ياطائر.. الفجر. وينك.؟

ياطائر الفجـر وينـك غصـن قلبـي يحـن
واوتار عمري هجدهـا مـر صمـت الليـال


ثـارت بداخـل حياتـي عاصـفـات الـحـزن
واستوطنت بي غرابيل الزمـان العضـال


قبل امس للعاصفه في يد قلبي رسن
واليوم تعصف بقلبي فـوق حـد الخيـال


صبـرت لكـن صبـري تـاهـ/فـيّ بـمـدن
عجزت ل/اسبر شوارعهـا وهـذا محـال


لن الشـوارع وطـن للـي نسـاه الوطـن
ولن الحيـاة التعيسـه ماخـذه كـل جـال


خلوني اتيـه وحـدي فـي دروب الزمـن
طرقي وشايل من هموم الليالي جبال


وامــر بـديــار خـلــي والـقـوافـي تـــأن
وتزبرة فوق راسي مثـل سحـب هيـال


واكتـب لخلـي مأسـي دنيتـي والغـبـن
والحبر دمعي على خد المسافات سال


في صمت الايام وحدي والزوايـا سكـن
والشوق نبظـي وتذكـار الليالـي وصـال


ياما ذكرتك وهز الشـوق فينـي شجـن
وتـاه الامـل فـي غياهيـب العنـا للمنـال


مـن مـر الايـام جانـي مـا يسـم الـبـدن
واخـر عذابـي تجازيـنـي جـفـا وارتـحـال


لـو كـل مابـي مـن جـروح الليالـي بـرن
ماظن جرحك بيبرى لـو يطـول المطـال


عطيـت للـي يبـي شعـري بلـيـا ثـمـن
وامطرت له من غمام الفكر عـذبٍ زلال


لكن بعـض القوافـي مالقـت مـن يحـن
لوهي تقطع نياط القلـب مـن كـل جـال


ما ينقص البحـر لـو عافتـه كـل السفـن
وماتهـز ريـح السوافـي عاليـات الجبـال


مـات الشجـر بالتصحـر والرمـال الكفـن
وبعض الاشجار تنمـو لـو علتهـا الرمـال


تطـاول الليـل والغـفـوه تمـنـى الجـفـن
وراسي توسد على كف الاماني ومـال

الشاعر: عبد العزيز الزهراني