قصة إغتيال @$@المستانسة@$@

السلاااااااام عليكم ورحمه الله..




رحلـــــــــــــــــــــت....

ولم يبقى لنا سوى ذكــــــرى...

رحلت وغابت بعيداً عنـــا....

كانت وستضل زعيـــــمة القلوب والعقول والبسكوت وحليب السعودية ..لا صح دنماركي .

اغتالوها ..حرقوها ..قطعوها ....

واجهت الموت بقوتها المعهوده وعزيـــــمة على مفطح لاتفتر ابدا ..

واليكم تفاصــــــــيل هذة الحادثة المشئومه :

دقت علي@المستانسة@ قالت : هلا قراقيش ..شلونتس .. شوفي ترينن والمه ابروح لسامودة تسان تبين معي ترا مامعي احد وسيكلي ماشالله مبروك ويشيلنا كلنا ..قلت : والله يالقائدة خوتس ماتنعاف ..بس ولله معزومة على عرس ولد عم بنت جيران خوالي ويقولون بوه زفه ودي احضروه .. ياجدي هالخشة اعذرينن..
قالت : عطاتس العردز على الأقل امشي عاونينن ..ربطي معي العفش ..<<رايحتن لحاله مدري وشو العفش ؟؟

المهم .. رحت ..وياليتني لم اروح ..
وجدتها مجهزتن نفسه .. وعفشه .. وكااااشخه اااخر كشخه ..لابستن بنطلونه الفسفوري الي شاريتوه من مانغو يوم تخفيضاتهم .. ( كشخه ..لسامودة ؟؟..تصدقون اشك به !!)

ربطت العفش معه ..ووصيته على كريتين من الفقع ..وشخفتن شخفه من معاليتز قلبه ..ولايزال آثار ورسه على شدوقي حتى كتابة هذه الأسطر ..


وبعد قليل ..

وبعد ثوان معدودة ..

حدث مالم يكن في الحسبان ..


بووووووووووووووووووووووووووووووووووووووووووووووووو ووم

دوووووووووووووووووووووووووف
تررن ترررن << جرس السيكل

ياااااااااااالهي ... القائدة .... الزعيمه .... لااصدق ...لااصدق

كانت قد تحولت الى اشلاء .. لم اصدق عيناي ..بطرفه عين تقطعت ثمانين قطعة ..تقطيع ثلاجة .. لحم مفروم بالجبنه

_-_لا يمه هونت سمالله علي الرحمن الرحيم_-_

تطايرت شباصاته هنا وهناك .. لم تتهنا بالمطًارة الجديدة ..يالـــــهي !!

سقطت على الأرض من هول المفأجأه ..لم احتمل هذا المنظر الشنيع ..وزعيمة الأرض متقطعه قدامي والتفتت الى يساري واذا برأسها قد تدربى وتدربى وتدربى الييييييين وصلن ..نظرت اليها بحسرة وسقطت دمعة على خدي ..





مادريت الا الي صرخ : قراااااااااااااقييييييييييييش عنبوتس مهو وقت صياااااااااااااااح .. امشي تعالي جمعينن بسرعة..هذا اكيد عاااشق m يبي يغتالن ..التماسيح اغتالونن ..تعالي جمعينن خليني اروح اتوطاهم

نزيت نزه نصه يكفي .. ونقزت ..القائدة حية ؟؟ معقول ؟؟؟

رحت شلت راسة بين يديني ونظرت لها بحب ..مادريت الا الي تفلت بعيني وقالت : وشقول انا وشقول يالبتسى ..ودينن المستشفى بسرعه قبل يقضي دمي ياملعونه الجدف ولا وقسم بالله مااخلي احد يتبرع لي بدمه غيرتس ..( تمون القائدة ..دايما تعاملن تقل اصغر عياله )

اخذتها للمستشفى مسرعة .. وادخلوها قسم التشطيب .. وشرطنوا يدينه ورجوله .. كانت تصرخ .. وتصرخ صراخا يقطع نياط القلب ..كانت تتألم بشدة ..

وتصيح بصوت متقطع ..جريح ..بائس ..لم استطع ان امسك اعصابي .. اسرعت الى غرفه العمليات ..

دخلت عليها وضمتيها لقلبي بشده ..قلت لها مواسيه : القائدة ..لاتصيحين ..انتتي دايما قويه ..دايما قد المصاعب ..وشي اشوى من شي يااعمري انتي ..

قالت : المصااااااااريااااااااا...الي بزعمهم دكاااااااااااااترة .. مشرطنينن بشطرطون اسود ..تقل مابوه بالسوق شفاااااف ..اكيد تايغر قايلن لهم .. شلون البس ثوبي السماوي بعرس خالي فهد ؟؟؟؟ وكمومه قصار ويديني مشرطنات باااااااسود ..مايبونن اصير كشخه .... مايبونن اعرس..وااااااااااااااااااااااع

وحلينا المشكلة ..شرينا شطرطون شفاف بوه لمعه زهرية جاز للقائدة الله يرحمه ..

ورقدوه بالمستشفى .. بغرفة مستقله ..لشواهتها وطولة لسانها رحمها الله ..

وفي يوم من الأيام .. وتحديدا يوم الخميس الماضي ..

ذهبت في زياره للمستشفى ..واذا المستشفى فووق تحت ..شيل وحط ..وصياااااااااح وصرااااااااااااخ وزحمة ولجه

وش السالفه ؟؟؟ واندعست بين الصفوف ..الييييين وصلت ..

لقيت القائدة ماسكتن شوشه ممرضه !!! والممرضه تصيييح !!!
قلت : وشبتس ..مستانسة؟؟؟ عسى مااشر القائدة ؟؟ خلي هالمقروده قطعتي شوشته !!

قالت : اقوووووول .. ترا كل يوم اسكت لتس ..طفح الكيل .. اعترفي ..اعترفي .. من مرسلتس علي ؟؟؟؟
أمير الذوق ..هااه ؟؟ ولا منذر ؟؟؟ احتسي اقوووول اعترفي ؟؟؟

قلت : وشبه ؟؟ وش سوت لتس ؟؟

قالت : كل يوم تجيب لي الاكل بارد ... كل يوم وانا اسكت له ..تبينن اتجلط ..تبينن اموت .. بس انا داريه ان تماسيح بعد حيي يوم فشلت خطتهم بتفجيري ارسلولي اياه ..

قلت : خلاص خلاص ولله اجيب لتس عشا الحين من برى بس فكي هالمسيكينه الله يرحم والديتس يالقائدة ..

واخيرا فكته وطواالي الممرضه على قسم العظام والكسور .. ومن غير ليه !!

ورحت اجيب عشا ..
فكرت .. يعني هي مريضه يحول .. والقائده ..خل انذخ له شوي .. سالفه سندويشه صبه ماتمشي ..ولا شاورما عربي ..ولا كيك اصفر ومرندا ..خل ادور شي كشخه

ومالقيت الا عمنــــــــــا الشايب


رحت خذيت سطل ونص .. مع فشفاش وردة .. ولبن المراعي ..وتبولة ..

وديتهن لمه .. استاااااااااانست .. فرحت ...
واول واااااااخر مره تقول لي : شكرا ياجحشه (مااقصد جحشه عادي هذي ..اقصد شكرا )

استااااااانست من وناسته .. وفرحت لفرحته ..قالت لي تبين ابقي لتس عظم تعرشينه ؟ تلهين به بس ؟؟
قلت : لا ياحياتي يالعظمى ..طوول عمرتس رحيمه وراعيه واجب ..

ولكن ...
وبدون مقدمات .. قالت .. قراقييييش ..قرقش .. قشقش ..شش ..بق بق بق بااااااااااق

نبت له ريش باافمه ..

القائدة ؟؟؟؟؟؟؟ وشبتس؟؟؟؟؟ يماااااااااااااااه ..

نقزت وقعدت تركض بالغرفه وتركض وتطرش ريش ..وتتفل ريش ..
كل الدنيا ريش بريش بريش ..
وفجأه سكتت....


وقبل ماتسكت مسكت القلم وكتبت لي هالوصية :

" سحالي منتدانا الغالي بعد حيي .. وصيتي الاولى والاخيره تنتقمن لي ..وتأخذن بثأري ..من التماسيح ..ومن قراقيش .."
قلت القائده عيني خير وشدخلي ؟؟؟؟؟

قالت " لا ساعدن قراقيش فترنه مهما كانت دلخه تضل صديقتي الصدوقه ..اوصيكن بمقاطعه الدنمارك .. وكنتاكي .. وامريكا ..واليهود ..ومانغو .. والتماسيح ..اعلنن الحرب عليهم ..وخلنكن قد المسؤليه ومهما صار لاتصحن ..انتن جنود الوطن وحماه بعد حيي من بعدي"

وقالت لي " قراقيش .. قولي لخطيبي لايعرس ..ويصك على روحوه ويبكينن مدى الحياه ..وانتي هذا رقمي السري بالمنتدى (****) وخوذي كل مشاركاتي حلال عليتس .. وشوفي الجزء الثاني من فضيحه التماسيح بهالسي دي واعطتن سي دي صغييير مغيبتوه تحت لسانه .. وقالت لاتحاتسين احد عقبي" (حكم عنيبر الله يرحمه )


هذا وجه خطيب @$@ المستانسة @$@يوم درى بالخبر ... ونظره الم باينه بعيونه..مع شوووي وناسة

وذهبت ....
رحلت ..بعد ان ملأت الدنيا قوه وعظمه ..
بعد ان سطرت بيتان من الشعر ..

ماهقيت ان السحالي يهزمني ..لين شفت جيشن لهن مايباتي
ولله اني ماقويت الا اونًــــــي ..من كيد مستانسة وكل البناتي


تماسيح المنتدى ...
قد تكون الزعيمة توفت بأنفلونزا الطيور ...لكن انتم السبب الرئيسي ..

وهؤلاء هم الذين توجه اليهم اصابع الإتهام

ف لذلك ..على العهد سنبقى ... وندافع ..وندفنكم حيين ...وترقبوا الجزء الثاني قريبا ....


قراقيش ... بغير الدم ..ماارتويش