ليه ما اطلب انفصالك وانت سيد العارفين ....منقوله

المسافة لو هي خطوة ماتعجّلت الوصال


لوّك اقرب من عيوني ماتجيبك هاليدين
شفني كم لي من احاول لاتطول ولاتطال


بعدك اصبح في حياتي شيًآ اشبه بالروتين
ما لقيتك وانت جنبي وما فقدتك يا خيال


وان فقدتك صرت ابعد وان لقيتك مدري وين
يا ترى لاصار غايب وكلمته كلمة رجال


ليه يشْبك بالمحبه بنت ناس وبنت دين
عزّة الله ما عرفني شامخه تهوى الجبال


ماانطح الا العاليات وصلف قلبي مايلين
لين جيت وجابك الله مانت اصلآ على البال


وصرت همي وصرت دمي وصرت كل الاوكسجين
وان قصدْت بدرب حبك تقطع بوصْلي حبال


شفت وجهك لو نكرني.. بانكره واقول مين ؟!
يعني .. يعني لو هجرت ولو نسجت من المحال


استطيعك لو بغيتك وماتبعك لو بعد .. حين !
فيني عزة بنت ابوها طيب اصل وطيب فال


مانت وحدك ياما غيرك إنتظر شووفي سنين
لو خياري بين حضنك وبين رمية هالعقال


لانتخي لاقرب عدوك مارتجي منك .. حنين
المعزة اللي شانت في عيوني من ليال


سقْتها يمّ الشعيب وان كان تعرف وادرين!
هي قريْة ًشيدوها الترك في قلب الشمال


واتركوها في فضاها تخلو طيف العابرين
لو مماتي عند بابك لا تظن انطق تعال


لو مرادي في يدينك أدعي رب العالمين
يعجل الموت لعروقي لو الح نفس السؤال


ولاَ والله مانتخيبك لو قطع عرق الوتين
ماجزعني غير صدك انتثر دمعي وسال


تحسبنّي كم بكيتك وفي الحقيقة دمعتين !
دمعتن قد نشّفوها اسئله والشرح طال


يوم غدرك صابني وانا وقلبي غافلين !
وثانيه يوم احتريتك وطال هجرك في زوال


غاب حسّك لين ضاقت فيني وسع الآراضين
هزّني جرحك في ليلة واندفن وجهي بشال


مابي ناسي يكشفون الدمع في هالوجنتين
لين صاروا يضربون بقسوتك احسن مثال


فلان راح فلان غاب فلان خان الله يعين !
ليه مااذخر هالدعاء ويا الندم والإبتهال


ليه ماطلب((انفصالك)) وانت سيد العارفين !
قلب مايحشم وداد شلون ترجيه احتمال


من فعولن اكًدت انك تغبط ..( الظالمين ) !
اذكر انك ثرت مرة وقلت ميم حاء دال


( محد) ابد يقدر يحبك كثر حبي لو تبين !
جبت لك من بحري موجه ومن سما شوقي همال


وابسط ايدي تحت رجلك لجل انك تعبرين
تهت انا مابين شوقك وبين طيبك والدلال


واسمك ورسمك بعيني والشبه في حاجتين
انك جنونن تلا حكمة ورزة واعتداال


وانك هدوءً سلب في حضرته عقلي الرزين
كيف احس اني فقدتك وافتح لهجرك مجال


حيرتن تبغى الحلول المنصفة في وجهتين
كلهم يعني انحلال من أصل اسمه احتلال


يعني اهدّك للفراق لاتدان ولاتدين !

( محد) ابد يقدر يحبك كثر حبي لو تبين !
جبت لك من بحري موجه ومن سما شوقي همال كلام جد رائع يسلمو كبرياء شمر عواافي

[gdwl]( محد) ابد يقدر يحبك كثر حبي لو تبين !
جبت لك من بحري موجه ومن سما شوقي همال كلام جد رائع يسلمو كبرياء شمر عواافي

بنت الجنوب الله يعافيك يارب وشاكر مرورك[/gdwl]</i>

كبرياء شـــمر
الله عليك ياامميز
صح الله لسانك ودام نبضك
قصـــيده رأقت لي من أولها الى اخره
يعطيك ألف عافيه

كــل الشــكر

هلابك يالاخو وش قصتكم مع بنت الجنوب انا هيااااااااااااام الجنوب

عادي عادي تحصل زحكتني كتير

هيام حياك الله العتب على النظر

عموما شاكر مروركم العطر

غاب حسّك لين ضاقت فيني وسع الآراضين
هزّني جرحك في ليلة واندفن وجهي بشال


صح لسان شاعرها ,,

وتسلم يمين ناقلها ,,

كبرياء شمر ..لاهنت على النقل

شكرا لك ولقلمك المبدع
دمت بخير وتالق

شاكر ومقدر مروركم العطر

الله يعافيكم يارب