الهاردسك مايشتغل وش الحل

السلام عليكم ورحمة الله وبركاته

الهاردسك حقي فجاءه وبدون اي سبب
مو راضي يشتغل قسم قهر
فيه ملفات مهمه ومسلسلات محملته من الانترنت
وتعبانه فيها والقهر ان اغلب المسلسلات ماشفته

تكفون دلوني على حل وش اسوي

[align=center]
وعليكم السلام ورحمة الله وبركاته
اهلين قلب نقي
أذا ممكن نعرف نوع النظام الي انت شغال عليه
windows xp
Or
windows 7
نوع الهارديسك الخارجي وحجمه

آخر مره اشتغلت عليه...كم حجم الملفات فيه .؟
[/align]

نوع النظام WINDOWS xp

الهارددسك نوعه seagate

حجمه 250 G

تقريبآ الهارد مليان بس فاضي 3G
قبل يومين كان شغال

وديته لمحلين بحايل وكلهم قالوا مافيه أمل يشتغل...

كلمت شركه بالرياض شغلتهم استرجاع الملفات من اي هارد خربان ... وقالوا لي ارسله لهم...

وانا مادري وش اسوي..ارسله ولا.لا...لانهم طلبوا مني مااحد يتعبث فيه ولايفتحه عشان يكون اسهل عليهم استرجاع البيانات....وانا متردده لانه مره عزيز علي الهارد واخاف تروح كل البيانات اللي فيه....

حاولي تجربين تشترين كيبل جديد للهارد ,,
اللي يوصل من الهارد للكمبيوتر ..
انا جربته مره وضبط معي ..

وإذا ماضبط روحي لمحل ناريز اللي بحايل وانا راح اكلمهم بخصوص المشكله ,,
ويوجد اعلان للمحل في بنرات المنتدى >> يعلن

عشوق حاولت اغيره بس مانفع
حتى لما اشبكه الايقونه حقت الهارددسك ماتطلع

ايه تكفى اخوي كلمهم وشوف اذا يعرفون
بكرى بوديه لمهم

انتي إدخلي على البنر وراح تعرفين عنوانهم ان شاء الله ..
واذا جيتي هناك او اخوك راح لهم مثلاً يقولهم من منتدى بعد حيي ..
وان شاء الله ان الفني يحل المشكله ,,

عشوق
ماقصرت اخوي عرفت عنوانهم
وان شاء الله يحلون المشكله

هلا يسسويهآ ..
عششوق .. آلغآآآآلي مآقصصر ..

[align=center]
كنا سنتكلم عن مشاكل الاقراص الخارجية واسباب توقفها وعدم الفتح
وجميع مشاكل الاقراص الصلبه الخارجية Bad sectors
والقطاعات التالفه وكيفية التغلب عليها وكيفية اكتشافها وربما نتعمق
في الموضوع وناخذ كل الجوانب المحيطة به بدا من اسبابه والخ ...
ما هو القطاع التالف Bad Sector ؟
كيف أتفادي ظهور القطاعات التالفة؟
ما هي الأسباب التي تؤدي لظهورالقطاعات التالفة ؟
وما هي الأعراض التي تصيب الهاردسكات الخارجية
والعلاج وتأكيد التشخيص و العلاج.
وطريقة لعلاج القطاعات التالفة .


يا قلب نقي كذا انت بتزعلي علينا اصحاب البنارات قصدي اصحاب المحلات في المنتدىوهذا بحد ذاته سيتسبب في مشكلة في التعامل في ما بيننا كـ اصحاب خبره وهم اصحاب محلات...ومشكلة قرصك الصلب والحلول المقترحة ....لاكن بعد مداخلة
الاخ عشوق سنتوقف بما انه سيقوم بأصلاح الهاردسك الخاص بكِ وهذا بحد ذاته سينهي الموضوع وسيحل المشكلة وذهابك لمحل مختص في استرجاع المعلومات افضل من الشرح لكِ هنا.

اقتباس: وديته لمحلين بحايل وكلهم قالوا مافيه أمل يشتغل

الظاهر انهم معلمين شاروما وليس لهم علاقة بصيانة الحاسب والهاردسكات.. للمعلومية الشركة المصنعة او اي شخص محترف على اتم الاستعداد لأرجاع جمسع المعلومات الموجودة والمخزنة في القرص الصلب.. طبعاً الشركة المصنعة تأخذ نص مبلغ قيمة الهار دسك عند استرجاع المعلومات.
تمنياتي للجميع بالتوفيق
[/align]

راعي حركات ,,
لاتشيل هم يالغالي ..
انا حبيت اني اضع حل نهائي لها مادام هي استنزفت الحلول على حد قولها ..
وقلت أرسلها لمحل عشان تحله ..
ومن ناحية الشروحات لم نقتلها صدقني بقولنا اذهبي للمحل ,,
بالعكس ياخي الحلول راح يتطرق لها صاحب الخبره كأمثالك الطيبه في موضوع خاص بها ,,
ومافات شي يالغالي القسم تحت خدمتك وخدمتنا كلنا ,,
بس لم أرسلها للمحل من قصد مادي ورب البيت .,
ولكن قلت اريحها بالحل السريع وبعدها نجي هنا ونحلله على كيفنا ,,

اقتباس: يا قلب نقي كذا انت بتزعلي علينا اصحاب البنارات قصدي اصحاب المحلات في المنتدىوهذا بحد ذاته سيتسبب في مشكلة في التعامل في ما بيننا كـ اصحاب خبره وهم اصحاب محلات...ومشكلة قرصك الصلب والحلول المقترحة ....لاكن بعد مداخلة الاخ عشوق سنتوقف بما انه سيقوم بأصلاح الهاردسك الخاص بكِ وهذا بحد ذاته سينهي الموضوع وسيحل المشكلة وذهابك لمحل مختص في استرجاع المعلومات افضل من الشرح لكِ هنا.

لاياخوي انا ماعرضت المشكله هنا الا ابي الحل منكم
لان باين عليك ومن خلال ردودك على مشاكل الاعضاء
انك خبير بهالاشياء
مشكلة بعض المحلات مشكله بسيطه مايعرفون يحلونه
فمابالك بالهارددسك
انا عندي مشكلة صفحة اليوتيوب تطلع كبيره حيل واديته
لمحل وقال حلينا المشكله ولما فتحت الجهاز الا ماحلوا شي

فكنت اتمنى انك تشوف حل للهارددسك
انا للحين ماسويت فيه شي لاني كنت انتظر ردك على الموضوع
لان الملفات اللي فيه تعبت فيهن حيييل وماودي اي احد يعبث فيه
ويتلفهن علي لان تقريبا الهارد مليان

فاتمنى منك انك تساعدني بالحل او على الاقل تنصحني بمحل موثوق

اقتباس: الظاهر انهم معلمين شاروما وليس لهم علاقة بصيانة الحاسب والهاردسكات.. للمعلومية الشركة المصنعة او اي شخص محترف على اتم الاستعداد لأرجاع جمسع المعلومات الموجودة والمخزنة في القرص الصلب.. طبعاً الشركة المصنعة تأخذ نص مبلغ قيمة الهار دسك عند استرجاع المعلومات. تمنياتي للجميع بالتوفيق

هم يقولون ان اصلاحه راح يكلف مبلغ كبير شوي
يعني اعلى من قيمة الهارد دبل سعره

اقتباس: المشاركة الأصلية كتبت بواسطة عشوق    راعي حركات ,, لاتشيل هم يالغالي .. انا حبيت اني اضع حل نهائي لها مادام هي استنزفت الحلول على حد قولها .. وقلت أرسلها لمحل عشان تحله .. ومن ناحية الشروحات لم نقتلها صدقني بقولنا اذهبي للمحل ,, بالعكس ياخي الحلول راح يتطرق لها صاحب الخبره كأمثالك الطيبه في موضوع خاص بها ,, ومافات شي يالغالي القسم تحت خدمتك وخدمتنا كلنا ,, بس لم أرسلها للمحل من قصد مادي ورب البيت ., ولكن قلت اريحها بالحل السريع وبعدها نجي هنا ونحلله على كيفنا ,,

يالذيب ما لحقنا شك فيما تقدمونه للاعضاء وغيرهم من خارج المنتدى ... وحتى لو ارسلتها للمحل بالعكس انت تريد الفائدة لهذا العضو او غيره بأن تنهي مشكلته بغض النظر عن الامور المادية.

ومنكم نتعلم يا عشووووق .... وتراك ما زلت كبير بنظري وكل يوم تزيد يالغالي .
تقبل الله منا ومكنم صالح الاعمال... ونفع بكم

شكراً لكِ على كلامك الطيب .
بخصوص صفحة اليوتوب ... جربي تضغطي على
Ctrl + علامة - لتصغير الصفحة
و Ctrl + علامة + لتكبير الصفحة
ولا تشيل هم سأبحث لكِ عن جميع الحلول فيما يخص الهاردسك وصفحة اليوتوب ... غداً انشاء الله سأقدمها لكِ.
مع فائق الأحترام ،،،
وتقبل الله منا ومنكم صالح الأعمال

آن شآء آلله آلاعضـآآء مآقصروآ ويآك ..
وآن شآء الله تنحل المششكلـه ~

[align=center]
اهلين قلب نقي بعد أذنك بنأخذ الموضوع من اول ... ليتم تحديد الخلل ...
هل هو من منافذ الـ usp
أو من جهاز الكمبيوتر
أو من الهاردسك.

*هل جربتِ فتحة ثانية (( منافذ الـ usp))؟ يعني انتِ احتمال يكون في جهازك 4 فتحاتusp . جربي فتحة غير الي قاعد تجربِ فيها ...!
*هل تم تجربة الهاردسك الخارجي على اي كومبيوتر ثاني غير الجهاز الذي تعملين عليه؟ ارجو تجربتة على جهاز ثاني وليكن مكتبي اولاب توب
*من على سطح المكتب اذا فتحتي ايقونة جهاز الكمبيوتر
هل تشاهدي البارتشن الخاص بالهاردسك ((المحرك)) مثلا c , d, f , gأذا كان محرك الهاردسك ظاهر امامك اضغطي على مجلدات بجانب بحث في الاعلى.

.

بأنتظار ردك.. لنبداء بالحل



[/align]