أكذب عليك إن قلت يا شوق ما آبيك
وأكذب عليك إن قلت لك مقدر أنساك
عذبتنـي وأتعبتنـي مـن تجآفيـك
وأنا الذي سلمت عمـري بيمنـاك
من كثر مآحبك ومن كثر ما أغليـك
ومن كثر ما شوق الغلا يالغلا جاك
لا شفت زولك قمت أرحب وأحييـك
وأقول يا عزّي علـى قـو فرقـاك
من سبتك أخلفـت معنـى مباديـك
وخليت قلبي يطّلـع بمـر مبـداك
صديت عني ليه ؟ مَن ميتٍ فيـك ؟
يافاصلٍ من دآخلـي عـدةٍ أسـلاك
أسهر طوال الليل والليـل ساريـك
وعيني تشوفك تمشي بليل مسـراك
لين أختفى زولك وأنا في حراويـك
ثم إنبلج نور الصبـح دون رويـاك
ما كنّي اللـي راح عمـره يباريـك
والعمر كله راح لبيـه .. لبـاك
وما كنّي اللي عشت درب المهاليك
والدرب عاجز من تعـدد خطايـاك
واليوم يا سيـد الغناديـر بوصيـك
وأقبل وصية من يحبـك ووصـاك
ماهـوب ودي يابعـد روح مغليـك
وماهوب سلمي يا جعل روحي فداك
لكن ظروف الوقت والوقت حاديـك
يومٍ عليك ويوم يـا شـوق ويـاك
صحيح أحبـك والمحبـه تماشيـك
ضامي غلاك ومحرم القلب من ماك
لا غبت عنّـك وإستراحـة لياليـك
فعرف تراني عايش بجـو ذكـراك
ولو طال صدّي وأختفى زول مغليك
حلل وبحنـي ياعسـى الله يرعـاك
الشآعر / جارالله الشدي ..
أتمنى ترتقي لذآئقتكمـ
[/ALIGN][/CELL][/TABLE1][/ALIGN]
أحببتك حتى لمحوك في عيني
سمعوك في ضحكتي ، وشعروا بك في حديثي ! أحببتك حتى صار بعضك أغلبي
العضو الأكثر نشاطاً هذا اليوم 
العرض العادي
