نجومك مغاريب

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4," type=2 line=0 align=center use=ex num="0,black""]

قـالـوا نجـومـك يالسنافي مغاريب=وراسك رحـل ليله ويوضي نهاره
قـلـت اللـيـالـي مقـفـياتٍ مهاريب=وكـم فـاطـرٍ شـربـت بقربة حواره
والشيب لعقول الاوادم مناديب=ومعناه عـمـرك فـي توالـي مساره
راعـيـه شـال من الليالي تجـاريب=يغـنـيـك رايـه عـن دراسة وزاره
له بـندقٍ ترمي بالاشـوار وتصيب=ولا يرهـبــه لـيـلٍ تـراكـم غـبـاره
ياما سرى سود اللـيـل تقل ذيب=والا مضى لـيـلـه على راس قـاره
ويرسي الياثار الدخن كنه السيب=لاطار عن سـود اللـثــايـم خـمـاره
والشيب يشبه للنـجـوم المشاهيب=توضي ظلام اللـيـل مثل الـمـنـاره
ولاعاب ابن ديله حصان الاطاليب=رد الـعـداء والـرجـل فـيـها الجـبـاره
شيخٍ يسدك عن جـمـوعٍ جـناديب=في سـاعـةٍ والـمـلـح يـقـدح شـراره
ولا عاب ابن سندا نقي المشاريب=الـلــي خـذى تـاج الـكـرام بجــداره
ذكى ذلوله بالسنـين المجـاديب=لاجل الـعـجـوز الـلـي تراعـي صغاره
والزمل تنقل حـمـلـهـا باللـواهـيب=وتصـبر وثقـل الشيل يدمي فـقـاره
والحـشـو ترغي بالمساري متاعيب=وبالسـير كـنـه تشـتـكي من هجاره
ومن شاب ماله قدر عند الرعابيب=لو كـان بالـطولات نـمــر الـنـمـاره
ولا هي غريبه عـند صفر العراقيب=اللي تبي ريـف الخـبـوب وخـضاره
وكان الليالي خـلـتـك خـالي الجيب=والربح راح وحـال دونه خـسـاره
تقلب مدوحك بالمجـالس شواذيب=وتـقـعــد تحـفـر من وراك الجـحـاره
ومن طاوع الثـنـتـين لايامن العيب=كـم خـايــبٍ والـريــم سـبـة دمـاره
والصيد قرناسه عـطيب المضاريب=اللي يـصـيـد من الـحـبـاري خياره
والـفرخ لو يـنـقـل شـطـيـر المخاليب=نـوب(ن)يجــنـب عن مدارج مطاره
وترى شباب العمر وقت المكاسيب=والـزرع طـيـــبـه مـن نـقـــاوة بـذاره
والخــال لـه عـرقٍ قــوي المجـاذيـب=وخال الولد بالـطـيب يـصدر قـراره
واللي نسـيـبـه مثل عير المشاعـيب=يـصـبـر عـلـى هون العـيال وثـبـاره
والشاعر ابن الذيـب قـاله بلاريب=وشـعره بوصف الخـال بان اشتهاره
واللـي شبابـه مارسـى للمـواجـيـب=وبالبـيـت يـطـحـن للـعـذارى بـزاره
لا ترتجـي طيـبـه عقب لايح الشيب=لو يـمـتـلـك نـصـف البلاد وعـقـاره
وعدوى الجرب تجدع خيار المناجيب=وجرثـومـة المطـعـون عـجلٍ مساره
وياليت للعدوى طريقٍ على الطيب=وجار العرب يعدي بالاطباع جـاره
وعـدوى بني مـره تـعـم الاجانـيب=وتـتـبـع مـراجـــلـهــا وتـاخــذ وقــاره
والنفس تسلم من عيال الدغـاليب=وتطول من كل الـخـلايـق قـصـاره
حيث انهم مثل الـمزون السواكيب=وصـغـيـرهـم يـتـلـي طـبـايــع كـبـاره
واضمن لكم عدوى طـيـور المراقـيب=تكـفـي عـربـنــا والـعـجـم فـي ديـاره
قومٍ فـنـت منهم طـوال الـعـراقـيـب=وافـنـوا قـهـاوي سـوقـنـا مع بـهـاره
احـيــوا سـلـومٍ مسملاتٍ ذواهـيب=ضاعت بجيل الـيوم واهل الحضاره
وعاشت مع الـمره فـياضٍ معاشيب=اللي غـدو لـسـلـوم اهــلـنــا سـفاره
ماشـفـت بطبوع النشامى شواذيب=واطـفوا عن الخـافـق لواهيب ناره
امضيت فـوق العام عـز وتراحيب=واعـطـوا لروحـي قـيـمـته واعـتباره
شـهــادةٍ يـعـلــم بـهــا عـالـم الـغـيب=ماهـي نـفـاق ولا سـوالـف عـيـاره
محدن يجاري نسل مره على الطيب=وليت العرب تـقـنـع وتـتـلـي قـطاره
[/poem]