ترى مايجرح العاقل من الدنيا سوى المعقول..!وأنا المجروح من دنياي لو ما كنت عاقلها

صعب أسهل بدايات الرجوع لسكة المجهول






بعيني والرجوع أصعب بداياتي من اسهلها




من أول رحلتي فيني طعن زهر الشباب ذبول



وش آخرها..؟؟ مدام أقسى طعوني جت من أولها..!!




خيالي واقعي شفته يحير في فضاه عقول



من المعقول يرسم لي حقايق ... ما تخيلها




ترى مايجرح العاقل من الدنيا سوى المعقول..!!



وأنا المجروح من دنياي لو ما كنت عاقلها




ورى مستقبلي الماضي إلى الحاضر وش المحصول ..؟؟



إذا الماضي من أيامي أشوف الظلم باعدلها




هنا ضمتني أحزاني بعد ماغبت لي كم حول



هنا سكين لمعانق شرايين الفرح ولها




هنا علقت دمعاتي على أقدام الليال حجول..!!



هنا ماحنت البسمه علي وقلت ازعلها ,,




هنا والا هنا يكفي عجزت أوصف عجزت أقول



عجزت أجمع ألم بابل وحزن دجله وأمولها




عجزت آروض بصدري صدى جرح وجموح خيول



أنا مدري غضب والا بقلبي تلعب وتلهى




وقفت وما وقفت الا أدور للحلول حلول



أبعثر ما ورى نفسي لين أثقلت كاهلها




تعبت أحمل من الذكرى على المتن النحيل حمول



وأنا نفسي وهي نفسي وربي ماتحملها




لأني كل ما أقرب أشوف إن الطريق يطول



هو صعب علي كيف أرجع والاصعب كيف أكملها..؟!!





أخاف ارجع والاقى (نفسي ) مقتول.. !!






وأخاف أمشي لآخرها وأشوفه يشبه أولــــــها ,,

إنتقـــاء مميز

نووت
سلمتِ وسلم نبضك

نقل مميز
سلم قلبك وكلك

تقديرى

نوت

الله يعطيك العافية ... إختيار مميز ...

تقديري لكـ.

ذوووق رأإئــع سلمتــي ..
يعطيــكـ العـأإفيــهـ ..
كــل الشكـــــــرر ..

شكرآ على مروركم

نوت

تسلم الايادي على الاختيار الراااااااائع

شكرآ على مروركم