يجوز استأنف الرجعه / يجوزالشوق يدفعني
يجوز آفض هالسيره غياب وجرح واحزاني
تجي تقدر ؟! ( اجي اقدر ) ولكني مضيٌعني
هنا واهناك متشتت اجي وأروح وحداني
انا حسيت في موتي غيابك ِصدق قطعني !
هنا قلبي وهنا روحي وهناك ابعيد شرياني
واذا ودك تجمٌعني تعال آشوف جمعني
على الحق قبل موتي قبل تشييع جثماني
ترى باقي نفس فيني تعال وبس ( ودعني )
ترد روحـي ليا شفتك واشوف الباس عداني
دخيل الله انا داخل عليك انك تسنٌعني
تعوضني / تنسيني الشقا وايام حرماني
فقدتك قلت لي : كاذب اجل كاذب تطلعني؟ً!
( حلفت الله ) لك وحشه ابد ما مثلها ثاني
نفيت الكل بغيابك مع انك كنت بايعني
ولا هزك على طاري ولا جاك الذى جاني
تطمن لا يجي فْـ بالك على شانك مقاطعني
ادجج قلبي بغيرك ويفلت بالحكي لسـاني
واذا سويتها تقدر تقول (( الله يلعني ))
انا ماخنتك وربي مع أنه كان بإمكاني
العضو الأكثر نشاطاً هذا اليوم 
العرض العادي
