][ .. قراءه في روح الشاعر خالد .. ][

.
.
.
.






روح الكوميديا التي يعيش بها شاعرنا لا بد ان تظهر احيانا في اشعاره .. وهنا من بداياته تظهر هذه الروح مع هذه الابيات البسيطه شكلا والقويه شعرا ومضمونا !






قل والله احْلف .. ما أصدّق عيونك
.......... تكْفى تراني منتظر منْك حلفان .. !

هلحين صرْت العاشق اللي يصونك ؟
.......... بالله من جدّك عليْ صرْت ولهان ؟

يالسّرمدي ما طابت آخر طعونك
.......... والجرح الاول فوقه جْروح واحْزان

خاين ولا تبغى حبيبك يخونك ؟
.......... عيني بعينك ( وش تحسْ فيه ) يا فلان ؟

تلومني والكذب فنّك ولونك ؟
.......... إلْعب بعيد اعْرِفْك لاعب وفنان .. !

من طيف حبّك مالنا الاّ مزونك
.......... نظمى لها وتمْطر على غير شعْبان !

رح لمّهم علّ وعسى ينفعونك
.......... ومن باعنا برْخيص لا بدّ ينْهان

ومن بعْدها ارْجع لا تخيّب ظنونك
.......... يمكن يسامح قلب في داخل انسان !









وهنا يوظف اسلوبه الساخر .. في هذه الفكره الواقعيه .. كانت في بداياته .. ولكنها كبيره !





إرْجفيه بلوك يا دمْعة عيونه
.......... قلْعته حبّيب في وقْت الخيانه !

وْقولي لْقوقل وياهو يطْردونه
.......... وشْ تبي في لطْفه وْزايد حنانه

وامْسحي بالأرض خشْمه مع سنونه
.......... منهو قدّه بالعرب ( عنتر ) زمانه

مادَرَى إنّ المسن كلّه يخونه !
.......... فيه عَشْره يحْترونك في مكانه

في خياله إنّك بنيّه حنونه
.......... هالغبي طايح سوالف مع ميانه

فنّك الغادر تحكّم في فنونه
.......... صار ملْحَق وانتهى باقي كيانه

إعملي له حذْف يا دمعة عيونه
.......... قلْعته وافي بْزمن كلّه خيانه .. !









وفي بداياته كانت هذه القصيده بمثابة نقله .. لسلاستها وبساطتها ودخولها قلب المتلقى بدون استئذان .. !






لا تجاملني على حساب العـواطف
........ كلْمِتِك عمْيا وانا قلبي بصيـر

إشْتكت من برْدها حلْو الشفايف
........ همْسِتِك ثلْج وشفايفها سعير

إبْتسم واضْحك انا بالْحال عارف
........ واتْرك الحب لْهَله توّك صغير !

في جمالك جامع ٍ كل الوصايف
........ الجمال المملكه وانت الأمير

يا خشيف الريم يا ملْح الولايف
........ يا سحابه كوّنت ظلّ وغدير !

يا مطر ديمه على روس النوايف
........ يرْوي عروق ٍ ظماها يستجير

في عيونك هرْج وعْلوم وْسوالف
........ فيلم رومانسي بْنظْراتك مثير !

لابس ٍ جينز وْشكَتْ منْه الردايف
........ والبودي بنْك وتفاصيله خطير

كلّ شيّ ٍ موضه وْوقت وْمواقـف
........ بين كاجوال أو هيب هوب الشهير

لكن التفكير متجمّّد وهايف
........ مع برود احساس معْدوم الضمير .. !









كثيره هي الراسئل التي ترسل إلى ( مجهول ) .. وهذه منها ..






في كلامك كل شيٍّ في محلّه !
........ ما اسْترَحْتي لين وصَّلْتي رساله

إنشريها فوق صفْحات المجله
........ واكْتبي العنوان{ كالعاده } نذاله !










يقولون .. ( الشرهه على قد المعزّه ) .. وهنا الرد كان على مستوى الجرح .. !






تجْرح الإحساس في عمق الحنايا .. صمْتها نبضه كذوب ..
ما وهبها الله فالدنيا مزايا .. غير تعذيب القلوب .. والمرار اللي فقع كبد الضحايا
ناسها خمّه وهرْجتْتهم خطايا .. ومزْحها كلّه ذنوب ..






قل لها يا جرح مادامت غشيمه
........ ما يهين الحرّ أحقاد وسموم

والطيور اشكال لو كنتي فهيمه
........ يفْرق التاريخ عن درْس العلوم

طينتك بالذلّ تسقيها الشتيمه
........ وهامتي بالعزّ ترْويها الغيـوم

وقـل لها يا حق لا ترْخي العزيمه
........ خلـّها تحْكيك لو فيها عزوم

حرْفها مجنون والجمله سقيمه
........ علّموها الهـرْج أوباش وْرخوم

تستلذّ العيش باوكار النميـمه
........ في بحور الحقد تصْطاد وتعوم

وقل لها يا ذوق لوحتْها قديمه
........ من قسا الألوان تغتال الرسوم

تشتري بنزين والمـوتر بهيمه !
........ وتشحذ البرواز والصوره هموم

تطْلب التحقيق من قبل الجريمه
........ وترسم البسمات في عزّ الهجوم

تكْتم الاخبار لو كانت عليمه
........ الخفا سفّاح والظاهر رحوم

تستفـزّ الصبح لو شمّت نسيمه
........ زقْْمها محتال والعالم خصوم

تحتقـــر هيفا وتتْجاهل حليـمه
........ من مدحْها كذب جعْله ما يقوم

سرْقة الألقاب تحْسبْها غنيمه
........ تسرق الأنوار من ضوح النجوم

ما بهـــا للعلم تقدير وْحشيـمه
........ تسْمع الراقين في صمت وْوجوم

الشهاده حلْم والواقع خصيمه
........ والجهـل أوراق تزوير وختوم

الحطب لو غار من حامي جحيمه
........ ما يغار الناس من خبْله تحوم








وهنا كيبورديه من ضمن اغلب قصائد شاعرنا التي تولد كيبورديا .. هنا رد على حسب السؤال .. مقابلة الطيب بالأطيب !




تقول ثبّت صورتك بالعناوين
........ واقول سمّي يالطويله فديتك !

ان ما لقيتك وين بلقى الحلا وين؟
........ لولا الغلا ما خذْت منْك وْعطيتك

لا يا بعد كل الحضر والبداوين
........ باقْوى تواصيف المحبـه هويتك








هنا شاعرنا يتوجّد ,, لا تلومونه !





لاخاب ظنّك بالرفيق المعادي !
.......... والدار ضجّت والمطاريس تنْقاد

ولاصار همْسك من شذى الوجْد كادي
.......... والطيب عطْرك شمّه اقْراب وابْعاد

يكفيك من روض الغلا طير شـادي
.......... يشْجيك عزْفه لو زعل كلّ حسّاد

الذيب نام وْطال صوت النّجادي
.......... ياحق ضايع والفضا ظلْم وعْناد

وش فيك تشْكي والسّبق حيل عادي؟
.......... والخيل حولك تشْحذ الودّ والزاد

لا شكّ جرْحك من غياب المبادي
.......... جفّف عروق الورد والموت ميعاد


.
.
.





رجاء ولطفا وكرما منكم عدم المرور لحين الإنتهاء من القراءه


يتبع