أحدث رد على قصيدة ناصر القحطاني في شمر ،،،،،

[align=center]السلام عليكم ورحمة الله وبركاته ،،،،


رائعة ناصر القحطاني.

الشمس غابت وكل ٍ دوّر سراجه

والشوق جمّر محرّ الشوق لاجمّر

دام اتجاهك شمال مودعك حاجه

سلّم على حايل وسلّم على شمّر



قدامك الخافق اللي ينشد علاجه

كنه معلّق على برزان ومسمّر

وانت تعرف يا بعد حيي من تواجه

بيضان الافعال لامن الزمن سمّر

ان ضاقوا أعنف من البحر وامواجه

وان راقو اركد من الخرمان لا عمّر

كم صيت بيت ٍ عتق في الباب مزالجه

وكم شيخ اماره قبل تعيينه مومر

وكم حاتمي ٍ تكفيّ فلّة احجاجه

وش لون للضيف لو عن ساعده شمّر ؟

وان مر تاريخهم متلبس ٍ تاجه

كم عاشق ٍ كيّف وكم حاسد ٍ زمّر

في جو ٍ اغلى على الرجلي الى داجه

من ديرة السادس ومن ديرة معمّر

كنّه الا اهدى له البراق فجاجه

خلت غرير ٍ ضحك ومن الخجل حمّر

توارثو حرثه وتمتير ديباجه

ركابة الجيب من ركابة الضمّر

الودّ لا غرس بدري صعب مخراجه

والله ولا الذّ واحلى منه لا ثمّر

ادخل على اللي تطوف البيت حجاجه

من ناقص ٍ عند مدح الغير يتذمّر

والمدح لو كان في الرديان للصاجه

ويقال عمّر بلد بالعون ما عمّر

والذّم لو زاد في الطيب تولاجه

لا احرق ولا اغرق ولا عمّر ولا دمّر

ماني بمتحسب بشعري على حاجه

الا اني اروح ما غنيت في شمّر


هذا رد الشاعر احمد الجريفاني الشمري

على قصيدة الشاعر ناصر القحطاني في حائل وشمّر..

هلا بشهمٍ صدق في رسـم منهاجـه

هلا بمنهو تمثّل فـي جبـل شمّـر

هلا بمن تعجـز القيفـان لحراجـه

ومن حقه إنه على القيفـان يتأمّـر

وصل سلامك ولا يحتـاج ديباجـه

عمّرت صرح الغلا ياعلّـك تعمّـر

نظمت عذرا تهبّـل فـي تغنّاجـه

لو حاول احدن يجاري حسنها قصّر

يامير الاشعار يامن يحسـده تاجـه

اعذر محاكيك بالقيفـان لـو كـرّر

لو يمرض الجود نادوا فيك لعلاجـه

تعطى البشاره لمن في جيتك بشّـر

لو يظلم الكون نورك يجلب افراجـه

ماعاشرك في حياتك حـي ويكـدّر

يشهد لك ا لليل لامن ضوت ابراجه

ويشهد لك الحبر والاقـلام والدفتّـر

والطيب يشهد لك انك صرت هداجه

نعم المراجل ونعم الاصل والمخبـر

قحطان كنه محيـطٍ تلطـم امواجـه

طوفان عارم ليامن الهـوى زمجـر

ولامن هدا الموج يهدي غالي انتاجه

الدر واللـول والمرجـان والعنبـر

ما رامهم طامع إلا يرجـع ادراجـه

الليث ماينقرب خـصٍ ليـا كشّـر

نبراس عزٍ يسـرك فـي توهّاجـه

من خلقت الكون حتى ساعة المحشر

يامن نظمت البيوت وقمت بخراجـه

عسى حياتك سهود ولايجيك الشّـر

منت الذي يحسب بيوته على حاجه

حنّا هلك والجبل في مثلكـم يفخـر

ولا غابت الشمس محدن دور سراجه

نور القحاطين ساطع في جبل شمّـر [/align]

[align=center]منقول[/align]

رائع يرد على رائع ..... مشكووور كل الشكر أخوي
فارس الأحلام على نقل الموضوع

[align=center]الــفارس

مشكور علي مرورك الكريم

دمت بخير [/align]

سلمو يديك فارس
على النقل للرد الرائع للجريفاني

اختك
هزيز

فارس الاحلام

مشكور على المشاركه الرائعه كروعة وجودك العزيز

والله لا يحرمنا من جديدك المميز

تفبل مني صادق التقدير والاحترام

واجمل التحايا

اليك

@@ دهــن العود @@

فارس الاحلام
تسلم على اختيارك الذوق
يعطيك الف عافيه
اختك سهر

[align=center]هزيز
@@ دهـن العود@@
سهر

مشكورين علي المرور الكريم

تحياتي لكمـ
[/align]

فارس الاحلام

الله يعطيك الف مليوووووون عافيه على ذوق النقل

واشكرك على مجهودك الرائع

وربي يحفظك ويخليك لنا

[align=center]فارس الاحلام

صح لسانك على القصيدة الرائعة والمميزة
والله لايهينك على جهودك وتواجدك المشرف


تقبل أحترامي،،،،
أخوك/موووادع [/align]

[align=center]صح لسانك اخوي

ومشكور وسلمت يمناك

لكني سمعت رد آخر من شاعر وبالتحديد من القرى المجاورة لحائل واسم الشاعر /نواف (ابومشعل )

ولكن لاتحضرني القصيدة

ولــــك مني كل الحــــب والتقديــــــــر ،،،[/align]