اعذرونن ياعضاء منتديات حايل لقل مشاركاتي وقل ردودي
معاكم لقله دخولي للنت لاكن ابشرو باللي يوسع صدوركم .
في صباح يوم جميل تحت سدره بالمزرعه بالخطه >>> منطقه كله مزارع بحايل والقلبان تصب على ودنه والماء يمشي تحت رجلين الواحد
والجو خيالي ومع زقزقت العصافير والله ونا ازقزق معاهن هههههههه>>>>> الله يحوم تسبدك وش هالمصاله ..
تذكرت ايام اول خل ابي اقولكم سالفه
في عام 1344هـ قام حاكم بلاد (رطيان ) العظيم بالامر ببناء سفينه كبيرة جداً لم يصنع مثلها بالعالم وفعلاً قام بصنع السفينة واشترك بعملية بناء السفينة 500 عامل واستهلكت السفينة من الاشجار 30000 طلحة .. وقسمت السفينة الى (3 ) طوابق الطابق الاول العلوي لعيال الحمايل ..... والطابق الاوسط للداجين من الشرفاء والاعيان..... والطابق السفلي (القاعة ) للسلنتح اللي طريقهم وطريق الكلاب الله يكرمكم واحد ويسكر عليهم شبك من حديد ... وابحرت السفينة تشق عباب البحر بضخامتها وكان يقود السفينه القبطان المخضرم (صلفيق)
:ويساعدة بغرفة القيادة ( شمقل وغافل ومقبل وطخطيخ ومغلفص وسويكت ) وهم من فطاحلة البحارة المهم مشت السفينة بقوة بالبحر وبعد كم ساعة طلع واحد من السلنتح اسمه (غضب المر) وراح يبي يتمشى على ظهر السفينه ليشبع فضوله وعلى شان يقولون عليه رومانسي ... ويسمع اكالصيحة اللي هزت كل السفينة ويناظر وليا اكا البنت اللي ملكة جمال وهي واقفه على مقدمة السفينة تحاول انها تنتحر ووقف قال انتي يابنت ايش اسمك قالت انا (روز بنت جويضع ) وش تبي انت ووجهك يهالمروح ودار بينهم هالحوار : -
غضب المر
وش بلاك تبين تنتحرين يالخبلة ؟ (سؤال وجيه بس الصيغة غلط) )
روز بنت جويضع
ابوي يبي يزوجني ولد عمي (مثقال)
غضب المر
طيب وليش ما تتزوجينه ؟ (سؤال اخر وجيه بس كله شفاية )
روز بنت جويضع
مابيه داشر كلاب وما خلى ديرة ما راح لها
غضب المر
ماشاء الله عليه ولد عمك طيار ؟ (سؤال اوجه من السؤالين بس به بلاااااهه )
روز بنت جويضع
طيار يلقط رجلينك .. اقول داشر كلاب وتقول طيار
غضب المر
ايه يعني راعي سفنجة ... طيب وضحي وجهة نظرك لابوكِ
روز بنت جويضع
ابوي اسمه (جويضع ) وتقول فهميه به احد اسمه جويضع ويفهم
غضب المر
والله انك مزيونه ياروز والله اني حبيتك من اول نقزة لك على هالسفينة
روز بنت جويضع
وانا والله حبيتك من قلبي شكلك (رحوم وطيب وسنافي وراعي فزعة ياحبي لك) .. بس ريحتك تعاطي !! >>>> ضبط الوضع
غضب المر
تتزوجيني ياروز بنت جويضع ؟
روز بنت جويضع
والله انك خليتني احب الحياة
غضب المر
طيب استهدي بالله واشربي من هالمريسة اللي مرسته امي قبل امس
روز بنت جويضع
وبعد ما ذاقته قالت وشي هذي الله يلعنك ويلعن امك
غضب المر
ههههههههههههههههه يضحك عليه حضرية
وفجاءة !!!!! طن طن طن بم (موسيقى تصويرية)
يطلع عليهم ابوها ويكفخ غضب ويلعن ابو سنسفيلة وخلاه علف طير يعني لحم مفروم .. ويقول له والله ان شفتك ثاني مرة يالدنفوسي اني لا امشي بين قطعك ... ويشد روز من شعرة ويدخل به لطابق عيال الحمايل ويقرر ابوها انه يتم زواجها من ولد عمها الليلة ... ويعلقون اللمبات والزينات ويجي الليل ويبداء الاحتفال بزواج روز على ولد عمه مثقال على ظهر السفينة وغضب جالس بعيد يراقب الوضع وهو .. مقهور .. ومتضايق المهم لقى فكرة !! جهنمية !! ويقوم وينفذ الفكرة ويطلع للبرج حق المراقبة ويصيح باعلى صوته يا قبطاااااااااان ......لعن ابوك اربط فرامل اربط بريك قدامنا جرف قدامنا جبل ..... ويقوم القبطاااان ويربط بريك بقوة ومن شدة البريك تضرب المروحة حقت السفينة بطن السفينة الخشبي وتولع النيران بالسفينة وتبداء تحترق من الخلف والناس تصيح وتطيح وتبداء السفينه تغرق تغرق تغرق .. ويشوف (غضب) (روز ) من بعيد ويروح يبي يحضنها ويقول انه انقذها من الزواج من ولد عمها مثقال ويجيها وهو يركض ويوم قرب فتح يدينه على شان يحضنها وتقوم هي وترفع يدها اليمين وتصقعه بالكعب على راسه وهي تقول ياحمااااار وش سويت قال هذي حيلة على شان انقذك قالت بس راح نموووت كلنا انا ما اعرف اسبح انت تعرف تسبح قال لا والله انا من اهل (الحفير) ما عندنا مسابح قالت الشرهة مو عليك الشرهة على الحاكم اللي ركب معانا سلنتح وتقوم وتكزه (تدفة ) ويضرب راسه بالشكمان (العادم) وهوحاااار وتحترق شوشته ... ويغرقون كلهم ويموتون بس (مثقال ) ما مات لانه يعرف يسبح لان خواله عندهم مسبح بفلتهم اللي (بصديان) الغربي واذا جاء عطلة الصيف جاء عندهم يتبلط لين تعلم السباحة ............ قبلااااااتي
للترجمة للسيرلنكيات اقصد ( البنات ) اللي معانا بالمنتدى المراجعة يوم الاحد بعد صلاة الجمعة مباشرة !!
ان قلتو ملطووووووووووش فهو ملطوووووووووووش
وان قلتو مهو ملطوش فهو مهو ملطوش .
تخبصاتي
العرض العادي
