بسم الله الرحمن الرحيم
السلام عليكم ورحمة الله وبركاته
هذا من القديم تقديرا لرغبة الاخ العزيز قيس ...
يا اخواني انا ادري ان الشيب ما هو عيب بل بالعكس وقار ..
وفينا فينا اليوم والا بعدين ,,,
لكن القريحة هاضت بسبب كتابة احد الاخوات في احد المنتديات ,,
رداً على احد قصائدي .صح لسان شايبنا ,,,
والاخت لاتعرفني ولا تعرف عمري لكن قد تكون من باب المزح ,
فالشكر والتقدير لها ..
وكل الشكر لكم الان واثناء القراءة وبعدها ,,
[poem=font=",6,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
يا بنت عمري حول خمس وثلاثين = في ذمتي يا بنت ما نيب شايب
يا بنت مال الشيب فيني براهين = لو كان ذقت إمن الزمان العجايب
اللي تشوفينه له إسنين وإسنين = جرحٍ يطيب وجرح ما هوب طايب
ما جيت للدنيا رصيدي ملايين = ولآ نهبت إمن الخزينه نهايب
أصارع الدنيا على العسر واللين = بالبرد وألا في سموم اللهايب
لا راح من ليل المخاليق ثلثين= نفز لدوِرة المعيشه هبايب
حنا بدو يظهر بنا الشيب ويبين = من كثر ما ذقنا العنا والمصايب
ناسٍ على الشدّات يا بنت ضارين = وحياتنا راحت إهموم وعقايب
يا بنت ما بين الغنم والبعارين = ندفع من أيام الحياة الضرايب
لكنّ بفعول المراجل سلاطين = نأرد حياض الموت وقت الحرايب
الطيب فينا والشجاعه مع الدِين = وقاسين لكن للرفاقه حبايب
يوم الردي مابين روما وبرلين = بين الورود وبين شقر الذوايب
وحنّا على نجد العذيّه إمقيمين = بين الجبال وبين هاك الجذايب
دايم على الرجم الطويل متواصين = عليه نرقى في شديد النوايب
يزين وقت مدّور الطيب ويشين = لكنّ ما يرجع من العز خايب
ثنتين نؤمن بَه إمنوّل وهالحين = المال وفعول المراجل وهايب
وحنّا ترانا بالأخير متساوين = ما قِدمنا غير القبر والنصايب
وإما بعدها في رياض وبساتين = وألا يجي لك في جهنّم نحايب
وأنتي لو إتقولين شايب ومسكين=قولك خطا يابنت ما هوب صايب
الشايب اللي قد تعدى الثمانين = وقد باد حيله من ظهور النجايب
اللي عن الدنيا وأهلها مقفين = وتومي بهم يابنت حتى الهبايب
يا بنت في سلم الرجال القديمين = نشره ولا نِلحق وراها طلايب [/poem]
العضو الأكثر نشاطاً هذا اليوم 
العرض الشجري
