على درب العذاب استمتعي لو مرت الجرة
نويت اقصر خطـا رجلي عن درب الهـوى الـمارد
نويت أسلا نويت انسي نويت اقسي ولو مرة
نويـت اكسر جنـاح الشوق و اطوي فكرة الشـارد
تعبت من الوفاء ومن الجفا والضحكة المرة
تعبت من العـطا ومن الخطـأ وأسـلوبك البــــارد
تعبت وما تعب جرحي نزف يسقيني الحرة
يصـدر نـوب بـــــأحزاني ونوب بهــمـها يـارد
ظمأ فيني مضى يشرب بقايا روح محــتره
آســـى مثل المسـافي القلب ذا مـطرود ذا..طــارد!
وعلـى سيرة هلاكي يا هلاكي حـيل مستره
اجـــيك بها لجــسد واحـد و أعود مـنك متـــفارد
ما دام إحساسك المصنوع ما يمـلك ولا ذره
من إحســــــاس البشر ..في شرع حبـك كل شي وارد!
خلاص الخطوة اللي عاقها حــبك غدت حرة
رمــي عــنا القــدم درب بجنحان الجفـــــــا فارد
وخلاص النظرة اللي في مداها كنتي الدرة
تبــرت من مداهــــا واحــــتواها فكري الصــارد
وعلى درب الهلاك استأنسي لو شفتي الجرة
نسيتك يالطريق الجـــــرح..نسيتك يالهــوى المـــارد