لّيت يدرٍي وٍش عَملّ فِيني آلزمآم ؟!

اوسمتي · 08-14-2009, 10:22 PM

مدخل :

بآلله , قولي .. وش حكآية هآلزمآم ؟!

طَرز آلهندي بروعة منظره ..

مدري وش أكتب يآ عذآبي يآ حرآم ..

مدري ليه قلبي .. تحاول تقهره ؟!

يآ رضا روحي .. غرآمي مو غرآم ..
أفترى حبك على قلبي أفترى ..

يآ عصام ألحق خويك يا عصام ..
أنظر .. أنظر يالخوي للي جرى !!

كن نجمة حاضنة بدر التمام ..

وكن ظلام الليل .. { شلال شعره }

..

الزمام .. و ما أدراك ما الزمام ؟!

عشـقي من الطفولة :$ ..
أحسـه يجمل الوجة .. و يجذب الأنظار

وتحسين نفسك كشخة لما تحطينة

طيب خلينا نحكي شوي عن الزمام وتاريخة ..

هو حلية من حلي النساء من التراث الشعبى القديم , و هو حلقه توضع باحد فتحتي الانف الغرض منه الزينه عند النساء , شائعه الاستخدام فى الماضي
ويمكن أغلب جداتكم حاطينه ..

منشأ الزمآم الأصلي في أفريقيا ثم انتقلت بعد ذلك إلى الهند ومن ثم وصلت إلى باكستان.

الزمام .. مرتبط بالهند ويعتبر من التقاليد التي ظهرت في القرن السادس عشر ..
ومن معتقدات الهنود .. إنو اللي تحط الزمام في جهة اليسار ,, تتسهل عليها الولادة وما تألمها ..

وتكون ألآم الدورة مو قوية عليها .. ويحطونه للبنات إذا قربوآ من سن الزواج يعني 16 سنة

يآهوووو

فـ عشان كذا دايم نشوف أغلب ممثلات بوليود " إيشوريا راي - بريتي " وغيرهم حاطين زمام و أشكالهم حلوة حتى لو كانت خشومهم الله بالخير ..

الزمام يعطي رزة .. وصراحة شفت كذا وحدة من صحباتي حسيت إن الزمام حلاها و طلع شكلها جنان مع إن خشمها عادي

كنت أسولف مع جدتي عن الموضوع قامت تعلمني كيف يسوون الزمام أيام أول << شطحة ^^
قالت لي إنهم يجيبون أبرة و يقربونها على النار شوي .. على أساس تتعقم !! ..
وبعدين يدخلون الابرة و يدخلونها بالمنطقة المطلوبة !! < يا تسبدييية

..

المهم لما يدخلون الابرة , تكون الابرة فيها خيط ويقطعون الخيط ويعقدونه بشكل دائري على طرف الخشم [ ... ] < فيس حآيمتن تسبده خخخخخ
وبعدين تقول نجيب من المسيد ( المسجد ) حصى لآن حصى المسجد طاهر

..
ويغسلونه ويحطونه من الصبح اللين الظهر اللين تشويه الشمس .. ولما يصير حار يأخذون حصاتين وحدة يدخونها جوا الخشم و وحدة من برا !
ويكوون الخشم بها

.. على أساس ما يلتهب ..
ويصيرون كل يوم كل ما صلحوا قهوة .. يأخذون من القهوة ويصبون على الخيط المعقود و يحركونه ..
وتكون القهوة طبعا حارة ..
ويسوون كذا بالقهوة 4 أيام .. و عقبها يركبون الزمام الذهب ويكشخون به

..

تخيلوا كل هالعنا ذا عشان تصير خشومهم تهبل

..

يتبـع

اوسمتي · 08-14-2009, 10:25 PM

بما إن الانف فيه أعصاب كثير .. يمكن يكون الخرم في هالمنطقة مؤلم تهوووو ..
و ممكن تتعرضين للالتهابات أو صديد في هالمنطقة لا سمح له و لا حبوب وأشياء تحوم التسبد !

يعني عزيزتي الفتآة <

.. إذا نويتي تحطين زمآم

لا تتحمسين و تخرمين في بيتكم !! .. الله يخلي أقرب مستوصف بالحي

..

لمآ تروحين للمستوصف أهم شي يكون عندهم مسدس الخرم < بصراحة أنظف شي وأضمن من الأبرة ويركبون لك الحلق الطبي .. إيييه نعم الحلق الطبي حق الاذن يحطونه في الخشم عشان مايلتهب

مسحات طبية .. عشان يكون كل شي معقم و نظيف ..

بنج أسنان .. انا ما أحس إنه سوى شي كثير بس عشان ذا البنات الهوالات يشوفونه ويرتاحون < ما تقثـد نفثـها أبد :$:$

عاد تجارب صديقاتي انوآآآآآع الهبال خخخ بس اهم شي بعد ما تخرمين
روحي للصيدليه واشتري التـالي :

مرهم Fucicort < يقول الصيدلي انوه ينفع

و مرهم Fucithalmic < صديقتي كآنت تستخدمه

طبعا كلهم كويسين لأنهم مضاد حيوي عشان ما يلتهب الخرم ..
الفيكس عشان لو أنتفخ خشمك .. تحطين شوي منه

المسحة الطبية يقولون كل ليلة قبل ما ينامون يحركون الحلق الطبي ويحاولون يمسحون بالمسحة من حوله

..
والبنآدول لزوم الصدآع أول يومين أو 3 ^^

أهم شي حآولوآ تخلون المنطقة دآيم نظيفة ..

الأفضل تأكلين بنآدول قبل مآ تخرمين ..

أشكآل الزمآم

هنا فيه صور لأشكال الزمام المنتشرة ..
هآلشكل أحسن شي .. وكثير بنات يفضلونه ..

ذهبي ..

فضي ..

وفيه هآلشكل ..
اللي عنده خبره عنه تقول لنآ ^^ صديقتي خاقه عليه و ودها تجربه

ملآحظـة :
طبعا أحسن شي إنو يكون الحلق الطبي موجود لمدة شهر إذا ما تقدرون بالقليل اسبوعين .. عشان ما يلتهب عليك خشمك ..
وبعدها أحسن شي تستخدمون الزمام الذهب وتلاقونه عند محلات الذهب وأسعاره مرة رخيصة ..
من الـ 50 ريال .. حتى 300 وغالباً مايوصل للـ 300 ريال إلا إذا كان ألماس ..

طبعا أحسن شي الذهب .. بحكم إحنا نتوضى للصلاة .. و الذهب زي ماهو معروف ما يصدى مع الماء ..
يعني بليز بنآت حآولوآ قد مآ تقدرون لا تشترون أكسسوار ,, لآنه ممكن يصدى

..
ويعمل لكم مشاكل

..

يتبـع