مدري وراه الزمن

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

مدري وراه الزمن يكسر خواطرنـا
وش يستفيد الزمن يومـه يبكينـا

دايم والأحـزان ماليتـن مناظرنـا
من يوم كنا وذا حال الزمن فينا

أرجوك أنا يازمن ارحم مشاعرنـا
مهما بكينا تـرى محـدٍ يواسينـا

كم ليلةٍ كنهـا الغيمـه محاجرنـا
كن الشقا من ربيع العمـر هاوينـا

غاب الأمـل مايلـوح ولايسامرنـا
ماعاد لـه بارقـه تقبـل وتحيينـا

مات الفرح كثر مابحت حناجرنا
حتى الأمانـي تمـوت ولاتسلينـا

جفت فصول الحياه بقـل ماطرنـا
لو نزرع الورد مات الـورد بيدينـا

تهنا وتهنـا وفقنـا فـي تحيرنـا
درب الخطاوي سراب وزود يظمينا

لوينصف الوقت مجروحه تصبرنـا
نعيش حلم السنين إن كان يمدينا !!

مازلت أهدي ظنوني لـو تطيرنـا
مدري جفا الوقت بكره ؟ لو يداوينا

لكن أشوفه قسـا واليـوم يقبرنـا
واشوف كل الوجيه ابلطف ترثينا

[/ALIGN][/CELL][/TABLE1][/ALIGN]