بلشانه بشعرك وخربان ومتغير عليك .. طلي هنا

[ALIGN=CENTER][TABLE1="width:95%;background-color:white;"][CELL="filter:;"][ALIGN=center]




مراحب تراحيب الساع

حي الله خواتي

طيب وبعدين

المهم شفت أغلب بنات جنسي << متعوب عليها

يحبن كششهن وأبلشونا فيها اللي تقول :

شعري يتساقط
شعري خفيف
شعري صبغتها ولاعنه أمه بالاستشورا ومحنتيه << وش لون تبغينه حلو
شعري فجأة تغير
شعري صار من قدام زي الصلعه
فيه حبوب في فروة راسي
.
.
إلخ


تبين شعرك يبدا يهفهف على قولة أمي
تبينه يلمع
تبينه يصير صحي ويتنفس << ماسرقتها من دعاية أبدا

تعالي ياعسوله إنتي وإياها أقولك بعض أهم الأشياء اللي أنا أسويها وصاحباتي
أنقل لكم خبرتي بهالجمال يمكن تنفعكم انتن ووجيهكن << أسلوب خايس

أمزح

تابعي
















راح يتكون موضوعي من أجزاء اللي هي

أ.أهم مشاكل المؤثره على الشعر وأسبابها :

1. مشاكل نفسية
2. التوتر
3. الوراثه
4. سوء الأكل
5. كثرة الصبغات
6. نقص فايتامينات
7. نظافة الأدوات المستخدمه للشعر
8. طريقة تسريح الشعر


ب. أهم النقاط للشعر جمييل وصحي وناعم :

1. التغذية
2. العناية الخارجيه
3. نظافة المواد المستخدمه للشعر
4. بعض من النقاط المهمه








أ.أهم مشاكل المؤثره على الشعر وأسبابها :

1. المشاكل النفسية
2. التوتر


سبحان الله هذه تعتبر من أهم المشاكل اللي تواجهنا حنا يالنساء بشكل عام،، بحيث إننا من النوع اللي يقلق أكثر، يشيل هم، نفكر كثير، امتحانات، حمل، ولاده، هذه كلها تؤثر بجمال الشعر وكثرته
عشان كذا الواحد يهدي ويثق بالله ومايفتح مجال للتفكير والوسوسه بس عشان ماتصلعين






3. الوراثه

أكيد الوراثه تلعب دور كبير في نوعيه الشعر، كثرته ، متانته، ولونه
فيه أنواع من الشعر ينفع فيها الأهتمام على حسب نوع الشعر وفيه شعر لا ماينفع بحكم إنها مثلا سوداء مره
شعرتها متينه مره ماتنصبغ بسهوله
فاللي تسأل ليه شعري خفيف؟ ليه شعري أشهب؟

أبحثي في شجرة العائلة وبتلاقين جوابك أكيد







4. سوء التغذية

للأسف أكثر من 60% تغذينا سيئة جداً
كلها زيوت
أوقات غير منتظمه
شوكولاتات بكميات كبيره جداً
غير المقالي والوجبات السريعه

وياليتنا ننتبه بعد أهم شي نسد جوعنا وبس






5. كثرة الصبغات

أكيد كثيرة الصبغات لأنها كلها مواد كيميائة ومافيها خير
فيه نوعية شعر ماتتحمل الصبغات أبدا تحترق على طول
وماشاءالله تبارك الله فيه أنواع شعر ماتتأثر
وفيه نوعية شعر ماتمسك فيها اللون
يعني مولازم أنتي تسوين لون يطلع نفس لون شعر صباحتك والا اختك ببساطه لأن نوعية شعرك تأثر ولو بشكل بسيط




6. نقص الفيتامينات

نقص الفياتامينات في جسمك يأثر بشكل مباشر جدا في شعرك وحتى في نعومته وقوته ولمعانه





[/ALIGN][/CELL][/TABLE1][/ALIGN]