السلام عليكم ورحمة الله وبركاته
هذهـ المتواضعه بين أيديكم وبهذا الصرح الشاامخ
وكلي أمل بأن تناال أعجابكم وأستحسانكم ..
[poem=font=",5,darkblue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""] البارحه مع هاجس الليـل والخـوف=ذكرتها وأوجسـت بالقلـب خيفـه
ذكرتها والشرع واضـح ومعـروف=وأخذت لي سجه مـع ابـو حنيفـه
أشوف عاطف يستغل عطف معطوف=وأقول ماتقـوى النفـوس الضعيفـه
ماتشفي جروحي عبارات وحـروف=ولأحدن تجي دنيـاه داايـم بكيفـه
منها لزمت الصمت لا اسمع ولا اشوف=أبكي وتضحك كـل نكتـه طريفـه
من كثر مامريت بأحـزان وظـروف=صارت ثقيـلات المئآسـي خفيفـه
زمان صدق اشتاق واجيك ملهـوف=عايشت برد شتاك وانسـت صيفـه
"الذلّ"..كنه طير حـوّام ويطـوف=ماتدفنـه مـر الظـروف العصيفـه
هدّيت سوري وابتعد كـل مألـوف=والجرح يسري فـي حشايـه نزيفـه
ياحيف كان أسرارنا وصلت الجـوف=وتعدت طريـف وسـرت للرديفـه
تجمعت لاجلك طوابيـر وأصفـوف=وكل ٍوقف في صف..! ينخا حليفـه
بعض الولايف يدمي الجرح وأيلـوف=يكسي مـن ثيـاب المذلـه وليفـه
وبعض البشر دمه ثقيـل ٍ وملقـوف=وبعض البشر معدوم عقـل وهديفـه
وبعض البشر ميت ولو عاش له شوف=وبعض البشر عايش حياتـه كفيفـه
وبعض العرب علّمه من الطيب محذوف=يمشي مـع العربـان حالـه كسيفـه
الطيب بإيدين الردى صـار ملفـوف=رجيـت ربـي فـي جنانـه يضيفـه
ممدوح أكرمهم معازيـب وضيـوف=الجود أنـت معزبـه وأنـت ضيفـه
أوجب لهم دمّك ولا فيـه معـروف=والجار قـدره مثـل قـدر الخليفـه[/poem]
وسلامة نوااظركم..
والقااادم بإذن الله..
أما أنت يا محمد تعال بالثانيه