المسـلســــلات التــركيـــة وتأثيـــــرهــــا على اطفــالنــا >> من قلمي ا
..السلام عليكم ورحمت الله وبركاته ..
اليوم ابي اناقش معاكم موضوع من قلمي لاول مره
واتمنى انه ينال اعجابكم وهو عن
((المسلسلات التركية او المدبلجه وتأثيرهااعلى اطفالنا ))...
طبعا الكثيرمنا يتابع مسلسلات او افلام اين كانت
واكيد ولدك او اختك او اخوك قاعد بجنبك وفاتح افمه
وغافلين عنه... ما تدروون وش قد هالمسلسلات تأثر على تفكيرهم
انا لاحظت هالشي على كثير من الاطفال يعني نادرا ما تلاقي طفل اللحين تفكيره على قد عمره
دايما تفكيرهم يكوون اكبر من اعمارهم وبكثير بعد ..
ما سألت نفسك ليش ..؟!!
اللحين انا اقولكم كنت اتابع مسلسل مره واختي الصغيره كالعاده بجنبي وقاعده تتابع معاي
انا ما اقدر امنعهاا احسه مو من حقي ما ادري ليش
المهم وجاء مقطع مـــــــرة >> فاهمين قصدي اكيد ..
غيرت على القناة وتناظرلي اختي الصغير معصبة تقولي ليش تغيريين ماادري وش هالجراءة عليهااا ...
وخاصه بعد ان كثير من صديقاتي يقولون عندي نفس المشكله مع اخوي ما ادري هو عادي
او يأثر عليه اذاا كبر تقول
مثل كثير من المسلسلات تحمل المرأه قبل الزوااج
وهذاا غلط كبير تقول ما ادري كيف اشرح له
وهذااا اكيد راح يأثر بشكل كبير مانقوول علينا عشانا اكيد احنا كبار وفاهمين ..
راح يكون تأثيرهاا على اطفالنا ..
ارجواا ان نناقش هذي المشكله معاَ ...
وندور الحلول ..
كل الشكر لكم ..
من قلمي ..
وتحياتي لكم ..
اختكم/
عروب ..*
[TABLE1="width:95%;background-color:white;"]
( استغفر الله الذي لا اله الا هو الحي القيوم واتوب الية )
بدأتُ بإسمِ الله مستعينا=لأنسج ما أراهُ حسينا
فطرقتُ الآداب مهللاً=مستعيناً .. بإلاهِ العالمينا
أني رئيتُ الشعوبَ غافلتاً=غافلتاً بهيامِ العاشقينا
كيف نحررُ الاقصى متسائلاً؟=وشبابُنا بالهوى غارقينا
أُواهُ واويلاهُ متئسفاً=ليت شعري مايُلفظ يقينا
عروبةُ هل للعربِ منجئاً=غير الرجوعِ إلى خير دينا
ليتني بالنقاشِ متعلماً=مُتفهماً لمرادِ السائلينا
هل هناك حلٌ غير الذي=قبلُ التفهمِ لهُ ذاكرينا
دينُ الله لا دين بعدهُ=واتباعُ خيرُ المرسلينا
فالتركُ بالفجورِ قد قدموا=للخنى والذلِ مروجينا
كم من فتاةٍ حطم حُلمها=وكم من فتى أضحى طعينا
كم طفلةٍ فاضة عيونُها=وكم من صغيرٍ عاش حزينا
ولولا الشغلِ وانشغالُنا=لنسجتُ من الآدابِ فينا
لأتيتُ بألف ألف معلقةٍ=عن خطوط الوفدِ والوافدينا
لكن .. ماذكرتُ ... بهِ أكتفي=وأختمُ بالشكرِ للسائلينا
..هلال والله ما شاء الله عليك عيني عليك بارده على ع هاالكلام الي يفتح النفس ..
تشرفت بمرورك اخوي ما قصرت كل الشكر لك ياشاعرنا
ربي يسعدك ع التواجد الي اسعدني ...
وكل عام وانت الى الله اقرب ...
تحياتي لك ...
وربي هالمسلسلات التركيه دماااااااااااااار في دماااااااااار
بنت خالي عمرها 10 سنوات تقول لي ليش الزواج عندنا في السعوديه بااااااااااااايخ
ليش مانعيش قصة حب قبل الزواج مثل يحي ولميس
انا ابي اتزوج تركي ماابي اخذ سعودي
يوم كنت في عمرها كان حدي افلام كرتون ماكنت اعرف شئ عن الحب والزواج
بس هذا الي يبيه اعداء الاسلام
يعطيك العافيه عروبه على روعة الطرح
شخصياً ما عندي اخوان صغار نسبياً ..
لكن تقريباً بـ الإبتدائي أخوي ..
و ممنوع تماماً من القنوات الفضائية ..!
مو بس المسلسلات الهابطة سواء تركية أو لا ..
فيه خيارات رقابة على الريسيفر ..
صح أنا ما أؤيد قفل القنوات ..!
و حتى التلفزيون عندنا مو مقفول و لا قناة !!!
تقريباً أكثر من ألف قناة و كلهم مفتوحين ..
لكن الواحد ينمي الرقابة الذاتية بـ أطفاله من الصغر ..!
و يعلمهم الصح من الغلط ..!!
***
من يوم أنا صغيرة ..
ما عمر أبوي أو أمي منعوني من التلفزيون أو القنوات الفضائية ..
لكن نموا فيني رقابة داخلية ..
إني أراقب ربي قبل أراقب ولي أمري أو أي أحد آخر ..!
و الله العظيم أنا ألحين عمري فوق العشرين ..
عمري ما راودتني نفسي أشوف لقطات أو أفلام خليعه !!!
مع إني مدمنة أفلام لكن اللقطات النص كم أغيرها حتى لو كنت وحدي !!
***
بـ النسبة لـ النقطة الأساسية اللي هي المسلسلات التركية ..
أنا مو مع ترك الحبل عـ الغارب زي ما يقولون ..
و إعطاء الحرية لـ الأطفال بـ متابعة القنوات اللي يبون ..!
لـ أنهم يبقون أطفال غير مدركين و المسؤولية كلها على رأسك ..
خصوصاً إذا كانوا قاصرين و بـ ذمتك إنتي و راح تحاسبين عنهم ..!
فـ ليش تحملين نفسك ذنوب زيادة ؟؟!!
***
الرقابة ثم الرقابة ثم الرقابة ..
هي وسيلة الحل الوحيدة لـ السيطرة على آفة المسلسلات التركية ..
حتى ما أكون منافقة أو كذابة ..
أعترف إني أتابع حالياً { الحب و الحرب } ..
فقط لما تكون فيه حرب أو هجمات تركية على المحتل ..
أما الحلقات الفاضية و اللي ما فيها حرب و قتال ما أشوفها ..
طبعاً أمي تتابع و تناديني إذا صار فيها أكشن ^^"
***
يعطيك العافية أختي عروب على روعة الموضوع ..
و فعلاً يستاهل النقاش و مو أي نقاش بعد ..
يعطيك العافية أختي ..
قلم يملك إمكانات و طاقات هائلة ..
لكن أعتب عليك إنك ما نورتينا فيها من زمان ..
..عاشقه شمر صادقه والله دماار
وبنت اختكـ بعد الله يصلحهاا تبي واحد تركي لا هذي قويه عاد
طيب اجلسي معهاا وفهميهااا يمكن ينفع كلامك معاها بشي
او قولي لــ امهاا عليهاا خليهاا تمنعهاا او على الاقل تفهمهاا انه شي غلط
والله انك زي حالتي مع اختي ما ادري كيف اتصرف معاهااا ..
الله يصلحهم ان شاء الله ومأيثر عليهم اذاا كبراا وهذاا اهم شي ..
كل الشكر لك عاشقه ع المرور والنقاش ما قصرتي ...
..بدووره صح صادقه بكلامك والله كبرتي فعيني كثير
انا اوافقك بان الام والاب يتحملوا المسؤلية اذا كانوا يتابعوهااا
اما اذاا كانواا ما يتابعوهاا
وما يدروون ان اطفالهم يتابعوون مثل هالشي
لا الي يتحمل الي قاعد يتابع معهم
يعني زيي انا بس انا فعلا ما ادري كيف امنعهاا
حكيت معاها كم مره بس
بس الحق كله علي لاني مامنعتهاا من اول مره ..
الله يصلحهم يارب ويستر عليهم ...
بدووره شكرا شكرا شكرا شكر ا على المرور والمناقشه ما قصلاتي
اسعدني تواجدك فعلا لاهنتي يالغلا ..
تحياتي لك ...
..يسويهااا البخت ..ههههههههههه اختك ما شاء الله عليهاا مو مثل الي عندنا
ربي يصلحهاااا ويوفقهاا ويخليهاا لكم كل الشكر لك ما قصرتي
ع المرور والمناقشه اشكرك ..
تحياتي لك ..
..ملوكة كلامك زي العسل ما شاء الله عليك ...
وبجد المراقبه فعلاَ هي اهم شي بس اللحين اعتقد خلاص تعوداا
يعني صار كل شي عندهم عادي صح ان اختي بأول ابتدائي
بس احسهاا صغيره الى اللحين ما تفهم مصلحة نفسهاا اكيد
وابي اصلح هالشي الي غلطته انا
وان شاء الله ينفع ويطلع معاها بنتيجة
كل الشكر لك امل ما قصرتي جزاك الله الف خير
على هالكلام الحلوو شكرا شكر ا شكرا لك
ربي يسعدك ما قصرتي ع المرور والحوار معاي ...
تحياتي لك ..