في غيابك هل دمعي والليالي موجعه
.... منهو غيرك في حياتي ترخص لعينه الدموع
يا حبيبي لو بكيتك ما بكيتك من سعه
.... ضاقت وساع الفيافي والزمن عيا يطوع
بح صوتي ينشدك كان ودك تسمعه
.... ويشهد الله حرف اسمك ناقشه بين الضلوع
في غيابك ضاعت دروبي مع جهات الاربعه
.... في بعادك لا مكان ولا وطن والزمن جرحه يلوع
الليالي اتعبتني في سهرها مفزعه
.... ريحها برد وهجير و وحده بين الشموع
يا حبيبي هذا قلبي بين ايدينك اودعه
.... هذا قلبي لك تعنّا ينشد بحضنك هجوع
هذا قلبي من خفوقي لو بغيته انزعه
.... كبريائه لك تعنّا يحتري منك الرجوع
ويا حبيبي لو بكيتك ما بكيتك من سعه
.... ضاقت وساع الفيافي والزمن عيا يطوع
شادن ،،