|
اكله لذيذه
بسم الله الرحمن الرحيم
السلام عليكم ورحمه الله وبركاته
انا اليوم جبتلكمطبخه وهي طبخه القصدير واتوقع ان الكثير منكم يعرفها هي بالمختصر طبخه بسيييطه ولذيييذه وماتطلب منك اغراض واجد
الاغراض المطلوبه:
1-قصدير (وانصحكم بنوعيه دايموند لانها متينه )
2- الدجاج والبصل والطماط والفلفل (طبعا الدجاج يكون مبهر)
3- الفحم (وانصحكم بفحم سمر الحجاز لانه يطول)
اول شي تسويييه تشب الفحم وتحطه بالطول زي اللي بالصوره
وبعدين اذا عندك موتر حوض اطمر انت والاغراض بالحوض علشان مايجي الدجاج رمل
جب القصدير وافرشه بعرض تقريبا 35 سم
خل القصدير 3 طبقات فوق بعض وبعدين اطوي القصدير من الحواف وخله كنه صحن زي كذا
وعقبها ابدا بحط الدجاج فوق القصدير (حط كل دجاجه بصحن قصدير واحد)
يتبع
-----------------------------------------------------------------
وبعد ماتخلص تلف عليه القصدير لفتين او 3 على حسب متانه القصدير اللي تستخدمه
وبعدين يصير القصدير بهالشكل
وبعد ماتخلص يكون الجمر قد استوى (الله لايهينه ابو سيف من يوم قعدت وهو يهفهف على الجمر يبيه يخلص بسررعه جوعاااان)
وبعدين تجيب صحون القصدير وتفرشها على الجمر
وتخليها 50 الى 55 دقيقه وبعدين علييييييك بالعافيه (الله الله بالكاتشب والمايونيز والس مطرا)
واسمحوا لي ماصورت الا صوره وحده يوم استوت الطبخه لان الل معي من الجوع بغوا ياكلونني
|
العضو الأكثر نشاطاً هذا اليوم 
العرض العادي
