هذا اللي مكني عليه رب العزه والجلاله
فلله الحمد ولله الشكر ولله الفضل ولله المنــّـه
اللهم اني أسألك الفوز بشفاعة رسولك ونبينا وحبيبنا محمد صلى الله عليه وسلم
أنا ووالدي ووالدتي وكل من له حق علي
وكل من مر من هنا وكل من له حق عليهم
وكل من اتبع سنة نبينا محمد صلى الله عليه وسلم
فداكـ روحي يارسول الله
بأبي وأمي يارسول الله
.
[poem=font="arabic transparent,6,darkblue,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/49.gif" border="none,4," type=1 line=1 align=center use=ex num="0,black""]
بديت بإسم الواحد الخالـق العـال=اللي وعـد خلقـه بنـار ٍ وجنّـه
من بعد ذكـر الله بـادي بالأمثـال=لاصـاح فكـري بالقوافـي عطنّـه
قيفان له لـب الجزيـلات منهـال=إليانتخـى فكـري شمـام ٍ يجـنّـه
جبت القلم والحبر من مدمعه سـال=من حر شي ٍ فـي ضميـري يكنّـه
يالله دخيلك عن رديـات الأعمـال=وقهـر الرجـال آعـوذ بالله عنّـه
شفنا تطاول شرذمه حثلـة حثـال=شفنا العدو للصفوه الحـرب شنّـه
تجمعـو حقـارة الغـرب الأنـذال=والكـل أحقـاده لرسمـه سقـنّـه
سبّو رسـول الله رذليـن الأجيـال=حشا وكـلا ّ كلهـم تحـت منّـه
والله فـلا يسـوون ذره بمثـقـال=والكل منهم وصـف خنزيـر كنّـه
هذي سياسة غرب وحنّا لها جبـال=نصمد بوجه الغرب من أجـل سنّـه
من دون عرض المصطفى تنهض رجال=والـروح ساحـات المنايـا شرنّـه
نفديك بـأرواح ٍ تحبـك وتختـال=وأرواحنـا مـن زود حبّـه تبعنّـه
ياعزنـا يـوم القيامـه والأهـوال=يوم النساء ينسن به مـن أرضعنّـه
محجتك فينا تركته هُـدى الضـال=من هو عمل فيهـا لنهجـك هدنّـه
قرآن مع سنّه مـن الخيـر نكتـال=من فضل رب العرش لطفـه ومنّـه
ليله نهار ومن مشـى فيـه مامـال=ومن زاغ يبقى هالك وخـاب ظنّـه
والحـق شمـس ولايغطـى بغربـال=حتـى النفـوس الهالكـه ماغطنّـه
وصلاة ربـي عـد ماهـل همّـال=على الشفيع بيـوم وضـع الأجنّـه[/poem]
.
ممدوح بن زايد بن سعد الشمري
.
((مميز))قصيدة الرسول صلـى الـلـه عــلــيـــه وســـلـــم الصادق الأمين
العرض العادي
