| | وشلون حال المملكه ؟ - دام الخيانه من ( ملك ) ! | |

,,,

صبآحكم / مسآكم
شعر

قصيده رآئعه وأكثر

للرآئع والمبدع والمميز / أحمد الصآنع

أتمنى تروق لكم وتنال اعجابكم .!

قبل أبتدي عندي طلب ركِّز طلب ماهو " رجاء " !
ما أبي تجاوبني .. ولا تستغرب إني أسألك

لا تنصدم من عزلتي , حالي كما : أبو العلاء
عندي سبب : ما تستحق إنِّي أجيك و أوصلك

لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك .. قلت لك !

هذي القصيده صُنِّفة في دفتري قصة " رثاء "
حبٍ يموت وتنولد .. وحبٍ يعيش ويقتلك !

ناديت لك ياما .. ولا لبِّيت لي , وضاع النداء !
إنبَح صوتي والصدى من كثر ما ناديت لك !

أقرب من ثيابي علي وأبعد من نجوم السماء
ورغم إبتعادك والتعب ..أرسم طموح وأمهلك ..

ما كنت لي الداء وأنا ما كنت لـ جروحك " دواء " ..
ما عشت في دنياي لي !!عايش ولكن عشت " لك " !

علمتك القلب الوفي .., ما يخذلك فيه " إنتماء " !
وعلمتني كيف العشم في من تحبه .. يخذلك !!<

علمتك إن أصل الهوى يرجع لـ كلمة " إحتواء " !
وعلمتني إن الهوى , ما عاش يوم بـ داخلك !

علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..ساحلك !

ما تستحي ,, ودامك كذا ؟ - إفعل حبيبي ما تشاء !
توِّي عرفت إنِّي كثر ما أعْرِفِك .. كنت أجهلك !

ما كان قلبي بس لك ؟ يا لاعب أدوار الدهاء !
وما كنت لك أقرب من أنفاسك وأقرب من هلك ؟!

ما عاد تفرق غيبتك أو رجعتك .. عندي سواء !
كنت إهتمامي ورغبتي .., والحين دوري أهملك !

لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !

إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه ].. - ولاءه صار لك !

قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى .. ركِّز علـى " مستقبلك " !




للتحميل ( )



اتمنى ان ترتقي لذآئقتكم
لقلوبكم كل الوود

المواضيع المتشابهه:

• منتدى عروس الشمال - Hail | مشاركات: 5">امطار حايل ومناطق المملكه

الموضوع الأصلي: | | وشلون حال المملكه ؟ - دام الخيانه من ( ملك ) ! | | || الكاتب: " آلـ جــود " || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

من اروع قصائد

احمد الصانع

تسلمين

اختي..

اقتباس:

المشاركة الأصلية كتبت بواسطة بُسٌ لُحظٍهَ

من اروع قصائد

احمد الصانع

تسلمين

اختي..

كل قصآيده روعه مو بس هذي
يسلمك ربي

لاهنت

هذي القصيده صُنِّفة في دفتري قصة " رثاء "
حبٍ يموت وتنولد .. وحبٍ يعيش ويقتلك !

بَيْت قِمّة بِالْرَّوْعَة وَالْمَعْنَى الْقُوَى..وَالْقَصِيدَة

كَكُل مُؤْثَرَة..تْسْلمْين وِمْشَكْوِرِهـ عَزِيْزَتِي عَلَى

طَرَحُك وَجَارِي الْتَحْمِيْل بِدُوْن تَرَدُد.

اقتباس:

المشاركة الأصلية كتبت بواسطة ملامح

هذي القصيده صُنِّفة في دفتري قصة " رثاء "

حبٍ يموت وتنولد .. وحبٍ يعيش ويقتلك !

بَيْت قِمّة بِالْرَّوْعَة وَالْمَعْنَى الْقُوَى..وَالْقَصِيدَة

كَكُل مُؤْثَرَة..تْسْلمْين وِمْشَكْوِرِهـ عَزِيْزَتِي عَلَى

طَرَحُك وَجَارِي الْتَحْمِيْل بِدُوْن تَرَدُد.

يسلمك ربي
شآكره لك مرورك المميز

لاهنتِ