تاريخ قلبي مع الأحزان يوناني

وينه زماني .. مواعدنـي !! ولا جاني
ليه أخلف الوعـد ؟ و آمالي مطوّقته !

وين إسمي ؟ و عنفواني و أجمل ألواني
وينه من النّفـس ... بدّ الخلق عاشقته !

وينه طموحي ؟ و تصميمي ! ووجداني

وينه حماسي .. مسافر ؟ وين منطقته !
يامبسمي : طالبك !! ما دمت .. عنواني

لا يفطنون العرب .. لِ العلم و آروقته !

إضحك .. تبسّم ! ما دام الضحك مجّاني

وش اللي خذيته من الكبت ؟ و معانقته !
لوّ بترك ايّات شخص أرهى بَ هجراني

مبطي تركت البشر .. و الكل فااارقته !
يا وقـت ماني بَ نـدّك !! لا تحدّانـي

شف وآحـدٍ غيـري .. تهمّك مرافقته !
خذيت مني الفـرح ! و أفرحت عدواني

وعرّضت حلمي لجمر الياس وأحرقته !
تاريخ قلبـي .. مع الأحـزان ! يوناني

كم جرح حافل غـزآ صدري و وثّقته !
تصدّق إن [ الهوى ] في طبعه .. أناني

و إن الهـواوي : أحاسيسـه موّهقته !
مشكلتي إني سوِي ! و إنسـان / إنساني

كثر مايكذب .. على الحب [ صدّقته ] !
مشيت في درب !! مدري .. وين ودّاني

أحاتـي العُمـر ... و الدنيـا معلّقتـه !
مابين غمضة عيوني .. و رعشة أجفاني

ضاع العمر .. من يديني [ ماتلاحقته ] !

يَ ناس .. يَ هووه !! يَ عالم يَ خلاني
إخـذوا وصيّـه .. من الأيـام مرهقته !

اللي يدوّر عليّ ! [ وصّـوه ] ... يلقاني
تعبت أدوّر عليّ .. و البحـث ما طقته !

لوّ إن دمعـي ! يعبّـر .. كلمة إلسانـي
يَ كثر [ دمع ٍ ] عقب فرقـاه .. نطّقته !

دمعي بَ عيني .. يفسّر : صمت حرماني
و الحزن في نظرتي .. بَ الدمع غرّقته !

خلوني أعيـش .. باقي العُمـر وحداااني
وش لي مع الناس و أغلى الناس ماشفته