الاطـــــــــــــلال!!

تدري وش المشكله يابوح
هالشاعر يبي يطلع على اكتاف قصيده
الأمير الشاعر طلال الرشيد ابونواف الله يرحمه
الشطر الثاني من البيت الأول نصص الشطر
وبقية القصيده ركبها على نفس قصيده طلال الله يرحمه
مشكلة بعض الشعراء يتابع بالوزن والقافيه والمعنى
ماجاب جديد
ابونواف وش يقول ؟

أنا مقدر أكون إني حبيب(ن) في بعض أحوال

أنا كلي أجي وإلا أروح بعزتي كلي

خذاني لك سؤال في عيونك والجواب محال

خذاني منك دمع في عيوني ما رضى ذلي

أنا اخترت الفراق وما دريت إن الفراق وصال

أقول إني نسيتك.. بس مدري كيف توصل لي

تجيني في الأغاني في السوالف في سؤال الحال

تجيني كل ما شميت عطرك ويتخيلي

رحلت انت وتركت لخاطري طيفك وصبر طال

غدت ذكراك شمس ما تغيب وصورتك ظلي

حكيت وما لقيت من الحكي إلا الندم موال

سكت ومت بالحسرة ولا أدري وشهو أحسن لي

أحبك كل ما فيني يحبك يا خلي البال

تخيلتك دواي.. وصرت جرحي الصعب يا خلي

تعبت أرحل مع وجيه البشر بنساك بالترحال

ولا أدري وش يجيبك في وجيه الناس.. وأهلي


معليش يابوح انا احبك واقدرك
لكن احب طلال الرشيد الله يرحمه
ولاأعلم منهو الشاعر ولكن اقول ياليته
اخترع مفردات ومعاني جديده له فقط
وليس طلال لوحده لكن الشاعر المفرووض
يتفرد بحروفه أو يجاري بفكر جديد

هذا رأيي ارجوا المعذره الصراحه استفزني الشاعر ....