الوداع
جتني تودعني مسا يوم الاثنين ** جتني بظرف مايفيد اعتراضي
جتني ولوني ان خطف بين لونين** فيه السواد وفيه لمحة بياضي
قالت غصيبه ياحمدفرقانا شين** ولزوم فرقانا يجي با التراضي
قلت الخبر وشلون نبقى بعيدين** ودموعها قامت تسابق هياضي
قالت فمان الله يا اغلى المحبين** حكم علينا الوقت والوقت قاضي
ماعاد افيدك ياحمدوالمرض شين** يمشي بجسمي مثل سيل الفياضي
بحكم القدروالوقت والعسرماشين** لازم نطيع بقسمته وإ ن فراضي
ملزوم ننسى ذكريات لها سنين ** ملزوم نحسبهاقديم وماضي
عجزت اصدق وين انا والخبر وين**وش هاالقدرياللي عرض لي عراضي
حضنتها ولميتهابا الذراعين** وتقادحت عيني كما البرق تاضي
ممداني افرح في غلاها بعامين** وهل القدر غصب علينا افتراضي
اقفت وتسمح دمعهالي بكفين** واقفت تناظرني بفرقا الاراضي
عجزت اشيل خطاي وحنا مقفين** عجزت وجسمي يرتعش بنتفاضي
غصب علي با ساير الوقت والبين**هذا قدرنا ما يفيد التقاضي
حسبي على وقت جمع وفرق اثنين** ماشال هم لحسرتي واغتياضي
ام طلال
الوداع لشاعر حمد الفارس
العرض العادي
