[align=center]
اليكم هذه المتواضعه
ياهيه ياموج البحر يالفذ ياكنج القصيد
لا تلتفت لصغار قوم وتبلشك بأقوالها
مادامك بعينك بحر ولحضرتك مجدٍ تليد
عن المرابح تجرتك اقضب برووس أموالها
ان مانقص مجد العرب يبطي من الهرجه يزيد
والناس تجزى ظنتي حسب اختلاف اعمالها
دام الفرايد في يدي والعقد في عنقك فريد
بعض العقول ان هلوست مالي ومال هبالها
يامبحر ٍ وسط البحر ياماشي ٍ فوق الجليد
يامغني ٍ بعض اللحون وجايب ٍ موالها
الترك شنوا حربهم والحرب يبغاله عنيد
وأهل الدروع مترسه مبطي صدور ابطالها
ان كان تبغى لك سند والا تبي من فيد فيد
استفزع قرون العرب تنطح عظيم جبالها
حديد باس المرتكي باسه على االغايب شديد
وأهل الضعف دايم تقول ولانشوف أفعالها
الحر مسكانه هنا وهناك مسكان العبيد
( والنار من شبابها والخيل من خيالها )
وان كان مرت بي كذا مامرت بشخصٍ بليد
بس الرجال الفاهمه تدرى عقول اطفالها
تركي فلاح
[/align]