ْطفٌلكٌ : اللي ذنبهٌ انـهٌ مـآغسٌـل بالدمـٌع كمٌـه}}

هذا ماهو شيب .. لا تبكين .. ماهو شيب يمـه
لا يهوّلك منظره في راسي وتبكين .. عـادي !



لا يغـرّك لونـه الأيبـض .. ولا يفجعـك كمـه
صدقيني ماهو من الشيب هـذا اللون بادي



تذكريـن .. اصابعـك لمـا تبعثـّره وتلـمـه ؟
يوم كنت اوسده رجلك .. واروّض لك عنادي ؟



كل ما مشيتي اصبـع بيـن شعراتـي تشمـه ..
لين صارن بيض من كبر الغلا وطهر الايـادي !



شرّعي لي حضنـك الممطور بالمسك ابخمـه
خمة ٍ تبرا بها روحي مـن جروحـي .. وانـادي



ما ابي مْن الناس : غير اذكـارك وريحتـك لمـه
ولا ابي مْن النور : غير سراجك العن به حدادي



وما ابي مْن العز : غير اللي تحـت رجليك قمـه
ولا ابي مْن الأرض : غير جلالك اعلن به بـلادي



ودي ارجع ( طفلك المغمور ) واللي كان همـه ..
يصعد/ اطول نخله.. ويشرب/ من حثال العوادي



يغسل نعاسه ( باذان الفجر ، واصـوات الأئمـه )
ويونْس الشيبان لا رتّل لهم : ( قـل يـا عبـادي )



ويسرق اول ( خبزه لصاجك ) ويخفيهـا بفمـه !
قبل ما يصحى حدا اخوانـه .. ويحتـد التمـادي !



طفلك : اللي ذنبه انـه مـا غسـل بالدمـع كمـه
لين صار الكم الابيض من بطا دموعـه رمـادي !



ما يخاف الا : بكاك ، ودعوتك : ( حمىً تحمّه ) ..
لا ركض جنب القليب وسمـع نبضاتـك تنـادي !



ولا كشخ ( بشماغ ابوه ) وشفتي الانظـار يمـه :
تغصبينه / يشرب ( القروه ) بخـوف ٍ لا إرادي !



ودي امسح دمعة ( استاذي الفلسطيني ) واضمه
لا بكى في ( حصة التاريخ ) مـن ظلـم الاعـادي



واعتذر له عـن سخافـة جيلـي وخـذلان الامـه
واتعلـم منـه كيـف اروي يقيـنـي باعتـقـادي



واسألـه ليـه المجاهـد عندنـا مهـدور دمـه ؟؟
ومن ربط حدوتة الإرهـاب بالفكـر الجهـادي ؟؟



وليه نسمع بألف دعوة صلح مـع راهـب وعِمـه
والف خنجر يشهر بوجـه المطـوّع فـي بـلادي



ودي ارجع طفل : بعض عيوبه اجمل مـن شيمه
يوم كان اصغر رفاقه عمـر .. واكبرهـم مبـادي



ودي افتـش بتاريخـي عـن احلامـي المهـمـه
قبل ما تهزم جيوش اليـأس صبـري واجتهـادي



ودي اوشي بحزنـي الحاضـر لماضيّـي وانمّـه
يمكن انقذ جمـرة سنينـي مـن المـوت برمـادي



بس وشلون اقدر ارجع ؟ ليه ماقلتي لي يمـه ؟
ليه ماقلتي لي ان الشيـب مشتاق لسوادي ؟!



ليه فهمتينـي ان الخـوف مـن بكـره مذمـه ؟؟
ليه خليتيني اكبـر واحمـل ذنـوب اعتـدادي ؟؟



وين اعيّن خير يمه ؟؟ والأمل مـن غيـر يَمـه !!
الحطب - يا ميّـه - قليّـل وبـرد الليـل سـادي



كل ما غرسـت غصنـي سافـي الحرمـان دمـه
واشعر اني وردة ٍ مزروعـة ٍ فـي بطـن وادي !



وانا والله ، ما رضيـت بهالعنـا مـن قـل همـه
ولا كبا غير الدروب اما انت وافـي يـا جـوادي



احمـد الله جاعـوا عيالـي وانـا شبعـان ذمــه
ما زرعت الا الوفا والناس تاكـل مـن حصـادي



مـا عرفـت الاي خـال لخالـه وعـم ٍ لعمـه !!
يوم ما ياسع همـوم القـوم غيـرك يـا شـدادي



وانتي يُمه .. لـو بكيتـي شيبـي وهوّلـك كمـه
قلت يُمه : ماهو مـن الشيب هـذا اللـون بـادي



تخبرين ( الثلج ) لا منه تكدّس ( فـوق قمـه ) ؟؟
هذا ثلج.. وراسـي القمـه .. ولا تبكيـن عـادي





رآقت لي كثيـــرآ

كل ما غرسـت غصنـي سافـي الحرمـان دمـه
واشعر اني وردة ٍ مزروعـة ٍ فـي بطـن وادي !



وانا والله ، ما رضيـت بهالعنـا مـن قـل همـه
ولا كبا غير الدروب اما انت وافـي يـا جـوادي


قمه قمه .. اختيار راقي دائمااا ..
تسلم يمينك يالغاليه ..

جميل أن أقراء الأسطر بحروف خارجة من أعماق القلب

رائعه بكلماتك القوية , ومشاعرك المتربعه على عرش الجمال

قراءت الكلمات بقلبي قبل عقلي وتغنى بها لساني وطرٌبة أّذني
\
/
\
/

غربة الروح
يسعدك ربي على مرورك الذوق

إنسان حالم

أسعدني تواجدك بمتصفحي المتواضع

لاعدمنــا مرورك المميز

الله الله على الكلمات حييييييل راقتلي

صح لسان شاعرها ,,

وتسلم يمين ناقلها ,,

قموره ..

لاهنتي على الاختيار الرائع ..

الحل الصعب

مرورك زادني شرف ياغاليه

كل الشكر لمرورك الراقي

اختيااار راااااااااااااائع

تسلمين ع الذووووق الحلوووووووووووو

قلبووشتي
يسعدك ربي على مرورك الراقي

ودي اوشي بحزنـي الحاضـر لماضيّـي وانمّـه
يمكن انقذ جمـرة سنينـي مـن المـوت برمـادي



بس وشلون اقدر ارجع ؟ ليه ماقلتي لي يمـه ؟
ليه ماقلتي لي ان الشيـب مشتاق لسوادي ؟!



ليه فهمتينـي ان الخـوف مـن بكـره مذمـه ؟؟
ليه خليتيني اكبـر واحمـل ذنـوب اعتـدادي ؟؟



وين اعيّن خير يمه ؟؟ والأمل مـن غيـر يَمـه !!
الحطب - يا ميّـه - قليّـل وبـرد الليـل سـادي

صــح لسـأإنــكـ ولســأإن شـأإعرهــأإ ..
كـل الشكــــــرر ..

[align=center]
ماشاءالله عليه شاعر متمكن
صح لسانه والله

نائبة القمر
سلمتي ودمتي على روعة الإختيار



[/align]

نااائبه القمر
الله يعطيكي الف عافيه
لاااستغررب هذا الحضور الراقي منك
تعودنا على حسن أختيارك
لانـــك تمتلكين ذائقه مميزه
سلمت لنا من كل شر
وصح الله لساان شاعره المميز
ونــــاقلتها الذوق
ألــــــــــــف شكر

غصونهـ
نور الدنيا
بووح المشاعر

يسلمكم ربي على مروركم الذووق