انقاذا من الضياع !!!

ياعصافير .. مدري. ! وين اروح اشتكيه

صاحب من عرفتـه ماعرفـت المنـام


ياعصافير احبـه . (حسبـي الله عليـه)

لاتركنـي انـام .. ولاتركنـي ونــام


أااااه .. ياني تعبت من السهـر احتريـه

كل ماهتّـزّ كتفـي فـزّ جفنـي وقـام


ياعصافير والله انـي امـووووت فيـه

فوضـوي مرتّـب بعـثـره بانتـظـام


اعتذر منه وارضا من الزعل قبل اجيـه

ويحضننه عيونـي قبـل اقـول السـلام


صدقيني بغيت البارح ازعـل عليـه.. !

بس كنه وحشني ..! وصار فيها كـلام


ياعصافيـر حتـى دفـتـري يشتهـيـه

كن بينـه وبيـن الشعـر حالـة هيـام


كل سطر يتمنى اكتـب اسمـه (عليـه)

وكـل صفحـه تهنـدم للقلـم باحتـرام


ياعصافيـر واللـي بالسمـا نرتجـيـه

انهـا عيطمـوس مـن رجـال عظـام


بنت شيخ تخاف الشمـس تشبـه يديـه

لاشرق نور كفـه طـاح حيـل الظـلام


يخجل الشعر فينـي منـه قبـل ابتديـه

والحروف تّعّذر عن حروفه صيـام ..!


ياعصافير .. مثلـي لاسكـت اعذريـه

دام منّـي قصيـدي لابـكـا. مـايـلام


يكفـي انـي ابيـه ولاابيـه وابيـه ..

وهو يبيني وبينـي وبينـه الليـل حـام


ياعصافير مـدري ..! لاتقوليـن ليـه.؟

(السـلام عليكـم وعليـك السـلام )*

يخجل الشعر فينـي منـه قبـل ابتديـه

والحروف تّعّذر عن حروفه صيـام ..!


ياعصافير .. مثلـي لاسكـت اعذريـه

دام منّـي قصيـدي لابـكـا. مـايـلام

الضــــــاري

الله يسعدك ع النقل الرائع

دمت في حفظ الرحمن

الضارى
ياحبي لك ولنقلك
دوم تختار الاروع والمميز
سلمت ولاهنت ياغالى

تقديرى

.
.
حوار جميل بين الشاعر والعصفور ..
طِبت وطاب منقوُلُك ..|
.
.
لِ العصفُور :
اُقسِمُ انك سعيد بِوحدتِك على هذا الغُصنِ المولود مِن رحمِ الشجرة الام .. ..

اسعدني نقلك الضاري
وفقت وفقك الله

الضاري

الله يعطيك العافيه ع النقل المميز

تقديري لكـ.

الضاري

أنت متفوق في كل مكان وبارع وبإتقان في كل زاويه

نترقب عودتك بالجميل لإنك جميل

لاهنت اخوي الضاري كل الشكر لك على روعه الطرح الله يقويك

مبدع اخوي على العهد

تقبل مروري

[align=center]حياكمـ ياغالين كلى لكمـ [/align]