حكم ونصايح

يمكـن تنسيـك الليالـي مسلـيـك=بس اتحداهـا تنسـي مـن ابكـاك
ويمكن تحب اعدا عدو(ن) معاديـك=يمكـن مـع الايـام يصيـر ويـاك
ويمكـن تبغّضـك الليالـي بغاليـك=ويصير من بعد الغـلا بعـده منـاك
لكـن تحـدى ان الليالـي تنسيـك=شخص(ن) معك وليا نخيته تناسـاك
تبيه يفزع لـك ويمشـي خطاويـك=واثره سراب(ن) لاقسى الوقت خلاك
واصعب من اللي قلت ياناس مغليـك=لاكشـرت سـود المقاديـر جافـاك
تصيـر دنيـاك الوسيعـه شبابيـك=لاجتـزت واحدهـا تلقـاك شبـاك
ولا جاء الفزع من واحد(ن) مايدانيك=اقبل جميل(ن) جاك من جملة عـداك
واحرص على رد الجميـل بأياديـك=ولاتبخس اللي جاك وارضاك واعطاك
وياشينها لامـن هقيـت المساليـك=في واحد(ن)طيبه مع الناس مشّـاك
ويوم ان لفيته خار واخلف هقاويـك=كنك بحلـم الليـل والنـاس تاطـاك
واصعب من اللي قلت كلـه بلاويـك=لامن دريبه واحد(ن)يكـره رضـاك
واحذرك لايـدري بسـرك معاديـك=اللي علـى العالـم يبيـن خفايـاك
والسـر لامنـه تعـدى مصافـيـك=تناقلتـه النـاس والكـل يشـنـاك
وانصحك مـادام ان ربـي معافيـك=لاتضحك بخلق الولـي تـره يبـلاك
احمد آله الكون من شـان يعطيـك=واترك عيوب الناس بالناس يحمـاك
وادرس مساويك الذي دايمـن فيـك=وعالج عيوبك يرفعـك رب الافـلاك
ولا لا تدّخّل في امـور(ن) ماتعنيـك=لاجنبتـك السالفـه طبـق شفـاك

الشاعر/محمدعوادالويباري

صح السانك ولاهنت ..
قصيدة جزله .. وتحمل كثير من النصااايح والحكم
محمد العواد .. عافاك الله

صح لسانك رائعه
بكل ماتحمله الكلمه
من معنى...
شكرا جزيلا لك
قصيده قيمه

الله الله عليك يارائع
والله ماخاب ضني فيك وفي
جزالة شعرك وسمو حروفك

انا اشهد إنك شاعر جزل يامحمد

ياهلا والله بك في ملتقى الابداع في بعدحي

نورتنا في قدومك

وأتحفتنا بجزالة شعر فريد من نوعه

حروف شاعر من وزن الشعراء الكبار
وأنت كبير بقدرك وجزيل معانيك


الله يرحم شايب عقبك

أمنياتي أن يدوم هطولك في صفحات النقاء
وأن ننهل من حروفك مايروي ضمئنا للشعر الجميل

وأنت جميل بكل معانيك الساميه وأطروحاتك العذبه النبيله

أترقبك بكل شغف أيها المميز ...

صح لسانك ياسمي

قصيده حكمه وتحمل الكثير والكثير من الحكم

صح لسانك ترليون ولا يكفون

تقديري لك

لله دركــ
لله درك،
ابدعت يالسنافي
قصيده بكل مافيها شامخه
سلم قلبك

صح فكرك ونبضك
يالذيب
لاتحرمنا الجديد

مودتي

رآئعه ولا تكفيهآ
صح قلبك ولسآنك

لآ هنت ولا هآن رآسك على هالشآمخه

ياسلااام
على البوح الراقي
سلم لسانك
يابعد حيي
الله لايهينك

بيض الله وجهك
وصح فكرك واحساسك

بعد التحيه اخ محمد
فلكلمات اكثر من رائعه تستحق الشكر عليها .
صح السانك
ودمت سالماً
والسلام

الشاعر محمد العواد

هلا ومرحبا وحياك الله معنا


ابيات جميله وشامخه وجزله المعاني

سلمت اناملك خطت هكذا روعه

عزف على الابجديه يسكن روح النقاء

حرفك نابض بالجمال ماطر بالعذوبة

طاب مداد حرفك واحساسك

وصح لساانك ملااايين


ننتظر جديدك الراائع...

الله علييييييييييييك
ابيات حيل روعه
صح لسانك ملايين
عافاك الله

محمد


صح لسانك


قصيده رائعه من شاعر رائع


لاهنت

صح لسـآآنك يابعدي
محمد العواد
نورتنا بطلتك وبقصيدتك
قصيدة قمة بالجمال والروعة
...
تحياتي لك معطرة ببقايا عطرك
المنثور هنا مع تلك الحروف النابضة بنبضك..
دمت ودام نبضك ووهج حرفك