السلام عليكم ورحمة الله وبركاته :
صـــبـــاح / مــــســـــاء
الخير ،،
قصيدة رآآآآقت لي وحبيت أنقلها لكم ،،
أتمنى أن ترتقي لذائقتكم ،،
كيف(( ترحل )) يعني اقعد و انتظر لحظـة شقـاي
وانتثر بين القصيد اللي كتبتـه (( يـوم ضقـت ))
كيف ترحل (( شهر ونص )) ولا تبي يرجـع بـلاي
شف قبل يوم( ن ) تغيب اسبوع وشلون احترقت
لاتقول انه غياب عـادي وانـه فتـره وجـاي
البلا لو غبت ليلة ضـاق صـدري واختنقـت
لاتلوم ان قلت ابيك تكون كـل لحظـه معـاي
لـو اقـول انـي ابصبـر بغيابـك ما صدقت
شف غيابك وش يسوي في سنيني مـن وراي
من تمر سنين عمري قلـت ليتـني ماعشقـت
كم عطشتك في غيابك ليـن مايبسـت شفـاي
وكم رسمتك بالمنام وطالـت احلامـي ورقـت
وكم يسمونك خطـاي وافتخـر انـك خطـاي
وكم سرقت القلب مني وافتخـر انـك سرقـت
والله انـي مابالـغ لـو اقـول انـك غـلاي
وش غلاي الا الصراحه انـك اغـلا مانطقـت
لو اشوفك قمت الملم عمـري لاخـر مـداي
وانفتح مـزلاج صـدري للقصايـد وانطلقـت
يابعد علمـك ودرس الكيميـاء ياكبـر منـاي
جيت اببحر في عيونك لاكن بسرعـه غرقـت
خلنا بس من تجارب معملـك وافتـح حشـاي
وخذ تجارب معملا بالقلـب يعمـل كـل وقـت
هيدروجين اثنين زايد اكسجين يكـون مـاي ؟
طيب اصبر جبت غيره من خيالـي واختلقـت
بسمتك زايـد عيونـك يطلـع الناتـج هـواي
تجربة عاشق لوانك تكشف احساسـه شهقـت
ياحبيبـي ياقصيـد الحـب يا بسمـة مسـاي
لا طرآلـي انـك تغيـب و تخليـنـي زهـقـت
كيف ترحل ثم تتركنـي لحالـي مـع شقـاي
و تنثر اوجاعي على شعر كتبتـه يـوم ضقـت
وسلامتكم ،،
العضو الأكثر نشاطاً هذا اليوم 
العرض العادي
