الليل هود يا حبيبي وانا انطـرك
الله يعين الـي تحـرى اتصالـك
إسأل نجوم الليل عنـي وتخبـرك
اسهرت عيني في رجاوي وصالـك
توعد ولا تافي وانا دايم اعـذرك
لاني اعرفك زين واعرف خصالك
قريت في عينك خفايـا مشاعـرك
عينك تخبرني عن لسـان حالـك
خابرك ماترضى عذابي وخابـرك
جربت من شانى جميـع المسالـك
ادري بخوفك والمحاذيـر تجبـرك
مثل الظبي تجفل ولو من ظلالـك
كيفك وسوو الي تبي مقدر اخسرك
مقدر على بعدك ولا ابـي بدالـك
القلب قلبك والضمايـر ضمايـرك
صارن على ماقيل حسبة حلالـك
ملكت روحي بالمحبه بـلا شـرك
والله لحالك إنت والله لحالك
بس العزا شوقي اذا غبت صورك
دايم بعينـي يـا حبيبـي خيالـك
طيفك يجيني تالي الليل واسهـرك
وأهيم في دنيـا بهـاك وجمالـك
احط طيفك وسط عيني واسامـرك
جفنن فراش لك وجفنـن غطالـك
واقول يا طيف الحبايب وش أخرك
غايب وحاضر مسرفن في دلالـك
بقولك والليل هوّد وانا أنطرّك
همين يكفن ياانت والا إتصالك
ودي للجميع