بلاد الحلم ’’ أحمد الصانع

كلمات الشاعرالكويتي المبدع : أحمد الصانع

جاني واحد قال : بسأل كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حِطَّهَا .. بشطرٍ صغير
قال نبدي : شنهو تعريف المُحال..؟
قلت :
خَل هالكلمه فـ البيت الأخيـر ..!

القهر : إن شفت دمعـات الرجال
و الوطن : ( إنسان ) .. مِتغيِّر كثير

و الطفل : لعبه على شاطـي الرمال
و الأمل : إحساس في عين الضرير

الوفا : [ قلبين ] .. يجمَعهُم حلال
و الرَجُل : اللـي علـى أهلـه يغير

و الرجا : لا قلت : للواطـي تعال
و الفشل : مدري .. ولكنـه مرير

و الشعر : في وقتنا .. بدر و طلال
زين أوَّل : حيـل يعجبنـي جرير ..!

و الغلا : إحساس إلى حَـد الخيال
و العِشِق : لا شفت مَعشُوقِك تطير

و الجفا : إعكس مفاهيم / الوصال
و الوَصِل : يعني تأكَّد .. فيك خير

و العقل : تِسْفَه أقاويل , الجهال
و الجهل : إن قلت عن نفسك كبير

و الخطر : لا صار ما عندك مجال
و البلا : إن صرت معدوم الضمير

و العجب : لا صرت تسأل منهو قال
و التعب : إن كنت تِبْحَثْ عن مصير

الغنى : بالنفس .. ما هو راس مال
و الفقر : من كان .. بـ أعماله فقير


يكفي يكفي .. أسئله إنهي الجدال
ويـ الله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير

جات طعنـه مِن جنوبك والشمال
يعني وضعِك بين مِن حُولك خطير

صاحبـي وإن ضاقت بعينك ليال
لك فرشت القلب مفروش الحرير

في [ بلاد الحلم ].. ممنوع العقال
والمصيبه الشعب ما إختار الأمير

وما ألومك .. كان شدِّيت الرحال
دام بيتك جرح / وفراشك حصير

هذا تعريفي .. إلى كلمة : مُحَال
شيء ودِّك فيه ولا يمكن يصير ..!

رآقت لي

جود

مطلحات وتعاريف رائعه جدا

اتقن الشاعر تعريف تلك المصطلحات

واختار انسب الكلمات لذلك

كلمات رائعه جدا

لها وقع كبير في النفس

ولها نغم موسيقي متناسق جدا

شاعر مبدع ولايحتاج لشهادة احد في ذلك

يكفي انه احمد الصانع

اختي جود

اختيارك راق لي جدا

اعجبتني القصيده واعجبني اختيارك الموفق

جوود
ربي يسلمك على نقل هذه الرائعه
لشاعر متمكن وصح قلبك ولسانه
تقديرى

جـــود

إختيار قمة في الروعة ... دمت بخير

تقديري لكـ.

جود
انتقاء رائع ومميز لشاعر مميز

لاهنتي يالغلا على النقل والاختيار الرائع

دمتي كما تحبين

صح لسانك يالغاليه ولسان الشاعر
قصيدة رائعة واختيار مميز بالنقل
يعطيك العافيه

الشعر : في وقتنا .. بدر و طلال
زين أوَّل : حيـل يعجبنـي جرير ..!

و الغلا : إحساس إلى حَـد الخيال
و العِشِق : لا شفت مَعشُوقِك تطير

و الجفا : إعكس مفاهيم / الوصال
و الوَصِل : يعني تأكَّد .. فيك خير



جوووووووود


وانا رآقت لي


يعطيييييييييك العافييه


وصح لسان الشاعر

جميعاً

أشكركم على روووعة تواجدكم لاهنتم

جود

جـــــــــود
صح لسان قايله وسلم لنا فكرك
فلسفه شعريه راقيه
وأجابات واقعيه بالحيل
الله يغطيكي العافيه
دوم وأنتي تتميزي
لاعدمنا تميزك الــــراقي
موفقه بأذن الله

شاعر معروف مميز
كل الود والورد لشخصك
على حسن انتقائك

شاكر لك ذائقتك
كوني بخير

و الغلا : إحساس إلى حَـد الخيال
و العِشِق : لا شفت مَعشُوقِك تطير

و الجفا : إعكس مفاهيم / الوصال
و الوَصِل : يعني تأكَّد .. فيك خير


يعطيكـ العافيه على نقلكـ كلماات احمد الصانع الرائع ,,

قلبي عذابي

الله يعافيك على تواجدك يالغلا

جود