من عقب ماحطو على النصايب00 قصه وقصيده

::
أقدم لكم الليلة قصة وقصيدة وأدى القصايد المبدع: أبو نايف
:
القصة هي: أن الشاعر إبراهيم بن زيد المزيد رحمه الله من الشعراء البارزين في منطقة سدير توفي رحمه الله قبل عدة سنوات وقد تجاوز عمره المئة عام
:
عُرف عنه الكرم .. فباب بيته دائماً مفتوح خصوصاً عندما انتقل للرياض فصار أهل سدير ينصون بيته كل ما راحوا للرياض وكان الباب دائماً مفتوح..
:
وفي يوم من الأيام وعندما كبر به العمر جلس يفكر في حال البيت عقب ما يموت ووش يبي يصير في باب البيت وأن العيال يبي يبيعون البيت أو يصكون الباب عقبه ..!
:
وهذا ما هيّضه رحمه الله وقال هالأبيات يتوجد على باب البيت من عقبه فقال رحمه الله :
:

[poem=font=",6,darkblue,bold,normal" bkcolor="transparent" bkimage="http://moh99d.com/vb/mwaextraedit2/backgrounds/20.gif" border="solid,4," type=1 line=0 align=center use=ex num="0,black""] يا عزتي للباب من صكـةٍ لـه=من عقب ما تركز علي النصايب
ما في عيالي واحدٍ فزعـةٍ لـه=إلى وقف تذرى عليه الهبايـب
من عقب يوم إن النشامـا تدلـه=خلوه مجناب سـواة الخرايـب
الباب يشكي عقب عـزة مذلـة=يا باب لا تشكي وأنا عنك غايب
لومك على اللي باعوا البيت كله=كلٍّ خذا قسمه وخلـوك سايـب
بعض العيال إذا ظهر ما تملـه=وبعض العيال لوالدينه عقايـب
خسـارةٍ تغـذاه خلـه لعـلـه=يبقى على الدنيا كثير المصايـب
لا مقلطٍ سفره ولا شـال دلـة=ولا مع اللي ينطحون النوايـب
لعل مـن يبكيـه رمـحٍ يشلـه=على عروق القلب بين الترايـب[/poem]

:
ولكن عياله استمروا على نهج والدهم رحمه الله وبقى الباب مفتوحاً حتى اليوم وبيته رحمه الله في الرياض في حي المصيف .. ولذلك علق الشاعر محمد بن صالح الحسينان على قصيدة إبراهيم المزيد رحمه الله
:
ويذكر فيها حال الباب عقب موت الشاعر وأنه بقى على حاله وأن العيال صاروا مثل أبوهم :
:

[poem=font=",6,darkblue,bold,normal" bkcolor="transparent" bkimage="http://moh99d.com/vb/mwaextraedit2/backgrounds/20.gif" border="double,4," type=1 line=0 align=center use=ex num="0,black""]

بيتك يابو خالد أصحابـك تدلـه=الباب مفتـوحٍ ولا هـو بسايـب
من عقبكم باقـي ولا فيـه خلـه=ربعك يعودونه ولا غاب غايـب
البيت باقي فيـه فرشـه وزلـه=واليوم صار الملتقـى للحبايـب
من عقبكم ما كن شيٍ حصل لـه=البيت عامـر مدهـلٍ للقرايـب
خالد مع اخوانه عمـاره وظلـه=كـلاًّ يقـوم بواجبـه والنوايـب
لا غاب واحد سد الآخر محلـه=سفرتك ممدودة عليها الوجايـب
والبن والشاهي على النار كلـه=ودلال رسلان بها الهيل رايـب
الباب صاروا كلهم فزعـةٍ لـه=من يوم ما ركزت عليك النصايب

[/poem]

قصه رآئعه وأبيآت أروع

الله يرحم الشآعر ويطرح في عيآله البركه


سلمت ولاهنت على طرحك المميز

[align=center][table1="width:95%;"][cell="filter:;"][align=center]
الله يرحمه والله الكبار الاولين عندهم كرم نخوه سبحان الله عصر ذهبي لهم من جد

عقاب بيض الله وجهك يا غالي
[/align][/cell][/table1][/align]

الله يرحمه اهل كرم وجود الله يرحمه واولاده مشوا ع طريق ابوهم الله يوفقهم اصاله وطيب ,,


عقاب النهار

قصه وابيات رااائعه

سلمت ع الاختياار الجميل ..

يعطيك الف عافيه ,

مَافِيْه مَثَل أَوَّل وَكَرُم وَأَصَالَة أَوَّل إِلَا الْقَلِيْل

عَافَاك الْرَّحْمَن وَمَشْكُور عَلَى طَرْح الْقِصَّه وَالْقَصِيدَة

أَحْسَنْت الِاخْتِيَار لَا عَدِمْنَاك.

يعطيك العافيه عقاب على الطرح الرائع والجميل

لاهنت عقاب على النقل ،،
والله يرحم الشاعر ويطرح بعياله البركه ،،

نائبة القمر
تشرفت بمرورك
تقديرى لك واحترامى

[align=center]
يا سلام قمة الروعة القصة وطرح القصيدة
يعني علم عيالك السنع يطلعون اهل فزعه ومعروف
وربي ذوووووق الله يرحمه ويثبت عياله على عادة أبوهم
تسلم ايدك يا عقاب...~
تقبل مروري..~
[/align]

عقاب النهار
يسلم ذووقك