ريف الفقير اللي من الحاجه ذوا=وسم العدو ياجعل مانت بآكله
الشمري حلم وشجاعه ومخوا=وابشر بعزك لانتهى مسراك له
يفز لك أهلا وسهلا وهلوا=ويسقيك زمزم مايرد ضماك له
وكل القبايل فيهم الخير أنحوا=وعلاج من فيه العلل متشاكله
والكي تختم به تفاصيل الدوا=إذا تعسر من تريد ادواك له
وقبيلتي مسك الوجاهه لا انطوا=حبل القضيه وماانلقى فكاك له[/poem]


http://www.b3b7.com/vb/showthread.php?t=36633

[poem=font="Andalus,6,red,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/62.gif" border="ridge,4,red" type=2 line=0 align=center use=ex num="0,black""]
انحنى للعشق وهو توّه صغير=هو اسير الهم و الآسر مــَرَه
يحبس الونات وفي صدره زفير= هو رهين الحب وحبه أنكره
فطرةٍ في الأرض كونه تستدير = ولا يهمك صدّ والأفعى مــَرَه
كم بنينا من الوفا واصبح كسير=و كـم حــسبنا الـود منها مصدره
مــا يكــفّيها الــغــلا لــو هو كثير =آه .. يــا ذيـك الـحـروف المُهدره
دمـعـها جــارف .. و للـغـايـه يـسير=وكم سعى في حـلّ ذيك المُعسره
من سـما في حبها أصبح أجير= تـأسره بالغصب .. يعني تـأسره
ومن جفاها في جنابه تستجير =ولو يلين .. العود ترجع تكسره
كـيدهــا يـستره ديــباج وحــريــر =كــان خـافي.. وعلم ربي أظهره
عش حياتك .. بس لاتبقى أسير=ولا يهـزّك كيدها .. تبقى مـَــــرَه [/poem]

http://www.b3b7.com/vb/showthread.php?t=40610