[poem=font="Simplified Arabic,4,crimson,normal,normal" bkcolor="transparent" bkimage="" border="outset,4,gray" type=1 line=0 align=center use=ex num="0,black"]
أحدٍ اليا منه تغلى يخلى=واحدً يزود في غلاته تغليه
ياذاك حبك في فؤادي تولى=ناسيك لي مده وطاريك ناسيه
الوقت الاول راح دوره وولى=يوم ان قلبي في يدينك تمشيه
اليوم مالك منزله لو تغلى=وش لي بحب اللي يغير مباديه
أقول للغدار لا ,لا , وكلا= واقول للي يوفي العهد لبيه
تراني أول فيك كنت اتسلى=وإلا الخفيف كان جا الجد ماابيه
رفيقي اللي بحفظ العهد والا=على عديم الذات مالي مشاريه
وإن جيت له من القلب رحب وهلى=مطلوبه رضايه وانا شفي أرضيه
هذا الذي في عرش قلبي تعلى=وعليه مكنون الصناديق نبديه
والعاقل اللي يالامور يتحلى= يلقى الطريق اللي يدله ويعطيه
من جالس اهل الكير منهم تاملّى=واللي يجالس راعي الطيب يحذيه
ولاكل مخلوقً تغلى يخلى=بعض المخاليق يتغلى ونغليه[/poem]
للشاعر/مشعل الحربي ..
تقبلوا اجمل تحياتي .. اخوكم / زيزووووووم ...