كل يوم رقم جوال جديد ياترى لماذا؟!!

اقتباس:

المشاركة الأصلية كتبت بواسطة شيخ المافيا

ههههههـ أعجبني هالطرح وذكرني بسآلفه


وبقولهآ لكم

تصدقون عآد أنا إنسان ما أحب الجوآل ولا أحب أحمله

لدرجه إني كبرت ووصلت للعشرينآت وأنا مامعي جوآل

يعني قربت للعشرينآت تقريباً بآقي سنه أو سنه ونص

وأخوآني أصغر مني ثلاثه كلهم معهم جوآلات إلا أنا

فآ أشترى لي أخوي الكبير غصب جوآل وبوقتهآ أصريت إني مآ آبيه :4dfdf:

وكآن السبب نسبياً تآفه لأنني شخص أحب الهدؤ وأعشق شي أسمه الهدؤ

مع العلم الجوال أصبح الآن وسيله لا يستغنى عنه نظراً للظروف والإشغال

يمكن خرجت لكم عن الموضوع أعتذر لكم حقيقتاً ,‘, ولكن حبيت أطرح لكم هالسآلفه

ربمآ لهآ لمسة ومثآل أو نموذج عن هالطرح الجميل والوآقعي بصرآحه لمىا نشآهده نحن

تحيتي لكٍ أختي ودمتٍ بود

ودي

/

أنا مثلك آخر من طلع من خواتى جوال أنا وكلن مستغرب

منى بس الحين بصراحه ماأقدر أستغني عنه أصبح ضرورة

مشكور على مرورك وردك الممتع لا عدمتك.

اقتباس:

المشاركة الأصلية كتبت بواسطة أستـ سكونكـ ـأذن

صح أنتشرت هالحركه لكن اكيد لها اسباب
انا عندي شريحة موبايلي لسبب واحد لأنه تجوال وماافتحه الا وقت السفر الين مااشتري شريحه من نفس الدوله اوفر لي ولغيري وهالشريحه تاخذ لفه للعيله كلها يعني اي احد متورط ياخذها خاصه وقت السفر عشان التجوال ...
وعندي زين وهذي برضو مااستخدمها كانت للصغار وجاتنا هديه ايام العرض
اما الشريحه الاساسيه ... فهي ثابته للكل ولا افكر اغيرها
طبعا ماافتح اي شريحه منهم الا للضروره والكل يعرفها
والاساسيه ثابته .... وانا مااحد يتصل علي كثير يعني دايم ساكت جوالي
لكن انهاتغير كل شوي رقم هذي اكيد تلاقي مشاكل على رقمها اتوقع لانها بدون اسم
لأنه لو باسم تقدر تمنع اي معاكسات عن طريق الشركه



ملامح منوووره المنتدى بعودتك
الله يعطيكي العافيه

هلا غلاتي ليت كل البنات مثلك تعطى جواله لاهله كلهم..

لاحظت البنات جوالهن بدون نغمة رسائل طبعا لاسباب خطيره أكيد

ولاحظت مايدانن أحد يمسك جوالهن..مشكورة على المرور والرد.

اقتباس:

المشاركة الأصلية كتبت بواسطة حيا الحفر

اشكرك ملامح بجد موضوع رايق

انا من راي شخصي حسب تعايشي مع الكثير
من الاصحاب
اشوف التغيير اهداف شخصيه
والاكثريه
خصوصا الشباب للتعارف واعطاء كل محبوبه رقم غير الرقم الاخر
ليتطمن وليحلف لها ان ليس لديه اي اخرى بالجوال
والفتياات نفس الحكايه

تسلم ومشكور على مرورك وردك وكلامك ربما فيه

من الصحه الكثير..الله يهدى الجميع.

اقتباس:

المشاركة الأصلية كتبت بواسطة أماسي الشوق

والله شي ملحوظ ان الفتاه يكون عندها جوالين ؟؟؟
بصراحه انا ماعندي الا جوال ماوافقو اهلي لابعد طق وطقيق خخخخخ
وصراحه الجوال وسيله وليسة غايه لكن مثل ماتدرين اكثر ضياع الفتيات الجوال دق رديت
طلع غلطان واتصل مره ثانيه وقام يقول كلام حلو والبنت ضااعت
واذا دق علي احد ورقمه محفوظ عندي مثل صديقاتي ماارجع ادق لنهم يضيعون الوقت بس سوالف وانا ومااحب السولف كثير خخخخخخ
يسلموو ياقلبي

هلا أماسي عزيزتي الله يخليلك أهلك ويخليك لهم

مشكورة على مرورك وردك لا عدمتك.

اقتباس:

المشاركة الأصلية كتبت بواسطة دحام الرويلي

ثقي تماماً بأنه عامل شي غلط وهو بوجهين ويلعب للحبليين

وحتى لاأظلم الكل بعضهم يتصورها من البرستيج والأتيكيت والرقي الأجتماعي وتحصلي مامعه رصيد

فقط ليثبت أنه مهم وشخصيه

شكري لك ’

فعلآ عامل شيء غلط وبوجهين صدقت والله..أما البرستيج

أمحق من برستيج وإتيكيت..عز الله ربعنا يمسكون التقدم

من الجهه الغلط..تسلم ومشكور أخوي على مرورك وردك.

اقتباس:

المشاركة الأصلية كتبت بواسطة انفاس الرحيل

اناشايفة انو مافيه شئ انا مثلا عندي جوال مفوتر وكل احد يعرفه وشريحة ثانية سوى مخصص للحج والعمرة لما اكون ماابي احد يزعجني من اهلي او صديقاتي وابي اتفرغ للعبادة ومايعرفه غير زوجي علشان لو فقدنا بعض او احتجته في حاجة .. والصالح صالح لو عنده بدل الواحد عشرة والطالح لو ماعنده الاواحد بسوي الهوايل..مشكور خوي ماقصرت ..

قلتيها أنتِ عزيزتي مخصص للحج واحتفظتي فيه ماطلعتيه

عبث مثل بعض البنات..وكلامك جدآ صحيح الصالح صالح

والطالح طالح..مهما كانت الظروف اللي تحيطه..شكرا لكِ.

عزيزتي ملامح قرأت ماطرحتيه وقرأت ردود الأعضاء
فأنا أستغرب من تحجر بعض العقليات أنا لست مع أو ضد من يحمل شريحتين أو أكثر
ولكن أنا أؤمن بأن لكل شخص ظروفه وكل له احتياجاته
وأنا واحده وأقولها صريحه معي جوالين بسبب ظروف عملي
وكل أهلي عارفين بهذا الشيء ولو يطلبون كل جوالاتي أعطيهم لأني واثقة من نفسي ومن تربيه اهلي لي
وصدقيني أن الوحده أو الواحد اذا صار معه جوالين مو مقياس انه يكون له غرض غير شريف
ياما كثير وانا مسكتهم حالات معاهم شريحه وحده وفيها الهوايل
وكل انسان يعرف طريق الخير والشر ومن اراد طريق الخير يسلكه ومن اراد طريق الشر يسلكه حتى لو كان محجورا في غرفه
طولها متر في متر

المقصد هنا إلتمس لأخيك ولأختك العذر

ولا تعمموا أغلاط بعض السفهاء على الجميع

ومن قال ان البنت المفروض ماتمسك جوال أو يكون أحسن انها ماتمسك جوال
أنا أقول أن الجوال اصبح حاجه ضروريه في وقتنا هذا و اقول لك هل تستطيع انت أن تستغني عن جوالك؟؟؟


عموما ليس كل من معه جوالين أو أكثر يعتبر لعاب (هـ) وليس كل من معه جوال واحد يعتبر غير لعاب (هـ) أبدا هذا ليس مقياس
لكل شخص ظروفه وأحواله لاتعمموا على الجميع ....

وجهة نظري من خلال خبرتي
احترامي للجميع....