من روائع فيصل الطواله

من روائع الشاعر الكبير فيصل الطواله

لـــكـــم...
:
:
//
:
:
\\
:
:
من.../فيصــــ(الطوالـــــــة))ــــــل

ماكل "عكـف الشـوارب" طيـب مفتولـه

"كل شارب له مقص اليا قصر.. طالـه..!!

والناس للنـاس .."شيالـه" و "محمولـه"

ولا كـل "حمـل "...يبـي يقـواه شيالـه

بعض الحواجب"علـى الطـولات" مفلولـه

وعض الحواجب " على العثرات " نزاله..!!

والحر اذا " ماارتفـع " ..مايقبـل نزولـه

والبـوم لـو يرتفـع .. بالقـاع منزالـه

نفـس مـن الوقـت والأيام..."معلـولـه"

ونفس عليله ..مـن الرجـال وافعالـه..!!

من يرتجي من"سحاب الصيـف "هملولـه

يموت"ضامـي" قـبـل يــذوق همـالـه

والرجـل لاصـا "شيـخ" وابـن حامولـه

يضفي على الربع والمحتـاج بجلالـه..!!

لاصار "شفق" علـى النامـوس والطولـه

مفـروض ماتنـزل افعالـه عـن اقوالـه

و"المهبد" اللي .. يـرد القـوم فـي قولـه

"مسرد حكي" في مجالس ناسٍ حثالـه ..!!

"حمامـة الوجـه" مـن يمنـاه.. مقتولـه

ماللحيـا فيـه "دم" يشـربـه ..فـالـه..!

وعـز الله ان "الحميـا" فيـه ..مشلولـه

رخوٍ "نهار العـزاوي" تقصـر حبالـه..!

"الشيخـه الزايـده" وابليـس وطبـولـه

خلن "عمى القلب"يمشي شايـفٍ حالـه..!!

ليته عطى "صغر عقله" من "كبـر زولـه"

اوليت زوله نفع .."مـن لاذ بظلالـه"..!!

خبلٍ .. يدربـي "سلـوم البـدو" بنعولـه

يطيح قـدره "تحـت رجليـه" ماشالـه..!!

أبـواب "كـل المراجـل" عنـه مقفـولـه

"والنعم" كايد عليـه .. ولا يتهيـا لـه..!!

يا وسع بيتـه ويـا عرضـه ويـا طولـه

وياقل جود "العفيـن" وياكثـر مالـه ..!!

مثله اذا مااستحـى مـن هالبشـر حولـه

على الأقل يستح مـن "ميلـة عقالـه"..!!

ودام يتذرى "عـن ضيوفـه" اليـا جولـه

حلال "وسط المجالـس" دفـق فنجالـه..!!

لكـن نصيحـه "لوجـه الله" قولـوا لـه :

لو يلبس "ثياب إخته" يمكـن اشوالـه..!!

دمتم

تسلم على النقل


وصح لسان فيصل الطواله

تقبل مروري

يسلمك على المرور السريع
طاب نبضك وقلبك

صح لسان الشاعر

وليد الطوالهـ
سلمت وسلم نبضك

وانتي سالمه نائبة القمر
مرورك اسعدني

صح لسآن شأعرها

وسلم نقلك ومنقولك

جود

فيصل شاعر مايبي شهاده حفظه الله
والشكر موصول لك ابن طواله
على نقلك للقصيده
لاحرمنا منك

ونعم بالفيصل ونعم فيك ياوليد
نقلت واحسنت الاختيار

وليد الطواله

قصيده رااااائعه .. صح لسانك ولسان شاعرها ..لاهنت على النقل المميز