كل حلمي في الوجود انسان يفرح لافرحت

مدخ ـل :

........يالحزن ليتك مثل { دمعي } وتنزل لارقيت ..
بس { أعرفك } لو مسحت الدمع تبقى ماانمسحت ..

،’

السلام عليكم ورحمة الله وبركاته

هذي بعض قصائد المبدع

فهــد المســاعد

متمنيه ان تنال اعجابكم

،’

شكواي لـ(اللي) عليه الضيق وإفراجه
اللي إذا شاء .. يرحمني ويرزقني
أما أنت يا أبو جبين عقد حجاجه
لاعاد تسأل "علامك ما أنت طايقني ..؟"
الناس كل على دربه ومنهاجه
وأنا عن الناس مابه شي يفرقني
ألا اني دايم أحب الصدق وأواجه
مخلوق .. والله على هـ(الوضع) خالقني
حتى رفيقي ضماد القلب وعلاجه
على كثر ما أتمسك فيه .. صدقني
لو أدري أنه مرافقني على حاجه
لـ("أمسكه" حاجته .. وأقول "فارقني"

للتحميل هنـا


،’
ما أقول غير انت لامن حطوا وشالوا
تعوذ برحمه الله من أساميهم
وذكرهم ان الأعمار ان طالت وطالوا
الخالد الذكر والا الموت قافيهم
اما انت ياقلب لو صالوا بك وجالوا
خلك مثل ما انت لاتشره على ايديهم
الناس من خلقت الدنيا ومازالوا
عيال رجال لكن فيهم وفيهم
وذولاك من عرض ناسٍ مالي ان مالوا
الا اني اسكت ،، وأقول : الله يجازيهم

للتحميل هنـا

،’

اسمعك ياللي تنادي يابوقلب خلي
بس انا ماني خلي القلب لجل اسكت وأجيك
الخلي ماهوب قلب من هيامك ممتلي
الخلي قلب ادمي شافك ولاهام فيك
انت زعلان لجفاي ومادريت ان زعلي
يوم قلبك مايبيني قد ماقلبي يبيك
حتى لو عيت همومك في غيابي تنجلي
كل هذا مايساوي لهفتي يوم احتريك
وان كان ماصدقت هرجي طيب اسمع مايلي:
ياحبيبي ياعسى ربي يحفظك ويهديك
جايز انك في غيابي تقلب الدنيا علي
بس انا من قبل اعرفك قالب الدنيا عليك

للتحميل هنـا

،’

خذني افحضنك أبغفى يااااهـ مبطي ماغفيت
وان لمحت دموع عيني سو نفسك ما لمحت
خذني افحضنك وبعثر في جروحي وان قضيت
هزلي كتفي وقل لي عيب تبكي لو سمحت
اضحك وعلم زماني من على ومن وين جيت
طق باب الحزن وأصرخ في لامني فتحت
وضمني يمك وكمل ضحكتك لامن بكيت
ودي أذكر كيف كانت ضحكتي لامن فرحت

للتحميل هنـا

،’
قلبي لـه اليـوم .. ثالـث يـوم موجعنـي
وعيني لها اليوم ثالـث .. تجمـع طيوفـك
والبـال كنّـه علـى دربــك يوزعـنـي
ولسانـي ماكنـه الا خـلـق لحـروفـك
لاالنـوم نافـع .. ولا التفكـيـر نافعـنـي
انام واصحى على الباقـي مـن وصوفـك
بالله قلي .. شعـوري هـذا وش يعنـي !؟
طمنّـي .. الله يطمـن هـمّـك وخـوفـك
بيني وبينك .. ترى اللي صدق ضيعنـي ....
ان انت في اخر لقا .. شارح لي ظروفك
مدري وش اقول .. لكن تدري .. اسمعنـي
خابرك وافـي .. و أبيـك تتـم معروفـك
ان كنـت نـاوي تسافـر .. لاتودّعـنـي
بـس انتبـه .. لا تسافـر قبـل مااشوفـك

للتحميل هنـا

،’
ضاعت احلامي وظل الحزن فيني واهتديت
للطريق اللي يوديني على دمعي ورحت
يالحزن ليتك مثل دمعي وتنزل لارقيت
بس اعرفك لو مسحت الدمع تبقى ماانمسحت
كان حلمي في وجود انسان يبكي لابكيت
وصار حلمي في وجود انسان يفرح لافرحت
كنت اشوف الناس مثلي كل ماجعت وظميت
مادريت ان الاوادم ناس فوق وناس تحت

للتحميل هنـا

،’

ياكثر ما اغرقت نفسي فـي بحـور اوهامهـا
وياكثر ماضعـت بيـن أوهامهـا وهمومهـا
مـا جـداي إلا احلـم انـي واقـفٍ قدامهـا
وأتخيلـهـا تعاتبـنـي .. وأروح ألومـهـا
يانديم الجـرح .. خلّـك مـن علـوم أيامهـا
مابقى فـي القلـب رغبـه يلتفـت لعلومهـا
والرسالـه ردّهـا للـي زمنـهـا ضامـهـا
وقلها كلمـه .. وتفهمهـا حسـب مفهومهـا
والله أن أقـص كفـي قبـل .. أدق ارقامهـا
والله أن اشيل قلبي .. قبـل أشيـل همومهـا

للتحميل هنـا

،’
نويت دمر الزمان إلي نوا دمري
بايعك يا طيبتي شاريك يا طيبي
و الدانه إلي أتغنج كنها القمري
أمنتكم بلغوها يا مناديبي
لا عاد تشفق على نخلي ولا تمري
ولا عاد تشره على قل ترحيبي
إن كان ربي عطاها لونها الخمري
الله بنفسي معوضني فقر جيبي
أمنتكم بلغوها تحتري جمري
إن كان ما فاد معها حسن تهذيبي
إن عشت والله لمشيها تحت أمري
وأحس فيها تعذب كثر تعذيبي
هذريت فيها ثلاث سنين من عمري
وإن قالها الله لخليها تهذريبي

للتحميل هنـا

،’

واذكر اني رحت قبل ابـدي لـك ايّـة اعتـذار
رحت حتى قبل اطيّـب خاطـرك فـي كلمتيـن
لكن انتي عارفتني زيـن واللـي صـار صـار
سامحينـي واذكرينـي قـدّ ماانتـي تقـدريـن
اذكريني لاانتهـت للشمـس رحلـه مـع نهـار
واذكرينـي لاصحـى للصبـح ورد الياسمـيـن
واذكريني لا لمحتـي فـي ليالـي البـرد نـار
واذكريني لا سمعتـي للمطـر صـوت ٍ حزيـن
اذكرينـي واذكرينـي واذكرينـي .. بأختصـار..
اذكري حبيبــكـ قـدّ ماانتـي تقدريـن

للتحميل هنـا

،’
صوّت حبيبي وقبـل أقـول ياعونـك
شكى جروحه ورحت أشكي له طعوني
يقول مقدر أعيش اليـوم مـن دونـك
وأقول حتى ولو ماعشت مـن دونـي
يمكن أنا اكون أعز إنسان ف عيونـك
بس انت والله كل النـاس ف عيونـي
لا صرت ربعي وداري فيّـة جفونـك
وش دخّل الناس خل النـاس يجفونـي
يكفيني إن انت لا من قلـت وشلونـك
تطيب كل الجـروح ويختلـف لونـي

للتحميل هنـا

،’
في عز ما كنت اهوجس فيك وافتحلـك
ابواب قلبـي خذتنـي رجلـي لبابـك
وجيتك وانا ما اذكر اني كنت رايحلك
بس اذكر اني كـذا لاطـول غيابـك
ياما ترددت مـدري كيـف اشرحلـك
اجيك وارجع ابيك تقـول وش جابـك
يابـن الاوادم تـرى مليـت المحلـك
انا اعزك واحبـك واعشـق ترابـك
لا ضقت اضيق ومتى ما تفرح افرحلك
ولاغبت اموت ومتى ما شفتك احيابك
ان كان ودك ترسينـي علـى كحلـك
لميت عمري وخاويتك علـى اهدابـك

للتحميل هنـا

،’

اللي تركني وأنا في عـز غربالـي
بعد الشدايد وش اللي ذكـره فينـي
يبغى زماني يعود ويرجـع الغالـي
وشلون يرجع بعد ماطاح من عيني
لا الوقت وقته ولا له شي في بالـي
أنا نسيتـه مثـل ماكـان ناسينـي
أنا تمنيت نظره منـه فـي حالـي
ياما تمنيـت صوتـه لـو ينادينـي
قولوا له إني ما أحبه كثر ترحالـي
أو لا .. حرام يتضايق وإلا يبكيني؟؟
قولوا له إني أحبه .. بس من تالـي
إن راح وإلا رجع ماعـاد يعنينـي

للتحميل هنـا

،’

جا يشوف الحال كيفه بعد ماهزه حنينه
قبل يسألني سألته كيف حالك يالحبيب؟
قال أنا كني غريب ضيع دروب المدينة
قلت أنا كني مدينه تنتظر رجعة غريب.
قال أجل وش فيك تلعن سيرة الحب وسنينه؟
قلت أنا وشلون ما العن سيرته دامك تغيب
أنت لا من غبت حتى مرايتك صارت حزينه
كيف ما تبغاني أحزن وانت لي حظ ونصيب

للتحميل هنـا

،’
للمارين من هنا ورد جوري وفل ~

محبة الجنه

،’

مخ ـرج :

كان { حلمي } في وجود انسان يبكي لابكيت ..
وصار حلمي في وجود انسان { يفرح } لافرحت ..

بجد مميز يعطيك العافية يارب ويسعدك...

وعذاااااااااااااابي
يجننون .. ~

وأحلى شي مافيهن موسيقــــــى ~> مسببه لي كآبه
والتحميل صاااااااااروخ

.

خذني افحضنك أبغفى يااااهـ مبطي ماغفيت
وان لمحت دموع عيني سو نفسك ما لمحت
خذني افحضنك وبعثر في جروحي وان قضيت
هزلي كتفي وقل لي عيب تبكي لو سمحت
اضحك وعلم زماني من على ومن وين جيت
طق باب الحزن وأصرخ في لامني فتحت
وضمني يمك وكمل ضحكتك لامن بكيت
ودي أذكر كيف كانت ضحكتي لامن فرحت

تعجبنـــــــــــــي ح ـيل

تم حفظهن
الله يسعدك مُحبة .. ~


،

يعافيك ربي على القصائد

الروعه

تسلمووووووووووووون حبايبي على المرور

طرح مميز لشآعر مبدع

الله يعطيك العافية يالغلا

جود

الناس من خلقت الدنيا ومازالوا
عيال رجال لكن فيهم وفيهم
وذولاك من عرض ناسٍ مالي ان مالوا
الا اني اسكت ،، وأقول : الله يجازيهم

]] محبهـ ً للجنهـ ً [[

يعاافيك ربي ً يالغلا

آسـ جـل ً آع ــجاابي ً

صوّت حبيبي وقبـل أقـول ياعونـك
شكى جروحه ورحت أشكي له طعوني
يقول مقدر أعيش اليـوم مـن دونـك
وأقول حتى ولو ماعشت مـن دونـي
يمكن أنا اكون أعز إنسان ف عيونـك
بس انت والله كل النـاس ف عيونـي
لا صرت ربعي وداري فيّـة جفونـك
وش دخّل الناس خل النـاس يجفونـي
يكفيني إن انت لا من قلـت وشلونـك
تطيب كل الجـروح ويختلـف لونـي

روووووووووووووعهـ
أحب قصايده كثير

محبة الجنه
يعافيك ربي ياغاليهـ

الرووووووووعه هو مروركم احبتي

[align=right]

بما آنها قصائد ،، لتوأم الماء
آكيد رائــــعة ،،
آفضل شاعر ،، بنسبة لي ،،
محبة الجنة ،،
يعطيكِ العافية ،،
عل آنتقاء الرائع ،،
دمتِ بهنا ،،
[/align]

تشرفت بمرورك غاليتي هايدي