[ مميز ] روآية اوآه ياقلب .. للكآتبة سمر الفصل الثالث

[align=left][/align]




خالد : ريم افتحي الباب يابنت اش فيك ؟
لكن لاحياة لمن تنادي ..
خالد : رييييييييييييييييييييييييييييييييييييم افتحي لاكسر الباب ..
ريم حست على صراخ اخوها وفتحت الباب

خالد : ريم اشبك ؟
ريم حضنت اخوها وجلست تبكي زي الاطفال ماتحملت نظراته
خالد حس انو اخته فيها شي قوي ودخلو بالغرفه عشان يهديها
خالد : ريم اهدي وروقي انا اخوك الامان لك سرك قولي لي اشبك ؟
ريم : ادري بس ماقدر والله ماقدر اذا تكلمت راح اموت
خالد : لا ان شاء الله وبعدين اش هالكلام .. لينا صاحبتك فيها شي ؟
ريم سمعت اسم لينا زاد بكاها وصراخها
خالد : ريم خلاص وانا اخوك ماراح نتكم الحين بعدين اهم شي قومي استغفري ربك ووضي وصلي لك ركعتين واقري قران راح ترتاحي
انا الحين راح اخليك تهدي وتروقي وراح اجيك عشان تحكيني اش اللي صاير معاك

/
/

مازن وصل للبيت واستقبله ابوه : هلا بمازن حياك وانا ابوك
مازن : الله يحيك يايبه طمني اخبار نايف ؟
سعد : الحمد لله طيب ماعليه انا رايح له تروح معي ؟
مازن : طيب بس استناني اودي شنطتي فوق وانزل
سعد : يالله انا استناك ..
وطلع مازن ودى شناطه ونزل وراحو للمستشفى ..

/
/

بالمستشفى وبغرفة نايف بالذات رن جهاز محمد وطل على الرقم ولقى ابو مازن : الو ياهلا باخوي
سعد : هلا بك ياخوي انت نايم ؟
محمد : لا والله صاحي اصلا ماقدرت انام واترك نايف يمكن يكون يبغى شي وانت تعرفني انا ماحب انام بالمستشفيات تمرضني وانا اخوك ..
سعد : ايه اعرفك تعلمني فيك المهم انا جايكم ومعي مازن توصينا على شي نجيبه لكم ناقص
محمد : لا والله كل شي موجود لينا ماقصرت جابت لاخوها كل شي
سعد : لينا هالبنت بنت سنعه الله يرزقها بالرجل الصالح
محمد : ان شاء الله وانا اخوك المهم جاي لحالك انت ؟
سعد : معي مازن ..
محمد : زين مازن رجع شلونه ؟
سعد : طيب ماعليه الحين جايينك وتشوفه
محمد : ان شاء الله
سعد : يالله اجل مع السلامه ترانا قربنا من المستشفى
محمد : مع السلامه

/
/

لينا : امي يالله وقت الزياره قبل لايجو الرجال
ام نايف : اشبك انتي متسرعه اصبري عليا طيب
لينا : امي اذا جو الرجال ماراح نقدر نشوف نايف ولا حتى ناخد راحتنا
ام نايف : اهو خلصت يامزعجه الله يكون بعون زوجك
لينا : افا يام نايف للدرجه هادي مثقله عليك انا
ام نايف : لا والله بس ابغى افرح فيك
لينا : الكلام هادا لاحقين عليه وبعدين انا توي صغيره لاتحطمو احلامي
ام نايف : طيب يالبكاشه المهم اخلصي عليا جهزتي اغراض اخوك اللي طلبها
لينا : ايوا جهزتها والله اخويا هادا مدلع حتى اللاب يبغاه ..
ام نايف : خليه عشان مايحس بالطفش خاصة بالليل اعرفه ماينام من دون اللاب
لينا : امي يلا السواق بينادي علينا
ام نايف : يلا طيب مشينا

/
/

في الصالون خالد كان جالس مع امه بيفكرو اش اللي حصل مع ريم
هنا خالد شاك انو فيه موضوع كبير فقال لامه : يمه عندك رقم جوال لينا او امها .
ام خالد : على ماعتقد في الدفتر شوفه على الطاوله
خالد : طيب راح ادق واستفسر وش الموضوع ..
ام خالد : دق وانا ابسمع
واخد خالد الدفتر وطلب رقم جوال لينا واتصل
لينا شافت رقم غريب وردت عليه : الوو
خالد : السلام عليكم
لينا : وعليكم السلام
خالد : معي الاخت لينا سعود
لينا : ايوا انا لينا من معي ؟
خالد : انا خالد عبد الله اخو ريم صاحبتك
لينا عصبت وماتحملت انو خالد يكلمها خاصة انو هو اخو ريم اللي اتسببت فيه من مرض نايف ..
لينا : اسمع مابغى اخد واعطي معاك وبدل ماتجي تكلمني روح اهتم بتربية اختك كويس واذا مانت مصدق فتش اللاب تبعها وشوف جوالها ساعتها تعال كلمني واسئلني اش فيها وعلى
فكره اخويا تعبان وبالمستشفى والسبب اختك ريم ولعبها بمشاعر الشباب قولها عيب لازم تستحي على دمها
قفلت لينا السماعه وطلت في امها وقالت : دحين ارتحت يامي
ام نايف : اللي عملتيه غلط يالينا
لينا : عارفه يامي بس اش اسوي والله من قهري باللي صار لاخويا قلت اللي قلته
ام نايف : اصحي نايف يعرف بالحكايه هادي
لينا : ابشري يالغاليه ماحقوله ابدا

/
/

خالد فضل مصدوم من اللي سمعه من اللي قالته له لينا وفضل واقف بمكانه لدرجة انو ماقفل الجوال مع انو لينا قفلته بوجهه
ام خالد : خالد خالد ياويلي اش فيك ياخالد يعني كملت عليا فوق ريم وانت الحين
خالد بان الشرار بعيونه وطلع فوق لغرفة ريم زي المجنون ودخل عليها الغرفه
شافها بمصلاها تبكي وخاشعه بالدعاء
التفت يمين لقى اللاب على المكتب وراح اخده واخد الجوال من على السرير
وخرج وقفل باب الغرفه على ريم وقال لامه : ممنوع احد يفتح لها الباب او حتى يديها اكل من دون علمي
ريم حست باللي صار وبقيت على حالها دون اي ردة فعل تذكر سمعت كلام اخوها خالد وهو بيوصي امه هنا عرفت انو خالد عرف بالحكايه
وراحت وقفت دعاء وقامت من مصلاها وجلست بزاويه من زوايا غرفتها وجلست لوحدها تتامل عقابها اش راح يكون ..

ام خالد : خالد ياولدي اشبك كذا ماتقولي اش اللي صاير وليش اخذت جوال اختك ولابها
خالد : امي ريم لازم تتربى من جديد وانا ان شاء الله اللي راح اربيها بس ابغى اتاكد لاني ماصدق ان ريم تسوي كذا
ام خالد : ياولدي خوفتني اختك اش سوت ؟
خالد وبحسره وبالم قال : ريم راعية طلعات مع شباب يايمه
ام خالد مصدومه مو مصدقه باللي سمعته : ريم لالالا ماصدق من قالك ؟
خالد : دريت وبس
ام خالد : لينا هي اللي قالت لك لاتصدقها ياولدي مهما كان هاذي اختك الغاليه ريم
خالد : اختي الغاليه ماعرفنا نربيها يمه ولينا صدقت

/
/

في المستشفى وصلت لينا وامها ودخلو الغرفه ولينا عدل دخلت وهيا تتكلم لاخوها بتقوله : ابشر ياعم نايف والله وصرت شغالتك البي لك طلباتك ياسي السيد
هنا ام نايف مسكت لينا وقالت لها : بنت انكتمي عيب مازن فيه
لينا صابها حيا واتغطت وقالت : يؤ اسفه والله ماكنت ادري
مازن : اعذروني انا خارج عشان تاخذون راحتكم
سعد : لا وين تطلع خلك لينا زي اختك
مازن : لا يابويا عندي موعد لازم الحق له
لينا : ايوا مازن مبروك الخطوبه مقدما
مازن بحسره : الله يبارك فيك وعقبالك
لينا : لالا مابغى اتزوج الا من واحد احبه ويحبني ويهتم فيني ويحميني ويحطني بعيونه
سعد : ول ول ول كل هذا وانا عمك والله انك تحلمين
لينا : بالعكس ياعمي من حق العروسه تختار فارس احلامها
هنا ابتسم مازن واعجبته جرئة لينا بهادي الامور
نايف جلس يطل بلينا وينبها انو تسكت عيب
هنا لينا حست باخوها نايف وقالت : اهو انكتمت ياهوو يلا استلم اغراضك حتى اللاب جبته لك
وجلسو سعد ومازن ومحمد وام نايف ونايف ولينا يتكلمو ويفرفشو ويضحكو

/
/

خالد مصدوم من اللي شافه بجوال اخته ولابها
ماقدر يتحكم على اعصابه .. قام وراح لغرفة ريم وفتح الباب
لاقاها جالسه زي المجانين بركن وبتبكي
وعيونها حمرت واتنفخت من البكي
مسكها خالد مع شعرها وجلس يضربها ويشتمها وقالها : ريم حطيتي روسنا بالتراب

وخرج من الغرفه مقهور ومنع الاكل عنها والشرب
وحبسها بالغرفه وقرر انو يقول لابوه

.....




يتبع ~

مسكها خالد مع شعرها وجلس يضربها ويشتمها وقالها : ريم حطيتي روسنا بالتراب

وخرج من الغرفه مقهور ومنع الاكل عنها والشرب
وحبسها بالغرفه وقرر انو يقول لابوه

/

تمر الدقايق والساعات وخالد بيستنى الوالد عشان يقوله اللي حصل مع اخته
ام خالد : ياوليدي لاتقول لابوك تراه راح يذبحها وبعدين هذي اختك الغاليه
خالد : يمه ماقدر ابوي لازم يربي بنته من جديد
ام خالد : لا وانا امك لا تكفى الا ابوك والله انه راح يروح فيها
خالد : طيب برائيك يام خالد وش الحل اتركها على هواها يعني
ام خالد : لا لاتتركها على هواها وانا امك
خالد : اجل وش اسوي يمه قولي لي دليني على الحل
ام خالد : كلمها بهدوء وانا امك قولها انك سامحتها وانك ماراح تقول لابوك امنعها من الطلعه ومن جهازها بس لاتقول لابوك
خالد بتنهيده : طيب طيب يصير خير ..


/

نايف بالمستشفى على اللاب توب بيقرى قصائد وخواطر ومعها بيسمع اغاني
جاه الدكتور علي شافه مندمج والعبره بعيونه
الدكتور علي : السلام عليكم
نايف بالاشاره رحب فيه
الدكتور علي : نايف ممكن اجلس معاك شويه
نايف برضا وباشاره اتفضل
جلس الدكتور علي : شوف ممكن تعتبرني متطفل لكن راح احكيلك حكايتي
مادري ليش ارتحت لك يانايف بس حسيت فيك وانت مندمج على اللاب والخواطر ومعقوله تنساني على فكره نوال
اغانيها حلوه خاصة هالاغنيه ودايما ارددها
نايف منصت لكلام الدكتور قفل الاغنيه وقفل اللاب
الدكتور علي : لما كان عمري 20 سنه دخلت كلية الطب وكنت خاطب بنت خالي والكل فرحان فينا خاصة انو انا
بجنون وفعلا خالي وافق لانه عارف اني ماراح اقصر فيها وراح احطها بعيوني
لكن مارضى املك عليها الا لما اتوظف باي مستشفى
ولازال نايف منصت بكل اهتمام
الدكتور علي : بيوم من الايام جاني اتصال من اعز اصحابي وقالي ان امه لقت له بنت الحلال
والليله راح يخطبونها له انا فرحت لكن بعدين انصدمت لان البنت طلعت بنت خالي اللي اعشقها وخالي وافق
وعطاني انا كاترضيه اختها اللي اصغر منها انا ساعتها يانايف ضاقت بي الدنيا بكيت انهبلت انجنيت
وجلست اتسائل ليش هي وليش انا وليش صار كذا
اخر شي رضيت لاني كنت اؤمن بالقسمه والنصيب واهي بنت خالي تزوجت صاحبي وعايشين
وانا رفضت اتزوج اختها لاني اؤمن اني ماراح اسعدها وقلبي مع غيرها الحياه صعبه لكن مع ذلك لازم نتعايش معها
برضا وقناعه واله يانايف ماقلت لك هالكلام الا ابغاك تعرف ان الحياه مجرد قسمه ونصيب واحنا شباب ونفهم على
بعض اكثر من الغير والحين اسيبك لان قصتي مع بنت خالي مغزى ابغى اوصله لك واتمنى انك تكون فهمتها

قام الدكتور علي بيخرج من الغرفه الا نايف يناديه : دكتور صدقت الحياه قسمه ونصيب
الدكتور علي بابتسامه : حمد لله على سلامتك يانايف
نايف : الله يسلمك يادكتور

/

لينا تقلب القنوات من قناه لقناه وفكرها مشغول بنايف وبهجير الشوق
ياترى نايف طيب نايم صاحي المسن تبعه مفتوح والا مقفل
بتنهيده تطلقها لينا : ياترى اخبار هجير الشوق ؟ امم معقوله نساني
لا ماعتقد الا اعتقد ونص انا طلبت منه ينساني
مادري مادري بس انا ليش مهتمه فيه هيك لايكون ..

/

مازن بغرفته وعلى جهازه بانتظارها تفتح الايميل
يالله افتحي افتحي وربي اشتقت لك
افتحي يابنت ترى ماتحمل طولة الغيبات
ياربي متى تفتح يارب يارب يارب
جلس ينتظرها تفتح لكن مافي امل
ابو مازن : مازن وش تسوي
مازن بربكه : هاه لا ولاشي ياطويل العمر بس جالس اشتغل على الجهاز امرني ؟
ابو مازن : ابد بس ابغاك تتجهز ترى بعد بكرى خطوبتك الرسميع على بنت عمك محمد لاتنسى فاهم
مازن بتنهيدة الم : فاهم وان شاء الله خير ..
خرج ابو مازن من غرفة مازن وهو مرتاح البال لانو حايزوج ولده البكر وبالعروسه اللي يبغاها هو وام مازن
بنفس الوقت مازن حس الدنيا تلف فيه وقرر يطلع يلف بسيارته على الاقل يحاول ينسى ..

/

ريم بزاوية الغرفه بتستنى مصيرها المجهول واللي قرره اخوها خالد
كل شويه تتخيل ابوها داخل عليها وناوي عليها صارت ريم ماتعرف شي اسمه النوم
فجأه انفتح الباب وبسرعة البرق نقلت نظرتها اتجاه الباب تشوف مين
الا ويطلع لها خالد وجلست تبكي وتقوله : سامحني ياخويا توبه بس ابويا لايدري
اسوي اللي تبغاه بس ابويا لايدخل بالموضوع

خالد : ريم قومي
ريم : ليش وين بتوديني ؟
خالد : راح نسافر انا وانتي بس
ريم : خالد ناوي تذبحني صح ؟!
خالد : مو انا اللي اسويها وانا اخوك لا والله
ريم : خالد وش الحكايه وعلى وين رايحين نسافر
خالد : انتي قومي وغسلي وجهك وجهزي شنطتك ولا تساليني وش بعد كذا
ريم : وابوي ؟
خالد : تطمني ماراح اقوله شي واللي صار راح يكون بيني وبينك بس
ريم قامت وحبت راس اخوها وقالت : سامحني انا غلطت واستاهل اللي صار فيني
خالد : اعتبريه ماضي وانا اخوك المهم تجهزي ترانا مسافرين بعد ساعه
ريم : طيب على وين مسافرين
خالد : بعد شوي بالسياره راح تعرفين كل شي
ريم : طيب ياخوي

/

شوق : الو ليون
لينا : اهلا اهلا بالعروسه
شوق : ليون انطمي لاعلم عمتي عليك
لينا : ول ول ول عرايس اخر زمن ماينكلمون
شوق : لينا عاد لاتحرجيني
لينا : طيب ماني بمحرجتك امري اش بغيتي
شوق : الحين هذي جزاتي اللي اكلمك
لينا : شوقووه تراك هبلتي فيني علامك يابنت قايله لك جريمه
شوق : الحين من الذوق عندك عدل تقولين وش بغيتي حسستيني كاني ثقل !!
لينا : ههههههههههههههههههههههه طيب اعتذر ومنك السماح ياعمتي المهم وش بغيتي
شوق : شف تعتذر وتكرر غلطها
لينا : شوق بتتكلمين والا شلون ؟
شوق : طيب لاتاكليني بقشوري ول ماتنكلمين انتي
لينا : طيب اسلمي واخلصي
شوق : بغيت اسئلك عمرك شفتي مازن ؟
لينا : يالطيف الطف سؤالك جهنمي وينبت عن ذكاء انثوي خطير
شوق : ياساتر استر اشبك سؤالي عادي وين الخطير اللي فيه
لينا : مادري عنك اجل فيه عروسه تسال وحده تعتبر معزومه عن خطيبها
شوق : ليون جاوبي على قد السؤال
لينا : لا ماشفته ولا اتشرف بشوفته ارتحتي
شوق : لا انا ماقصد كذا ياحماره اللي قصدته كيف شكلو لو شفتيه
لينا : اها اجل استلمي شكلو كانو بعير عطشان يبي مويا
شوق : لينا ترى اتكلم جد
لينا : وانا اتكلم جدين
شوق : تقولين اول ماشفتيه شلون الحين تقولين شفتيه
لينا : انا ماشفته شفته بس لمحته
شوق : ليون انقلعي انا الغلطانه اللي اكلمك ياحماره
لينا : ههههههههههه تعالي يالزعول الا متى الخطبه شوشو
شوق : مادري ولا ابغى اقولك خلص انا زعلانه منك اصلا
لينا : لا تكفين ارضي ترى ماقدر ع زعلك
شوق : خلص خلص رضيت والخطبه بعد بكرى الخميس لازم تحضري انتي وخالتي ام نايف
لينا : ابشري ماطلبتي شي
شوق : يلا الحين اتركك اسمع امي تقولي قفلي الجوال وتعالي ساعديني
لينا : طيب وسلمي على مرة عمي
شوق : يوصل ان شاء الله فمان الله
لينا : فمان الرحمن

/

نايف اتصل على مازن وطلب منه الحضور فورا
مازن لبى طلب نايف وراح له المستشفى

[align=right]





يا ربي و الكت ما تصير إلا على نص السآلفة !!
ترآنا نموت عـ الشفآية إحنا


بـ صرآحه قويه يومـِ [ لينا ] تقول لـ [خآلد ] السآلفة ..!
ما توقعتها تتجرأ ..
لكن كويس عدت على خير ..
أتوقع سفرهمـِ بـ يروحون [ مكه ] يعتمرون



أما [ مآزن و شوق ] ..
ما أدري مو قآدره أتوقع اللي يصير ..
و يتكنسل زوآجهمـِ ؟؟!
لكن ما أتوقع يتزوجون و مآزن يتزوج لينا ..


بـ النسبة لـ [ نآيف ] ..
ما أدري متعآطفة معآه ..
و أحسه رآح يتزوج شوق ..!
بعد ما يتركها مآزن عشآن يتزوج لينا
<~ شـ رأيكـْ تسكتين أحسن


موضوع روعه و قصة أكثر من مميزة ..
كل الشكر أختي على إختيآركـْ ..

يختمـِ بـ تميز ..
في انتظآر الجزء القآدمـِ [/align]

شـكــ وبارك الله فيك ـــرا لك ... لك مني أجمل تحية .

امــل شكرا لك الغاليــه ويعطيك الف عافيــه


على هذه المتابعه الراائعــه ...



وشكرا على الختــم الراائع .. الف شكرا على مرورك الروعه ..}}

نجمة الامارات
مشكورة
والله يعطيكـِ العافية