تـدري متـى أنـدم علـى رمشـة العـيـن!؟

يامحيـي حروف القصايد بساتين !!
مــن نفـحـة أنفـاسـك ولـمـسـة يـديـنـك !!
.
.
هيضـتـنـي .. يـــا سـيــد كـــل المـزايـيـن
فــي مبسـمـك ..... ولا بـطـلـة جبـيـنـك !!
.
.
وقهويتـنـي فـنـجـال حـبــك مـــن سـنـيـن
( والله على الفنجـال ... تسلـم يمينـك !! )
.
.
وصـلـتـنـي والــشـــوق دون الـبـراهـيــن
واضــح ومــا يـحـتـاج بـيـنـي وبـيـنـك !!
.
.
مشـاهـدك بسـمـه ولـــو خـاطــري شـيــن
بــالــذات لا مــــن بـيّـنــت وردتـيـنــك !!
.
.
تـدري متـى أنـدم علـى رمشـة العـيـن!؟
لا صـــرت قـدامــي وعـيـنــي بـعـيـنـك!!
.
.
أخـاف لا تمـشـي ولا أدري عـلـى ويــن ؟
فـي ردة رموشـي عـلـى شــوف زيـنـك !!
.
.
ويضـيـع وقـتـي عـنـك يــا كـامـل الـزيــن
وأخسـر مــن عيـونـك مشـاهـد حنيـنـك!!
.
.
لا تلومـنـي .. والـوقـت ســمّ المحـبـيـن !!
مهـمـا تـقـدم فـيـه .. ؟ مــا ســدّ ديـنـك !!
.
.
هـذا أنـت عنـدي ميـر بكـره ..وبعـديـن ؟
والله مـــدري ويــــن قـلـبــي وويــنــك!!
.
.
من غبت حطيت ( الهوى )بين قوسين !!
لا مـن ضمنـت القلـب مضـمـن سنيـنـك