شنهو آخر هالمشاعر؟!
فـ النهايه . .
كل واحد فينا بيروح بطريق
ويبدا ليل وماله آخر
بينكسر فيك النهار
وينذبح في قلبي .. شاعر
فـ النهايه . .
بفتح عيوني في يوم ..
وما القا بعيوني .. عيونك
لا حنينك ..
لادفا ايدينك .. ولا..
وجهك ..
ولا حتى بيبقى فيني .. شي منك
إلا ذكرى ..
تشعل الثلج وتكابر
مافيه شي بيبقى فينا من هوانا ..
لازعلنا
لاعتبنا
لاسهرنا
لا فرحنا ..
لا.. ولا ورد الجروح
كله ياعمري بيروح
كنه ماكان عمره حاضر ! شنهو آخر هالمشاعر؟!
شنهو آخر فرحتي ..
شنهو آخر دمعتك ..
شنهو آخر شوقي لك ..
شنهو آخر لهفتك ..
شنهو آخر هالقصيد ..
اللي في صدر الدفاتر ؟!
أنا أدري ..
إنك أجمل من فتنّي
وانك اغلى .. حب سكنّي
إنتي خليتي غصوني الصفرا .. تشرب . .
من حلى ماك .. وتغنّي
وانا أدري ..
إنك انتي .. شي مني ..
شي يسوى الروح .. طاهر
بس قولي .. شنهو آخر هالمشاعر ؟!
لا أمل عايش معانا ..
لا رجاوي ..
لاصبر .. والياس صابر !
أنا وانتي نجمتين
مهما تجمعنا سما ..
وليل ساهر
لكن الصبح بيجي ..
وبيفرقنا أكيد
ويمحي اللي كان ظاهر !
أنا وانتي وردتين ..
لو تسامينا .. عطر . .
لكن المجد للخناجر !
أنا وانتي موجتين
ضد تيار القبيله
ضد ابوجهل وقريش
ضد دمعه فـ المحاجر
أنا وانتي .. شراع سفينه
والرياح .. تنهى وتامر
أنا وانتي ..
نؤمن إن الحب صلاه
في زمن بالحب .. كافر
أنا وانتي ..
ندري لازم نفترق
كان مهو اليوم .. باكر
حنا ندري ..
بتنجرح فينا الخواطر
وفـ النهايه ..
بينكسر فيك النهار ..
وينذبح في قلبي .. شاعر ...!
للشآعر العذب / مسفر الدوسري
أتمنى ترتقي لذآئقتكم
[/ALIGN][/CELL][/TABLE1][/ALIGN]
أحببتك حتى لمحوك في عيني
سمعوك في ضحكتي ، وشعروا بك في حديثي ! أحببتك حتى صار بعضك أغلبي
شنو فعلاً اخر هاالمشاعر
واقع لكننا نعشق تفاصيله
ونتلذذ بكل ماافيه
جودي
ابدعتي في ملامست قلوبنا التي تنزف آلماً
شكراً لكي من القلب على هاالاحساس الرائع
دمتي باالف خير وسعااده يارب
انــا الإحساس .. انــا كل المشاعر ,,
..
تخيّل كل عمري ابعثه في رساله ,,
..
وكل حرف أكتبه ,, يجـسّـد صورتي ,, يصـوّر حالتي ..
..
انا الإحـســاس ,,
..
لا يهمــك كـيـف عشـت ؟ ,, و كيـف كنت ..!!
..
المهـم إقــرا الرسـالـه ..
\ صاحبة الانامل الذهبيه والمتألقه دوما... دومآ متميزه بأطروحاتك..فأحببت ان اكتب هنا مااستطعت فهمه ولكن لايسعني الا ان اقول سلمت يمناك على النقل الم ـميز تحياتي لك
العضو الأكثر نشاطاً هذا اليوم 
العرض العادي
