مدخل ماله علاقة بالمخرج والمقلط والصالة
لا زم تعرفوا اني اكتب لكم تحت وطئة بقايا الم ضرس العقل <<
يعني أي خدشة أو شطحة أو آي لخبطه ادمحوها ولا امسحوها بوجه سعادتنا< مقدمة ولآ بنص ريال
بس الجود من الماجود وتبون الصدق مافي اومي حيل للمقدمات اللي تجي نص الموضوع
هل قد أصبحت بجيح ؟؟!
ســـــــــوال اطرحه لكم اعزائي الشباب والشابات ؟! وامل منكم بالأجابة عليه ؟!<< ولا يجيني احد يقول لا .. لان كلنا تصير معنا موقف ماندري وش تبي بس يقالنا برستيج مانعلم احد << يَ كاشفتهم
طبعا هنا المقصود البجاحه من غير سبق الاصرار والترصد .. المثال الجاي يوضح كل شي
( افلقوني ببلكه ان كان فيه احد ماقد سمع هالقصة بس بسيناريوهات مختلفة .. طبعا الاذكياء فقط بيعرفون ليه جبت قصة متداوله وشعبيه )
كان فيه وحده بالمطار وجالسه تحتري رحلتها . وكان معها علبة بسكويت حاطتة جنبها وجالسة تقرا بكتاب وتاكل .. المهم لاحظت ان فيه شخص ياكل معها . تضايقت بس مابينت واستمرت تاكل وهو ياكل معها .. اخر شي بقى حبه وحده اخذها وقسمها بينهم عطاها نص واخذ نص .. عصبت البنت وقامت وهي تحلطم . وبعد ماركبت الطيارة وفتحت شنطتها بتاخذ غرض كانت الصدمه .. لقت بسكوتها بمحله .. يعني كانت تاكل من حق الرجال
<< هاا وصلت فكرة الموضوع ؟!
بعد ماخذنا المثال وفهمناه نجي للتعريف << تشريح من تحت لفوق
البجاحة /
لغة: زوال الحياء من وجه الشخص البجيح يقال تبجح تبجاَ فهو بجيح
اصطلاحا: سعة الوجه وغسل الوجه بمرق ثلات مرات يوميا
والحين نجي لاقسام البجاحة
بجيح مطلق : اوسع من وجهه مافيه ومهما تلمح وتصرح مايفهمها
بجيح وهومستحي : هذا وده يتبيجح بس مايعرف
يعني نقدر نقول عنده بقايا ضمير
بجيح + مرض نفسي : هذا اذا ربي سلطه عليكم
اعرفو انكم في ابتلاء وامتحان فما لكم الا الصبر والدعاء له
اخر نوع اللي هي البجاحة سهوا : وهي يقع فيها كثير منا وتكون من غير قصد
واول مايحس الواحد على دمة ويستوعب فعلته تصكة غلقة واكتئاب ويضيق صدرة
الاصل في حكمة : قلة ادب منافيه للاداب العامه
عقوبه فاعله حسب نوعه
المطلق : الاعدام شنقا تحت كفرات ونيت ابو علي
المستحي : الجلد حتى يتشبث بخشتة فـ الارض
المريض : يشبون فيه
اما اخر نوع فيترك حسب ضميره .. لانه بالعادة يشعر بتانيب ضمير يكفي لتكفير ذنبه
وبكذا خلص موضوعي البسيط الخفيف
الحين نجي للتقفيله
1- كم من 10 كل 6 شهور تصير لك مثل هالمواقف ؟
2- لو احد تصرف معك تصرف شين وانت عارف انه فاهمك غلط .. كيف تتصرف ؟ << هالسؤال لحاله موضوع
3- الأجابه أختياريهـ ترى ما في شي بالغصب ياجماعه4- أستاهل التقييم ؟
والله صارت من حياتنا اليومي
بس آحس الشخص المتبحج جريئ جداً
يعني فاهم غلط ويتبجح والله قوية والمشكلة نكون فاهمينهم
و مغلطين من ساسهم لراسهم
صارت معايا من فترة ،، مع وحدة بالمسن
مع اني كان بإمكاني آرد عليها
بس كل مره اكتشف انو الناس تكبر بالعمر وتصغر بالعقل والتصرفات
و خليتها على ربي ،، وطنشتها
< مقدمة ولآ بنص ريال 
العرض العادي
