يوم الغنم تسرح بها نوف وعنود=مستانسين مع طوارف عربنا

[align=center]


هذا القليب اللي وردناه يا حمود
وهذاك منزلنا ومنزل عربنا
وهذا السماد و ماقد النار موجود
وهذاك منزل بيتنا يوم يبنى
قدام بيض أيامنا تنقلب سود
قبل خبيثات السنين تحربنا
يا مسندي ما ينفع اللوم يا حمود
على السنين الماضية لو عتبنا
والله يا لولا هلة الدمع منقود
لاشكي زمانٍ طيب وقته عقبنا
وقت تخبره يوم أنا وأنت يا حمود
يا ما ضحكنا به ويا ما طربنا
يوم الغنم تسرح بها نوف وعنود
مستانسين مع طوارف عربنا
مكيفين بونسة ما لها حدود
لايام تالي وقتنا ما حسبنا
كم جادل يوم العرب صدر وورود
تشر لنا يم الوعد و تهزبنا
وياما وردنا صبح الأمطار يا حمود
وياما ملينا من الخباري قربنا
بالصيف مع صفقات عمري ومحمود
نشره نجيب الكسب لو ما كسبنا
واليوم ما يسرح لهم ناعم العود
وش عاد لو نرقى الرجوم وتعبنا
رعيانهم صاروا بكستان وهنود
قلب علينا وقتنا وانقلبنا
الشيب ما يحتاج تثبيت وشهود
يا حمود عقب شبة العمر شبنا
(من كمل الستين لا يرجي الزود
غير السجود , وقول يا رب تبنا





للشاعر عايد الضافي




[/align]

لى عوده باذن الله

الله عليك يانور أختيار مميز

بس الله يعين إللي في بالي ع الترجمة ^^

الله يعطيك العافيه ... ننتظر جديدك بشوق

تقديري لكـ.

نور الدنيا

الله يعطيكي العافيه على النقل الرائع

وبالتوفيق

يسلم قلبك نور على الاختيار الاصيل
اصيله يابنت الاصول

تحياتي

ابيات رائعة
لاهنتي يالغلا على الانتقاء الجميل

ربي يسعدك

ياهلا بالطله
صح لساااااان شاااااعرها ..
اختيااار جدا راقي .. وكلمات في قمة الروعة ..
سلم لنا حسك .. وذووووقك

نور الدنيا
الله الله عليك يامتألقه
بهذا القصيد جعلتيني نتذكر الماضي
نتذكر الزمن الجميل
قصيد أعجبتني بشده
صح الله لسان شاعره وناقلتها
موفقه بأذن الله