توفي شقيق أحد صديقاتي وهو شاب في الثلاثينات من عمره وخلف
من وراءه 3 أطفال وزوجته..وهم صديقتي وأمها وزوجة أخيها في أشد
الحزن على فراقه..وتقول الله سبحانه وتعالى مسح على قلوبنا الطمأنينه
والسكينه..وفي ثالث يوم من العزاء ونحن نترحم وندعو لميتنا حضرت
أحد النساء لتعزية والدتي..فأخذت تبكي وتلطم وتتحسر على وفاة
أخي وجعلت والدتي تتأثر وتبكي من جديد..وقلبت علينا المواجع..
ثم هدأت وجلست معهم..فأخذت تردد...
(ياغميضتوه ..ياحسافة شبابوه
لو هو شايب تقل أبرد على التسبد بس
هذا وغد تووه..
ياتسبد ملي
تسبودكم..واعزيل عيونكم من فراقوه...)
تقول فقامت أحد عماتي
بزجرها..
(ييزي هالكلام جايتن تواسيننا وإلا تغثيننا ) وهي تفشل
وتسكت..
عاد معقوله يوجد مثل هؤلاء النساء؟ هل مابدر منها
غباء ..أم تتلذذ بتعذيب ورؤية الناس تبكي؟!!
بصراحه..يوجد مثلها الكثير ممن يحضرن العزاء لتقليب المواجع على
عائلة الفقيد..وجعلهم يبكون حرقة على ميتهم..لماذا يفعلن ذلك؟
حتى الله لا يرضى عن فعلهن هداهن الله..مواقف كثيرة تحدث بالعزاء..
نسأل الله أن لا يرينا وإياكم مكروه ويبعد عنا الأحزان آمين.
اولا \ اسأل الله لي ولكم ان لايرينا مكروه في احبابنا ..
..لماذا يفعلن ذلك؟
غاليتي \ يكون ذلك ضعف ايمان منهن .. وبعضهم كما ذكرتِ غباء وعدم الاحساس
بمشاعر اهل الميت وحزنهم الشديد ..وبعضهم يفعلن ذلك اظهار مشاركتهم الوجدانيه
لاهل الميت بطريقه خاطئه .. والبعض الاخر لزيادة احزانهم لشين بنفوسهم ..وبعضهم جهل منهم ..
فأهل الميت بحاجه الى مواساة ومراعاة ليس بالصياح او تقليب المواجع بل
بالنصح والدعاء لهم بأن يثبتهم الله عند المصيبه فلا اعظم من مصيبة الموت والله ..
هداهم الله - ورحم الله امواتنا واموات المسلمين ..
صار معانا نفس الشي يوم وفاة والدي
يعني أحنا أهل المتوفى نحاول نهدي أنفسنا ونرضى بقضاء الله !!
وسبحان الله أنو ربي جعل السكينة والطمأنينة بقلوبنا ،،
حتى في حديث عن الرسول عليه السلام وصى بأكله معينة تريح أهل المتوفى !!
الين وحدة من زميلاتي قالت لي أنو لما أبوها توفى بالغت بحزنها ،،
كأنها مو راضية باللي صار بعدها بكم شهر توفت أمها ،،
فصارت تنصحني لا تبالغي بحزنك
عشان لا تفقدي احد ثاني ،،
بس كانت المشكلة بالنسوان اللي يجونا يعني يقولوا ليش راح كان أبوكم طيب
ويساعدنا ... الخ ويبكوا بطريقة النواح !!
وكل ما شافوني يحضنوني ويبكوا ويقولوا كلام أستغفر الله ما يجوز ،،
فأحس قلة إيمان وجهل و عدم مراعاة لمشاعر أهل المتوفى ،،
الأفضل منو راح المصطفى عليه السلام ،، وكلنا ماشين على هالطريق
الله يرحم موتا المسلمين والمسلمات ويهدي الجميع !!
" بعد حيي "
يعطيك العافية ع الطرح الواقعي
والله يبعد عنا الآحزان !!
السلام عليكم ورحمة الله وبركاته ..
موضوع يستحق الطرح ويستحق الرد عليه لانه رافع ضغطي من وفاة ابوي الله يرحمه ويغفر له قبل سنتين
في اول يوم من ايام العزاء كانت النفسيه زفت ونصيح من الصدمه لانه توفي بينا وحنا صغار بالعمر وكنا بسفر المهم تجينا وحده من الحريم الله يهدها تبي تصبرنا وهي فتحت المواجع القديمه وهي ماتدري يعني >>تبي تكحله اعمتها<< تقول لنا المفروض ماتبكن مهن انتن اول من مات ابوهن وتركهن والله اللي ينبكي عليه >>وتذكر ولد خالتي المتوفي قبل سنتين <<اللي ترك عياله صغار ..عاد حنا صرنا بدال مانبكي ع ابونا صرنا نبكي ابونا ونبكي ولد خالتي وبنات خالتي عندنا تذكرن اخوهن وياحرام تعبت نفسيتهن من جديد ..
وترا هذا كله جهل والا المفروض تعزين اهل الميت وعلى طول تمشين مو الوحده تبسط عندهم هي وبزرانه ماكن الوحد تعبان من المصيبه مو فاضي لاحد يجامله ..طولت بالقرقه بس والله من غثه من هالحريم ومن دبله كبدي.. على العموم مشكوره اختي بعد حي حائل ع الموضوع الحلو ..