فقدتك

يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟
يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!
يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..
يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح
يمه مريولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...
يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا
يــمــه
يالله خلاص لاتمزحي
يالله قومي
تعالي معي للبيت ارجعي
يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا .
يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..
أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..

ربنا يخلي لك مامتك
وسلم قلمك ونبضك

يسلم أحساسك ونبضك


لاهنتي تحياتي لك ,,,,,,,,,

يسلم احساسك
الله يحفظ لك امك


تحيتى واحترامي

يعطيك العافيه
مبدعه بطرحك
تحياتي لكـِ

بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين
سلمت اناملكي الرقيقة اخت بنت الثانوية على ماسطرت من كلمات وخواطر رائعة وجميلة

خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..



من جد حلوه تشكرين

موفق بإذن الله ... لك مني أجمل تحية .

يعطيك العاافيه من جد خااطره حساسه
سلمت يمنااك

تسلمووووون على الردود اللي عطرت موضوعي
لكن امي متووووفيه
الله يرحمه ويرحم اموات المسلمين

بنت الثانويه سلمت يداك ولا فض فوك على الخاطره التي عبرت عن كل شاب او شابه فقد اغلى ما عنده واسأل الله العلي العظيم ان يرحم والدتك ويرحم اموات المسلمين وهذه سنة الحياه وما نملك لها الا الدعاء لها بالرحمه وان يجمعك مع امك في جنات النعيم

الاخت الفاضلة

يا ليت تبينين هل هي بقلمك ام منقولة

لاني وجدتها بأكثر من منتدى بأسامي مختلفة

تقديري

الله عليك ياخيتي رسولنا صلى الله عليه وسلم لاعرف امه ولابوه فتوكلي بالله وحنا اخوانك ربي يوفقك

بنت الثانويه

الله يعطيك العافيه على الإختيار العذب

تنقل للمنقولات ..