دنيا مشاكلها على كل موااال ..

سلام على الجميع ..

كيفكم حيييل اشتقت للمنتدى من زماااان ما كتبت وخاصه في هالقسم ..

صدق لاقالو عيش كثييير تشوف اكثر >>احلفي بس

بصراحه الافكار متطايره براسي عجزت ارتبها بس بكتبها وانتو جمعوها ..

المهم انا بحكيلكم الموقف وعليكم الحكم ..

هذا يا طولين العمر لمن رحت ازور اخواني با المستشفى وكنت في استراحة النساء

جتني وحده مصريه بحجاب كااااامل مو واضح منها شي فجاءه طاحت عند رجلي وجلست تبكي

الموقف هزني بقوه حرمه قد امي تتطيح عند رجلي !! قسم كرهت نفسي واستحقرتها مع اني مالي شغل؟

المهم جلست جنبها وهديتها واعطيتها مويه وسالتها المهم دار حوار طويل بيني وبينها الزبده ان هي

ولدها وحيدها عنده فشل كلوي ولقو متبرع ويبغى فلوس وهم ناقصهم ربع المبلغ المهم من حسن حظها ان مكافئتي لها شهرين

ما صرفتها قلت لها اوكي بحاول اساعدك وراح اكلم الوالد وارد عليك خبر قامت تدعيلي قلت خلاص اعطيني رقمك واخذته

بتقولون سذاجه مني كيف اصدق با السهوله هذي ؟؟بس والله مدري ليش صدقتها منظرها هزني هز يمكن عشان اخوي بنفس حالتها ؟؟

المهم وانا طالعه قابلتني دكتوره سعوديه قالتلي انتي تعرفين هالمصريه ؟قلت لاا

قالت اكيد طلبت منك فلوس عشان ولدها اللي عنده فشل كلوي قلت ايه

قالت هذي وحده كذابه تجي بين فتره وفتره وتسوي مع الناس نفس اللي سوته معك انا في اللحظه هذي صار شكلي كذى


معقوله عاد للدرجه هذي تتفاول على ولدها؟! عشان فلوووس

معقوله تهين كرامتها به الشكل عشان وصخ دنيا ؟؟

صح اني مدري عن حالتها بس ولو في طرق ارقى من ذي ..


بس هذي الحكايه ولكم الحكم ..

يا إلهي ما ذا يحدث ...؟؟؟!
ترا صار لي نفسج ...يعني نفس المطلوب "وصخ الدنيا"!!!
بسس مثل ما قلتي عيششش كثييييير تشوف أكثـــــــر...<هع
تقبلي مروري..~

بصراحه الافكار متطايره براسي عجزت ارتبها بس بكتبها وانتو جمعوها ..
هذي تسمى العصف الذهني وياليت كل كلمة تطري ع البال تكتب بورقة
لسردها كحالة منفردة فيما بعد لانها الطريقة المثالية لتنظيم التفكير

نرجع لموضوعك
معقوله عاد للدرجه هذي تتفاول على ولدها؟! عشان فلوووس
معقوله تهين كرامتها به الشكل عشان وصخ دنيا ؟؟
صح اني مدري عن حالتها بس ولو في طرق ارقى من ذي ..

والله ياالغلا من الناحية هذي تضربين ع الوتر الحساس
سميتيه وصخ دنيا وشيء مايستاهل لكن
غيرك يعتبره مهم جدا وباع دينه لاجل المال مثل بعض القضاة
ومثل بعض موظفي البنوك الي يشتغلون بالربا
اعرف شخص راتبه 29 الف شهري لكنه حرام
شغال بالحسابات الربوية


ايضا منهم باع شرفه لاحول ولا قوة الا بالله ومنهم من باع اهله

ومنهم باع امانته وشوفي اقرب مثال
الناس الي ماتت بجدة والرياض والحرامية الي سرقو اموال المشاريع وباعو امانتهم
وساكنين بأفخم القصور
ع الاقل الحرمة الي طاحت عند رجليك لو صار بذمتها شي فهي اخذت مال فقط مقابل الكذب
لكن هؤلاء بارقابهم ارواح ذهبت الى بارئها وكل ذلك من اجل حفنة ملايين ووصخ دنيا ع قولتك
ووش جاب هذا للحرمة الكاذبة أكيد ا فرق كبيررررر
والامر بسيط وهي تعتمد ع التربية قبل كل شيء والوازع الديني لدى الشخص
والرقابة من الجهات ذات العلاقة عشان اللصوص مايتمادون بالطريق هذا
وتتطور اساليبهم

وفيه ناس ع العكس تماما حيث يضرب بهم المثل بالعفاف بكل شيء
لان عنده عزة نفس ووازع ديني وتربية صحيحة

تحياتي لك واسف ع الاطالة

الله لا يجعلنا نحتاج في يوم ونمد يدنا لاحد
يمكن الحاجه تجبرها هي او غيرها بأن تمد يدها للغير بس مو بالطريقه هذي ولا بالتمثيل
في لجان وفي ناس تقدر ظروفك لو حكيتها بكل امانه وبدون تمثيل
بس مدري ليش البعض من هؤلاء (........) يحسب اننا مغفلين مايدري ان طيبتنا تغلبنا احيانا
شكرا يالغاليه على الطرح الرائع ويعطيك العافيه

الحل الصعب ياهلا الحمد لله على السلامة وسلامة أخوك من كل شر
بالنسبة للسالفة اللي عندي تهون والله / يعني وأحد يسوي نفسة ( معاق )
يعفط يدية ورجلية ؟ هل يعقل هذا الشيء ؟ وبالـأخير يطلع مافية إلا العافية
بس شاف الشعب طيب ويستغلون هالطيبة / والمفروض الواحد يتأكد بصراحه
هي فعلاً مالها أي داعي وإنها إحراج بس الغبنة أنه يضحك عليك هذا اللي يقهر ؟
على العموم نسأل الله العفو والعافية ومثل هؤلاء مالهم إلا مكافحة التسول اللي
نايمة بالعسسسسسل ؟ تحيتي لكٍ الحل الصعب وكووني بخير وبنتظار جديدك دوماً

ودي

/

لا تعليق

الحل الصعب يعطيك العافية على النقل

الله يعافينا........صراحه طيبتا تغلبنا,,ويمكن تكون صادقه عشان ولدها تهين نفسها,,,,يمكن العكس ......التساؤلات كثيره بس الاجابات!!!!!

استغفر الله ،،
لو انا بصدق بجد والله ،،
بس على قولتك عيش كثير تشوف اكثر ،،
تسلمين ،،

الحل الصعب
الحمدالله ع سلامتج وسلامت اخوانج يالغالية

ومثل هالامور صارت تصير يوميا مثل الروتين اليومي
يااما شفت مثل هالاشكال وفي غيرها وربي مو بس تفاوؤل ع ولدها
الا تيب لج صووور الله يطول بعمر الفوتوشوب مايقصر

مثل موقف صار لابوي جته وحده لمحل يقعد فيه دووووم
قالت له انا محتاجه وولدي مريض ومن هالخرابيط
قالها انا ناسي بوكي ف البيت قالت له لاتقولي ناسنه
حلف لها انه ناسنه قالت قول كم تريد الف, الفين, 3,4 قول عندي خردة
ابوي ساعتها فج اعيونه تطلب وعندها وقوات عينها بعد
زين ماحصلت هزبة محترمه خخخخخ

صار للاسف هالشي مثل شغلتهم ولا بعد بيطلعون اغني عنا
الطيبه مشكلتنا ودمرتنا بالمجتمع

اسفه ع الاطاله
الف شكر الحل الصعب ع الموضوع

اعتقد انه صارت سرقه احترافيه...

لكل شخص اسلوب

يتميز فيه بطريقه يكسب فيها من الناس..

يهين نفسه على شان الفلوس..لاعزة نفس ولاكرامه


لاحول ولاقوة الا بالله


الحل


يسلموووو على الطرح

هكذا هُم الأشخاص " الماديين " وأن كانوا بسعة من الرزق ,أنفسهم الدنيئه تُنسيهم القيم والأخلاق
وأن كانت في الحقيقة ذات حالة مادية صعبة .. يوجد طُرق عدة مشروعة لكسب المال الحلال ..
شُكراً لكِ

اشكر الجميع على التفاعل والمرور,,

بس في النهايه تبقى الكرامه فوق كل شي والله من عقد امره وتوكل

على خالق هالنفس ماتمداليد وتنهان هالكرامه ..

لكن الدنيا دروس ونتعلم منها ..