|| :: || هسترة وضحك ودلاخة في الاذاعة المدرسية || :: ||

[ALIGN=CENTER][TABLE1="width:95%;"][CELL="filter:;"][ALIGN=center]
احم احم ... >> اخلصي

صباح الخير / اذا كنتو في الصباح
ومساء الخير / اذا كنتو في المساء



اجمل تحية لأحلى منتدى واحلى اعضاء واحلى ادارة واحلى مشرفين >> غثة

اليوم جبتلكم موضوع >>> بالله عليك
فكاهة وضحك وهسترة واللي تبيه




المهم ندخل في الموضوع


اليوم مووضوع عن المدرسة لكن بطعم ومن زاوية مختلفة
سأترك لكم الموضوع بين يديكم الان >>> اخيراً


::

::





|| مهسترين في اذاعه الصباح ||


الإذاعة المدرسية

علي الدب يجرب الميكرفون:

الو الو ..

اخوه سعد المعصقل من وراه


"حول حول"

علي الدب :



" مدير المدرسة الفاضل, أبائي المدرسين, إخواني العيال:

سعد ابوعصاقيل .. سليمان العربجــي , وممدوح القــــرد .. وابو ريـــحه ..


الاستاذ يضرب علي الدب على قفاه طااااخ ,

إخلص وجع يوجعك



علي الدب:

السلام عليكم ورحمة الله وبركاته , أسعد الله صباحكم باليمن والبركات,

خير ما نستهل به اذاعتنا لهذا اليوم ايات عطرة من القران الكريم يتلوها على مسامعكم

الطالب : حمود المطوع


يجى حمود المطوع ويقرا سورة قصيرة بصوت رخيم.



علي الدب:



اما الان مع فقرة هل تعلم للطالب حميدان أبو ريحة


حميدان بصوت عالي:

هل تدري.


هل تدري إن للذبـــابة ستة أعين.


هل تدري وإلا ماتدري إن الفـــار يصيب بمرض الطاعون.


هل تدري وإلا ماتدري أن اذا قطعت شوارب الصرصــــور يقعد يخبط في الجدران


هل تدري وإلا ماتدري أن لكل قطــــو برميل زبــــالة مخصص يسكن فيه وشكرا.



علي الدب :

هل تدري ان بيت حميدان جنب البلدية,



أما الان مع حكمة اليوم والطالب سلوم المفهي

سلوم المفهي يقرب..


يمسك الميكرفون بيد


واليد الثانية في مخباه تحوس يدور الورقة اللي فيها حكمة اليوم.




يطلع الورقه ويقول:


"حكمة اليوم "








ويفتح الورقة




ويقرا بصوت عالي






" البضاعة المباعة لاترد ولاتستبدل "



يسكت شوي ويناظر الورقة ويكمل



" شماغ , طاقيتين, شراب العايلة , ثلاث فنايل علاق, , سروال سنة, زبــيرية .."





وهو جالس يقرا


ألا وذاك الكف على مقفاه من الاستاذ وهو يقول


" ياحمـــااار...طلع الورقه اللي فيها حكمة اليوم مو فاتورة ملابسك"


سلوم المفهي:-


طيب طيب يدخل فاتورة ملابسة بمخباه و يلقى ورقة حكمة اليوم بارتباك عنيف


حكمة اليوم


لاتقطع الشرطه حتى ماتلحقك الأشاره وشكرا






علي الدب :

"الاَن مع موضوع الصباح >>> اللي مو فاضي يروح ويرجع


للطالب:" أخوي سعد أبوعصاقيل"


سعد يفتح ملف أخضر علاق ويقرا >> تذكرت الفيلسوف احمد


"اعزائي المشاهدين"


موضوع حلقة اليوم العطلة الصيفية (مدمن فضائيات)


"لقد رحنا في العطلة الصيفية أنا وأهلي إلي بلدي الثاني لبنان" << دققوا .. لقد و رحنا ..



علي الدب: تراه كذوب, بالعطلة رحنا لخوالي بشقراء.



سعد يلتفت إلى علي الدب بزعل ويكمل

" ولكن علي الدب لم يكن معنا" ويطلع لسانه لعلي الدب


رحنا بالطيارة و كانت امي خايفه جدا جدا لانها اول مرة تركب طيارة ,

بس انا اصلا دايما اركبها,


وفي الطيارة جت شغالة الطيارة (مضيفة صارت شغالة)هههههههههههههههههههه

وجابت لنا القهوه والشاي ثم جت


وقالت اقلطوا على العشاء , وقلطنا في المقلط مع العفش,


وكان الطيار واقف على روسنا ماسك اللبن وقال سموا على عشاكم,يالله إن تحييكم, وكان مفطحا شهيا.


وخلصنا وغسلنا, وكان مساعد الطيار ماسكن الفوطة والطيب وأعواد الاسنان.




وعندما وصلنا لمطار الملك خالد حقهم << مطار الملك خالد في لبنان


ذهبت انا لتختيم الجوازات والرخصة والاستمارة وذهبت امي للتطبيق << تطبيق إيه


وكنت اتحدث لغتهم بطفاقة لاني امي وابي مامعهم لغة.

وقال لي العسكري : جواز مين هيدا ؟..


فقلت له" بييَ (ابوي باللبناني)


, وقال: "وهيدا؟"

قلت: مييَ (أمي) .


وهيدا ؟

قلت" خييَ (أخوي " )


وقال " وهيدا؟"

قلت : نييَ (أنا) " وكان جوازي





وقال لي ابوي ماشاالله عليك ياوليدي إنك بلبل سداح في اللغة اللبنانية الفصحى



, التفت عليه وقلته, أي لا كان ,

ثم التفت للبناني وقلت له

ترى أنا سعودي مانيب زيكم, .


وشكله كان مستغرب يحسبني لبناني.



وفي لبنان سكننا في مدينة بيروت مشيط وكانت


مدينة جميله فيها مزارع بكل مكان,


ولم اشوف عندهم تراب << اتعب يالفصحى .. لم و اشوف

, علشان كذا مافيهم الاشهب

,ورأيت دول كثيراااا, وشفت دولة وما عرفتها,



يوم دققت مكتوب عليها,

بورسعيد


وشفت المملكة العربية السعودية الشقيقة (وش عنده اللبناني).


ثم ذهبنا الي الاهرامات في لبنان وكل واحد مننا ركب له على واحد,


انا ركبت على الخنصر

وأخواني واحد ركب على البنصر,

وعلي الدب ركب على الوسطى,


<< يلتفت لعلي :- اجل رحنا لخوالي ها.



" اما ابوي فركب على أبو الهول لأنه يشبهه.



وكانت رحلة سعيدة, ورجعنا بالسيارة



ومررنا على تونس الخضراء,


والسودان السـوداء في الطريق عبينا بنزين بعشرة لاننا فلسنا


وكملنا الطريق الي أن وصلنا بالرفاء والبنين.


وإلي اللقاء في حلقة القادمة >> اخيراً

......................................

فاصل بسيط







" مع سنكرس مش حتقدر تغمض عينيك .! "

...........................

نواصل

::

::


علي الدب " أما الان .."


صوت جوال يدق من مخبا علي الدب


ويطلع الجوال والميكرفون بيده وطبعا صوت المتصل واضح لان قريب من الميكرفون وكل الطابور يسمعونه


صوت حرمه:

" ألو .."


علي الدب:

" هلااااااااااااابهالصوت , ممكن نتعرف


الحرمة:

" وجع يمصع ضلوعك .. أنا أمك حصيصة!!






علي بصوت مرتبك " يمه"


طلاب ثالث جيم اللي وراه

" اسم امه حصيصة ...اسم امه حصيصه
( بما فيهم اخوه سعد ابوعصاقيل)



علي الدب:

يمه شغلى الرادو, بتشوفينا انا وابوعصاقيل على قناة المدرسة إف إم.


حصيصة:

الرادو مايشتغل, إنت ناسي إن دشنا خربان,علي,

وراك سارقن جوال ابوووك, أنا زاهمتن عليه وطلعت لي إنت"


علي الدب:

"مهوب أنا, أنا أصلا صار لي اسبوع ماشفت جوال ابوي"

حصيصة:

اجل اللي تكلم منه وشو ؟؟!!


علي :- " هذا مهوب أنا, أنا أخوي سعد, << دققوا في الدلاخة انا .. اخوي .. سعد

حصيصة:

اشوى احسبه إنت



علي الدب يلتفت على سعد المعصقل :

" إنت معلم إمي أن الجوال معي يالحروش"


سعد يحاول يكلم امه في الجوال:


" يمه يمه, حنا الحين في الاذاعة وإنتي على الهوا ..عندك مداخلة والا طبخة؟


علي الدب ,

والان مع الشيفة (الطباخة) أمي.

>>> تحية


حصيصة:

ماشيفة الا إنتم وابوكم , وتسكر الخط"



الاستاذ يمسك راس علي الدب وسعد المعصقل ويصكهم ببعض .

طراااااااااااااااااااااااااااااااااااخ وياخذ الجوال.

كمل يالوح فورت لي دمي.

علي الدب:

" اما االان مع نشيدة الصباح


وسليمان العربجي بعنوان "عصفوري الصغير"


علي :

سليمان وش عندك لابس بدلة حمرااااا.


سليمان:


لأني أول مرة بمسك ميكرفون قدام الجماهير.


سليمان ياخذ المكرفون ويقول


" أححححححلى تحية لشباب ثالث جيم اللي على البيست,

و أحلى تحية للموجه والمدير وأحلى تحية للوكيل بغيابه,



وياشباب اللي يبغى إغنية يكتبها على منديل ويعطيها المدرسين يوصلونها لي..


سليمان العربجي:

"أويلي, أويلي , أويلي أويللللي "

" سود العيووووووون إكبار ....,والشامة حلوووووة

" شايل جمال الكووووون ...وباليني بلوى "


يحط الميكرفون تحت ابطة ,


ويقول" يلا كلنا سوى.. ياثالث جيم"

هالعيووون شلون املها سحر ذوبني بغزلها

(يلتفت لصف أول) <<

بوسه من عندك حبيبي تسوى عندي الدنيا كلها "

طلاب المدرسة كلهم يرددون وراه تسوى عندي الدنياكلهااا
العيووووووووووون ......

ويغنون وتنقلب المدرسة مرقص وهيصة...>>>
>
>>

يعيـش التعـليم .. يعيش يعيش يعيش


::

::


وانتهت الحدوتة كانت حلوة ولا مفتوتة ///اكيد حلوة وعمرها ماتكون ملتوتة


\ /

\ /


والان نريد تعليقاتكم وردة افعالكم على الموضوع الحلو هذا >> يعني ؟؟!!

مسرووووووق[/ALIGN][/CELL][/TABLE1][/ALIGN]

افاااااااااااااااااا ليــــــــــــــــــــــــــــــــــــــــــش مافيه احد رد علي

مساك الله بالخير يابنت وش صارعليك انتي وعروبه عساك فلقتيه 0
ويسسسسسلمو على الفرفشه 0

هههههههههههههههههههههههههه

تاهت خطاوينا@
تشكري على هالفرفشة

شمري
بس شوي كفوف على كم بقس وكل واحد يصلح سيارته هههههههههههه ا
اسعدني مرورك على الموضوع يسلمووووووووووووووووووو

مناهي يسلموووووووووووووووووووو على المرور الحمد لله فيه احد عبرني
ماننحرم من مروركم يالغوالي

هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه ههههههههههه
ههههههههههههههههههههههههههههههههههههههههههه
بس الشيفه أإنـت وأإبــووك وربـي مـت ضحــك ههههههههههههههه ...

يعطيـــكـ العــأإأفيـــــــــــــهـ ...

دوووووووووووووووووووم هالضحكه غصونه
انا فقعت ضحك
يسلمو

افا وين التفاعل
انا توقعته بتعجبكم
اهي اهي

" شماغ , طاقيتين, شراب العايلة , ثلاث فنايل علاق, , سروال سنة, زبــيرية .."

ههههههههههه

ياكثر ما اشوفها هذي وربي تفطس ضحك

يسلموووووووووووووووووووووووووو تاهت ربي يسعدك

[align=center][table1="width:95%;"][cell="filter:;"][align=center]هههههههههه
دوووووووووووووم مو يوم هالضحكه
اسعدني مرورك يالغلا[/align][/cell][/table1][/align]