ضاقت فجوج الشمال وضيقوا حايـل** حشون على الزمل تدحم في مناكبهـا
استطولوا ضلعها واستقصـر الطايـل** ومقصرين اللحـى طالـت شواربهـا
ترعد وتبرق سحايبهـم بـلا مخايـل** وعميا البصاير متى ربـي يحاسبهـا
اعقلهم اللـي بزيـف فعولهـم مايـل** وإن عالت الناس جاء يجمع مكاسبهـا
غررهم الجدي يـوم سهيـل متحايـل** ومن زيف الأوراق يكفينـي تجاربهـا
نشّت عدود العرب من عيلـة العايـل** واقفوا ولحدن على العيلـه معذربهـا
اندمـدم السالفـة ونراقـب الصايـل** والجِرب نطلى جربها مـع جوانبهـا
ونرفا الطفايس وشك نفوسنـا زايـل** وعن لقمة الحلق شمنا عـن سبايبهـا
وإن قالوا النـاس قلنـا هيـه ياقايـل** جبها وليا عاضبت لك عندنـا جبهـا
حنا زباين طناهـا وإن بغـت شايـل** جل المصايب دعسنا فـوق غاربهـا
وش عاد لو ضلعنا من جورهم سايـل** والشِلف ادمت على الطيّب مضاربهـا
ومع كل هـذا تـرا تاريخنـا طايـل** ومستعرب الخلق مدري من معربها ؟؟
الشاعر :: مشاري مبارك الضويلي
العضو الأكثر نشاطاً هذا اليوم 
العرض الشجري
